2 TAWARIKH 16:9 - Allah Wene Fano Wene Hupla Inane

⁹ It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

2 TAWARIKH 16:9 ပူးပေါင်းရင်းမြစ်များ

KEJADIAN 31:28

An na'logomi inom, nombawi inom, logoin nen inelokhoma inambe saluk hai warinabuakhogo iluk ogo yaganeten legat. Haren mondok-mondok moruerogo hilingiten.

2 SAMUEL 24:10

Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.

1RAJA-RAJA 15:32

Raja Baesa o Israel meneba welagaikhe mene andi nen melalinafu welagaikhe oba re, hundik-hundik at Baesa inom raja Asa it Yehuda mene inobaget welagaikhe mene a'nogo inom weim yafu mondok welagaukwa.

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

1 TAWARIKH 21:8

A'nogo wogisasikhemo re at Daud en Allahba samban ikhi logolik he, ”Allah neisena o, an mondok weak hilingitimo, naweak sebelogo leget fisan o, an nen hilingiti mene andi re mondok kemburogo hilingiti o, neisena!” iluk samban isikhe.

2 TAWARIKH 15:17

At Asa nen he o kweang at welagaikhe meneba andoma re afuni inanggembu fogeratarek kwe omanogo mondogat weaget fisasikhe lek oba nen he, at Asa eluk welagaikhe huli andi re aren Tuhan oba tiphogo mondok welagaikhe.

2 TAWARIKH 15:19

At hun Asa nen melalinafu werek kwelek enek he 35 tahun welagaikhe huli andi re o andomaba weim abok ogo mondok legengge welagaukwa.

2 TAWARIKH 16:10

A'nogo yagatikhemo re at nabi Hanani nen yagatikhe mene andiba re at Asa a'nogo a'mage lagasikhesik he aren nabi a'nogo o afuni hele warogo kwelaginafarek oba omanogo kwelafikhe. Andem oba re at Asa nen it afuni holhu mene fenakwe inom enggin-fenggin inoba hokhorogo fikhi lagaikheat.

2 TAWARIKH 19:9

It andi menfisilik lagaikhe andiba re, at Yosafat en yagaisikhi logolik he, yi'nogo yagaisasikhe, ”Hit hineabu wokhisigirik menhinobagagi mene andi re At hineisena Tuhan oba hinailorogo logolik, hiren yi aple ti aple hilingiti logolik at awene melalek yagaisugu mene andoma higithogo hilingitik, hinendawinggen sakhorek oba hilingitik, ikhi logoino.

2 TAWARIKH 6:20

Haren o hat awiba wene kabogetuba iluk wenagaisogo fegen mene ari, linggene inom, hubanggo inom, halhi logoino. Niren o yi fikhit asi we'luk samban oba yagahetu halok, Hat hebe pogoroba welagen oba andoma nen hesanggo holhaluk, an ninom, nen it afuni Israel mene Hat hagainafuri ari inom, ninaweak lek hilingisogo ninobagakhi logoino.

EZRA 5:5

Oba nen he it afuni Yahudi mene inogogwi melalinafi lagaukwa mene aremnogo At Allah nen fut fisasikhesik he, inalong palogo ferinarek were'ma re it ap o Persia oba yabu hilingiti lagaukwa inap aremnogo nen he, at Darius oba surat lak fembik onggo oan yaganisigi'lek kwelek he niren ferekhogo hilingisugun lek iluk he wene a'nogo herakfesukwa.

AYUB 28:24

Nen At Allah re o kweangma unggut-unggut andoma eil werek, yi mene ti mene pogot a'ma werek mene omare eil peneti logolik werek.

AYUB 31:4

An nen, yi'nogo hilingisigin, iluk nendawimo ebetfuluk hilingiti lagi mene mondogat At Allah eilenggen niikheresik he, elu mondok werego.

AYUB 34:21

Allah nen he afuni inebe ferinarek logolik, it lagaikharekwe eilenggen welagarek.

MAZMUR 113:6

Oba nen he Aren pogot inom kweang inom pelakha wesigiluk he somarogo pelakha wagarek andi.

MAZMUR 33:14

Nineisena Tuhan ebe takhta oba hurek logolik, yi afuni ti afuni kweangma welagaikharek mene eilenggen peninaferek.

MAZMUR 33:15

Arenat afuni mondogat inendawinggen hilingisogo fesikhe andi nen he, it hilingitarek mene mondogat he elu welagarek.

MAZMUR 33:18

It afuni wene melalek fifurogo hilingiri'lagwi mene inom, nen endawit ninabuageluk oba eberek mondok werek mene inom Aren ferinarek mondok werek.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

MAZMUR 37:37

It afuni inobabut enago lioksek mene andi, hobuk inebe ineluk logolik fano logogun andi nen he, afuni inobabut weak hilingiti'lek higithogo nek hilingitarek mene andi re, hineil woginafi logoino o.

AMSAL 15:3

At Tuhan he o yi awi ti awi mondogat eilenggen kogolhi logolik werek. A'nogo logolik he, afuni inobabut fano hilingitarek mene inom weak hilingitarek mene inom mondogat eil woginaferek.

AMSAL 5:21

Afuni nen yi'nogo ti'nogo hilingiri'lagwi mene andoma mondogat he Tuhan eilenggen werek. It afuni koma kwe lagunem Tuhan nen kwelaginarek mondok werek.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YEREMIA 16:17

Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.

YEREMIA 32:19

Haren hilingisigin iluk wenggelogo fikhi lagen mene andoma re elok mondogat, nen Haren hilingiti lagen mene andoma re mondok elalin mene hilingiti lagen. Afuni nen hilingiri'lagwi mene Hat heilenggen mondogat isaluk it hilingiri'lagwi mene higithogo Haren unggum wogisikhi lagen.

YEREMIA 5:1

Yago hit Yerusalem mene yi sani, hinawi kota andiba nen ebekhe kwe andoma hineilenggen kogolik lani o! Fanoro kogolik laluk hineilenggen nen fanorogo fut feino. O kota ebekhe kwe andoma nen ap misik ogo ekhe eberogo anggikhi logolik Allahba tiphogo hilingiri'lago mene ekhe werega, lega, iluk hera'no. Nen werek halok he An Tuhan nen o Yerusalem andi weaget fagain lego.

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

YEREMIA 5:3

Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

1 KORINTUS 15:36

hendawinggen legen egen o. Yi mene ti mene awi feik kweangma lakfegendek mene andi re, afuni wa'lagaikharek hak, awi andi agap fili agi'lek halok he, ebe fuleligin elo'lego.

GALATIA 3:1

Hit afuni o Galatia mene hinendawinggen lek hilingiti lagep andi ri! Yesus Kristus ebe eba menfuluk watukwa wene a'nogo hineilhanemat furogo yagahisasugu meneat he, wene hobuk sa nen hinendawimo kagalhemo a'nogo hilingiti lagep.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

1 SAMUEL 13:13

A'nogo yagatikhemo, at Samuel en Saul mel yagatikhe: ”Noe. Hat kemburogo hilingiten. Hat nineisena Tuhan Allah nen, yi'nogo hilingi'no, iluk yagahete mene ane hologo hilingi'lenma re, Aren hat hebe raja logouwagaluk hilinghafesik, haren tagomangge mene afuni Israel mene inogogwi kaindek raja mondok logouwageluk hilinginafik ilebaro.