2 TAWARIKH 15:8 - Allah Wene Fano Wene Hupla Inane8 A'nogo isikhesik he at hun Oded amlogo Azarya a'nogo nen ugunem at Asa nen esanggo holhikhesik he agaiyegen endawimo abolok isikhemo re aren he o Efraim tomkwe kota sebelogo fisasukwa mene omanogo inom, o it afuni Benyamin mene inom, Yehuda mene inom werekwe omanogo nen tugwi kembu welagaikhe mene omanogo mondogat waganogo wulakfisasikhe. A'nogo hilingitikhesik he aren Tuhan obaget warogo nolhuba obalik mezbah o Tuhan Awi wuri'mo a'nogo nen senggelek elokhoma mene a'nogoba welagaikhe mene a'nogo re fanorogo halogo fesikhe. အခန်းကိုကြည့်ပါ။ |
2 TAWARIKH 15:8
24 ပူးပေါင်းရင်းမြစ်များ
O Yerusalem en fena mo lagai wagarek fikhit tom oba andoma re, at Salomo nen he Moab mene nen fogerati lagaukwa mene dewa enu Kamos inom, afuni Amon mene nen fogerati lagauka mene dewa Molokh inom andoma obalik fogerati logogun oba faget wutikhe. Dewa andem ebe pirenet he hebak ina'ma asu hak mene nek welagaikhe.
Nen, Ahas eilenggen hasikhe re mezbah perunggu meneba attak wurogo Tuhan obaget iluk enogo fesukwa mene a'nogo re o Tuhan Awi wurik mene a'nogo nen hilingi'luk mezbah ket wurogo fesukwa mene a'nogo nen hilingi'luk tulem andoma were'ma hasikhe. A'nogo were'ma hasikhesik mezbah a'nogo re Tuhan Awi wurik mene elokhoma obuluk werek oba aremnogo nen waganogo re mezbah ket mene a'nogo were'ma abel utara fikhit andoma fei lagaikhe.
A'nogo yagaisasikhesik, ap tentara Asyur mene inoe kain a'nogo nen wene ekhe mel yagaisasikheat: ”Hiren he, Nineisena Tuhan Allah nen elok telninabigin enggere, ninendawinggen at oba fanggoksek welagorek, iluk an yaganesugun nogo? At Hizkia nen yagahisikhi logolik he, hit afuni Yehuda mene inom, o kota Yerusalem mene inom, en he wam, yi mene ti mene, nineisena Allah o Yerusalem noletarek oba misi'mo yoma nek at faget hilingiti logogun o, iluk yagahisugunem hilingiti lagep meneat he, hineisena Tuhan faget yi mene ti mene noletik, At faget hilingitik, ikhi lagep oba a'nogo, at Hizkia nenat meisalogo legetfisikhe lek nogo?
A'nogo hugisa lagaikhesik, endamat at raja Salomo nen afuni o Sidon mene nen inagaisa dewi Asytoret faget fogerati lagaukwa mene a'nogo inom, afuni inunggulenu Moab mene nen, inandugwi kembu Kamos oba fogerati lagaukwa mene andi inom, afuni inunggulenu Amon mene nen, inandugwi kembu Milkom faget fogerati lagaukwa mene andi inom, ina'meilo meneat he, iren fogerati lagaukwa mene andi, at raja Salomo nen it Israel mene nen fogerati logouwageluk o Yerusalem mo lagai wagarek higit tom enu, ’Weak Hilingitarek Oba’, andoma abel i ambut higit tugwi kembu andoma faget wam yi mene ti mene noleti logogun kwe iluk obuluk wutikhe mene omanogo weagarogo serametfesikheat.
Allah Wene melalek werek mene omanogo sagalogo fugu halok pilingitu mene faget he, hun Amarya eabu lego mene wenagaisogo figi andi. Nen, Ismael amlogo Zebaja o Yehudaba gubernur werek mene a'nogoba re, yi wene ti wene amu mene hilinglagunem wuretu mene faget eabu lego mene menfigi. Nen it Lewi inap he wene katokhogo palhi logogun oba andi higithogo halogo hinobagakhi logouwageluk fisigi. It ap wene katokhogo palhik, higithogo hilingitik ikhi logogun mene andi re, we At Tuhan nen enek ferinarek logouwak!” iluk yagaisasikhe.
At raja Yosafat ebe re o Yerusalem welagaikhe, oba nen he aren enggi ekheba re o yi awi ti awi afuni welagaikharekwe omanogo eilenggen kwelagisilik laga logolik he, it inambu-inomba nen ineisena Tuhan Allah fogerati lagaukwa mene a'nogoba inambotkwe hebelogo waga logouwageluk yagaisilik laga lagaikhe.
A'nogo hilingitukwasik he it ap Lewi inap a'nogo nen he raja Hizkiaba eluabet fikhi logolik he, ”Nit he o Tuhan Awi elonggoma nen wam warogo nolhungge mezbah a'nogo inom, roti enu warek weragaisogo fei waguba meja a'nogo inom, yi mene ti mene elonggoma andoma hilingiti logouwageluk werek engge omanogo inom, o Tuhan Awi ebe abirengge inom, mondogat puguneto o.
At Musa nen wene melalek palhikhe mene a'nogoba higithogo re linggene hokho mene aremnogo hilingik aplerogo wam wati logogun iluk isikhemo re: Linggene Sabat sambul faget inom, Linggene Tugi Ket mene folelhu halok faget inom, Linggene tahun misik oba misik sambul kabogeti lagaukwa mene faget inom, Linggene Roti Fiterek lek meneba werago nunggu sambul faget inom, Linggene Enggen Ugu Palhu mene faget inom, Linggene O Sabu Enggaba salhigik welagaukwa mene ebetikhi logolik faget inom, at Salomo nen o Tuhan Awi elokhoma aremnogo Tuhan faget warogo noletuba mezbah wutikhe meneba a'nogo wam warogo noletikhe.
Arigini'mo Tuhan nen ikhi logolik, ”Afuni Kanaan mene nen hit o andoma oan kwigi'le'ma hilingiti lagaukwa hakhogo hilingiti logogun lek. Hit he hinonggwaregen hinobabut ariginik mene andi hilingisugun oba emerogo fakhegep hanogore, An nen wene melalek yagahisikhi lagi mene yi fifurogo hilingiti logoni, iluk An hineisena Tuhan Allah nen igi o, iluk ikhe yagaisan,” iluk yagatikhe.
Wagunem, it afuni ekhe nen, ”It weri'lagwi,” iluk isukwama, Allah againafuri o Roma mene nen inesanggo holhukwasik, ninelokhoma, it ekhe Pasar Apius, lagu kwelek, ekhe o hotel ap pok mene we'luk nogo agarek oba o ebe henagan wuri'mo andoma lagaukwama, at Paulus eilenggen isasikhesik he, Allah hai watikhesik endawinggen yamuk isikhe.
Ap Lewi inaben inane hokhoba ikhi logolik: ’Aben inanggembu e meneba inom, helep meneba inom logam oak meneba inom, wutfuluk hinak-hinak apne wanharek mene andoma; At Tuhan he tugwi kembu fogeratu mene andi faget he a'mage lagali lagoma re, ap andi homan ugu logouwak!’ ugunem. It afuni mondogaren: ’Amin!’ ikhi logogun.
Hit attak he, hinobabut it afuni Allah ane inonggot mene nen inendawimo anggaluk hilingitarek andi hak, arat hilingiti logolik he, weak hinenggali legat hilingitik, hinendawinggen en nunggunem pailak fakfisigik, pailak fakhinobagauwageluk hilingitik, enggen amusu weak mene naluk hinendawinggen lek hilingitik, seni naluk hesangge-pesangge hilingitik, amusu weak mene andi hinoba lagolegat ninggik, tugwi kembu endawimo weak asinogo iluk, fogerasu lek mene fogeratik, ikhi lagagip andi.
ကြော်ငြာတွေ