2 TAWARIKH 16:7 - Allah Wene Fano Wene Hupla Inane

^7-8 Andem oba re nabi Hanani a'nogo hun Asa ambit wagaikhesik yagati logolik mel yagatikhe, ”It Sudan inom Libia inom he ap sikhe fisogo mene inebe mondok hokho-pokhorogo were'ma, it inangge kereta elonggoma kuluk weim yabik lagaikharek mene inom, no kuda amboloba lagaluk weim yabik lagaikharek mene inom ogore mondok hokhorogoat welagaikhe lek nogo? Oba nen he haren Tuhan Allah a'nogoba hendawinggen tibet figi'legengge nen at raja Siria mene a'nogoba tibet fesiginmo re, haren it tentara Israel mene inomame leget fisare elo'lek agaikhe lek nogo?

2 TAWARIKH 16:7 ပူးပေါင်းရင်းမြစ်များ

1RAJA-RAJA 15:19

”Nit ninesugwi nen inebe hundik welagaukwa hak hogore nirogo a'nogo hundik logouwogen he, neisena haren hun Baesa raja Israel mene andi inom hundik welagep mene andi palfein o. A'nogo palfagain oba re at agoromi sikhe fisogo inap wilayah an nen mene werek mene andi lisogo wanigin. Andi faget he, wene yi inom he an nen neisena hat hobaget hagaiyekhogo iluk emas, perak inom lakfei wagi o,” iluk lakfesikhe.

1RAJA-RAJA 16:1

Andiba re Tuhan nen nabi Yehu hun Hanani amlogo a'nogoba yagati logolik he, ”An nen wene igin mene yi Baesaba yaga'no.

2 RAJA-RAJA 18:5

Afuni Yehuda mene inobaget raja welagaukwa mene andoma it attak Hizkia oan raja hilinglagi'le'ma welagaukwa mene inom, nen hobuk welagaukwa mene inom he, at Hizkia inom higit mene ekhe welagaukwa lek. Aren it afuni Israel mene ineisena Tuhan Allah a'nogoba endawinggen tipsek logolik,

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

2 TAWARIKH 13:18

It Yehuda inaben he it inambu-inomba lak ineisena Tuhan Allah a'nogo omameba inendawinggen himbirik logolik hilingitukwaba it inebikhit inomame agaukwa andi.

2 TAWARIKH 14:11

A'nogo folhukwasik he at Asa nen eisena Tuhan Allahba samban ikhi logolik he yi'nogo isikhe, ”Tuhan Allah neisena, afuni inomame werek mene inoba re, it inomame lek mene re we Haren enek leberinafi lagenma re, yogondak Harenat nit lebetninabin o, nineisena. Nit he Hat hoba nek lomborogo logolik, Hat henuba, it ap inasikhe werek inap esa mondok hokho mene yi ninom weim yabuogeluk wulifi lago yi. Tuhan, nit nineisena Allah we Hat hamu welagenma re, Hat hebe afuni nen mabenet hobagagun lego, neisena,” iluk samban isikhe.

2 TAWARIKH 16:6

A'nogo hilingitikhemo re at raja Asa nen he at Baesa nen e inom, helep inom, o wutikhe mene omanogoba o kota Rama inom, Geba inom, Mizpa inom. omamerogo wusugun nen iluk it afuni Yehuda mene omanogo yagaisasikhe.

2 TAWARIKH 19:2

ap nabi misik ekhe enu re Yehu hun Hanani amlogo a'nogo raja ambit wagaikhesik yagati logolik he, ”Haren ap ekhe obabut weak logolik Tuhan abit meneba ebikhit agendik lebethegen andi re, higithogo hilingiten a? Hun hokho haren a'nogo hilingiten andiba re Tuhan a'mage hat hoba fikhesik werek andi.

2 TAWARIKH 20:32

At eisena Asa nen hilingiti lagaikhe hakhogo re, at Yosafat en hogo Allah eilhanem mondok higithogo nek hilingiti lagaikhe.

2 TAWARIKH 20:34

At Yosafat raja logolik melalinafi lagaikhe mene eroma nen pikhit enempul obe hilingiti lagaikhe mene faget he, at Yehu hun Hanani amlogo a'nogo ta'lagaikhe huli hilingiti lagaikhe aple palek werek mene a'nogoba inambuku it Israel inogogwi raja nen hilingiti lagaukwa aple buku palek werek meneba inom palek werek.

2 TAWARIKH 24:24

It afuni Yehuda mene nen he, it inambu inomba lak ineisena Tuhan Allah a'nogo ane ugu mene furogo holfigi'legengge hilingiti lagaukwama re, it afuni Yehuda mene nen tentara inebe hokhorek welagaukwaba nen he, At Tuhan nen he, it tentara Siria mene inebe endebengge mene nen inalong legaphogo hilingfisoageluk eilenggen fesikhe. A'nogo hilingfesikhe andiba re, At Tuhan en raja Yoas a'nogo unggum wogetikhe andi.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YESAYA 32:2

It inebe lombok he sogoi en inom, sielu nen inom funhugunem hina'laguba hangge agik, athe i liarekwe lagarek agai hakhogo agik, athe o kweang esi le'ma helep hokho mene werekwe andoma nen hinaklagaikharek hak agik, ugun.

YESAYA 39:3

A'nogo hilingitukwasik were'ma nen nabi Yesaya wagaikhesik raja Hizkia oba heinok wogisikhi logolik he, ”Ap andoma re koma nen wagaikha? Nen, iren he ninggi'nogo aga?” iluk heinok wokhasikhemo re, Hizkia nen onggo ikhi logolik, ”It he o Babel mondok yatma andoma nen wagaikha o,” iluk yagatikhe.