2 TAWARIKH 16:2 - Allah Wene Fano Wene Hupla Inane

² A'nogo hilingitikhe mo re at Raja Asa a'nogo nen he, o Tuhan Awi wuri'mo omanogo nen inom, o at raja werek oba omanogo nen inom o ekhe yi mene ti mene wokhigik fikhi lagaukwa ba omanogo nen no emas inom perak inom, wanhikhesik he aren raja Siria mene hun Benhadad a'nogo ambit o Damsyik lakfikhi logolik he, wene yi'nogo inom warogo lakfesikhe,

2 TAWARIKH 16:2 ပူးပေါင်းရင်းမြစ်များ

1RAJA-RAJA 15:18

Andiba re, raja Asa nen emas inom perak inom o Tuhan awi elonggoma werek mene omanogo abirengge inom, nen raja ailoba werek mene omanogo inom wanhikhesik he o Damsyk hun Benhadad raja Siria mene, hun Tabrimon amlogo, hun Hezion omba a'nogoba lakfei lagaikhe. Yi mene ti mene andoma re ap at aiba yabu hilingiti lagaukwa mene inoba lak fikhi logolik wene yi'nogo inom warogo lakfesikhe,

2 RAJA-RAJA 12:18

Wenggelhikheba nen he, at Yoas nen kwi wesu fuk iluk onggo re uang lakfisasikhe. Uang andoma re at Yoas onggwaregen Tuhan obaget fuluk wogetikhe mene inom, Yosafat en inom, Yoram en inom, Ahazia nen inom, ap raja at Yoas ebe menlagi'lek kwelek melalinafi lagaukwa mene omanogo nen Tuhan obaget fesukwa mene inom, andi nen ekhe emas o Tuhan Awi andoma kwalogo fikhi lagaukwa mene omanogo mondogat inom, o raja awi istana ba andoma werek mene inom lakfisasikhe. Lakfisasikhe mo re, at Hazael en weim o Yerusalem kwi lagain iluk wenggelhikhe mene a'nogo sebelogo fesikhe.

2 RAJA-RAJA 16:8

Nen, a'nogo lakfikhi logolik, at Ahas nen he raja Asyur mene a'nogo endawimo agaiyekhogo iluk he emas perak inom o Tuhan Awi wuri'mo werek mene omanogo inom, nen yi mene ti mene raja ebe ailoba werek mene omanogo inom lakfisasikhe.

2 RAJA-RAJA 18:15

A'nogo isikhemo yagasi wagaukwama at Hizkia nen he, perak Tuhan Awi wuri'mo welagaikhe mene mondogat inom, nen, at raja aiba istana welagaikhe mene omanogo mondogat inom, ap Sanherib faget oba lakfesikhe.

2 TAWARIKH 16:1

At Asa a'nogo it afuni Yehuda mene faget raja menlagaikhesik melalinafu werek kwelek 36 tahun huli welagaikhesigen he, it afuni Israel mene inoe raja Baesa a'nogo o it afuni Yehuda mene inoasi kwi lagain iluk wagaikhesik o Rama a'nogo omamerogo logolik he o it ap Yehuda mene were'ma andoma ebekwe wilibuku hilingiti lagaukwaba a'nogo kwe latikhe.

2 TAWARIKH 16:3

”Raja Israel mene hun Baesa a'nogo agoromi inom o wilayah an nen meneba kwi wagaikhasik hilingiri'lagwi mene andi inambotkwe inaiba loageluk, noe hat hinom hundik welagep mene a'nogo palogo feinogen kino yagaheti logolik he, hagaiyekhogo iluk an nen emas, perak inom lakfei wagi andi. Enggere, it nineisugwi nen hundik welagaukwa hakhogo nit ogo a'nogo sebesuogen he we'no o,” iluk lakfesikhe.

2 TAWARIKH 28:21

A'nogo waga lagaikhemo re at Ahas nen ningginik-ningginik he o Tuhan awi wuri'mo omanogo emas werek mene inom, at raja aiba omanogo mene inom, it inogogwi kaindek inailokwe omanogo nen inom wanhikhesik he at raja Asyur mene a'nogo wogetikheba nen he, Ahas nen wogetikhe mene aremnogo faget he raja Asyur mene a'nogo nen he enggin oba mene a'nogo aremnogo inom higit anggasikhe lek.

YEREMIA 49:23

Tuhan nen Damsyik faget ikhe mene re yi, ”Afuni o kota Hamat inom Arpad inom he wene weak mene holhasik inendawi fiti logolik inoak leigeri'lagwi. It inendawinggen suk sak ikhi logolik i laut founak lenggak hikherek hak nonghong ili'lagwi.