2 TAWARIKH 15:7 - Allah Wene Fano Wene Hupla Inane

⁷ Oba nen he, hiren hilingiti lagep mene andi re ambisangma fano agunem hogoin enggere, hinendawinggen hambukhogo logolik, hinailo lekhogo logoino,” iluk yagaisasikhe.

2 TAWARIKH 15:7 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

2 TAWARIKH 19:11

Allah Wene melalek werek mene omanogo sagalogo fugu halok pilingitu mene faget he, hun Amarya eabu lego mene wenagaisogo figi andi. Nen, Ismael amlogo Zebaja o Yehudaba gubernur werek mene a'nogoba re, yi wene ti wene amu mene hilinglagunem wuretu mene faget eabu lego mene menfigi. Nen it Lewi inap he wene katokhogo palhi logogun oba andi higithogo halogo hinobagakhi logouwageluk fisigi. It ap wene katokhogo palhik, higithogo hilingitik ikhi logogun mene andi re, we At Tuhan nen enek ferinarek logouwak!” iluk yagaisasikhe.

2 TAWARIKH 32:7

”At raja Asyur mene andi ebikhit he omame we mabet hak oba nen he, nit ninebikhit enek he ninomame hokhorogo hilingik enggere, at raja Asyur mene andi inom, agoromi tentara esa logalek andi inoba inom hinailo su fuk. Hit he hinendawinggen hambuget haluk he, hinailo legengge lano.

MAZMUR 19:11

Emas fano mene andi endep elo'lek hangge, meneat he, Tuhan nen komotninafikhe wene andi re mondok esin hokho mene o. Kin amusu fano mene andi re endep elo'lek hangge, meneat he, ebe wene andi re enduk mit mirengge mene.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 58:11

Ap weak mene unggum inoba fugunem he afuni higithogo nek hilingitarek mene re inagaiyek hagarek, nen afuni wene melalek sagalogo hilingitarek mene inamep oba re it andi ineisok sobalharek.

YEREMIA 31:16

Hat le aga lagen mene andoma palfigik, heilamusu tetik in o! Haren againafuri faget a'nogo hilingiti lagen mene andoma re we alomarogo fuk. Hat hobaget ambisangma onggo logogin, hat hagainafuri re o it inaselei mene inanggweang oba andoma nen nekhengge wesugun.

DANIEL 10:19

A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

ZAKHARIA 8:9

Tuhan nen At againafuri inoba ikhi logolik, ”Hinendawinggen wurikhogo logoni o! Yogondak he, o An Nawi ambotkwe wusugun mene ubule fogoin oba it nabi nen wene ugunem holhi lagagip mene a'nogo re yogondak ogo holhi lagebat andi.

MATIUS 5:46

Nen, it afuni ekhe nen, hit inendawit hinafarek mene andi nek hiren hinendawirinafi lagep halok he, Allah nen onggo wokhisagain nogo? Lego. Andi hak he, it ap pemerintah mene faget uang kino iluk andogotarek mene nen inobabut a'nogoat hilingitarego.

MATIUS 6:1

A'nogo yagaisasikhesik he, ekhe mel yagaisasikhe: ”Allah nen yi'nogo hilingiti logoino, iluk isikhemo, hiren higithogo hilingiti lagep mene andi, afuni nen ineilenggen hisikhi logouwageluk sele'ma hilingiti logogubo. Ineilenggen hisikhi logouwageluk hilingitep halok he, hineisena pogoroba mene nen onggo wokhisagain mondok lego. Hit hinendawimo ebe'ni!

MATIUS 6:4

Hinagaisogo wogisamo re, hineisena Allah pogoroba mene afuni hinagaisogo hilingitarek mene eilenggen isikherek andi nen onggo wokhisagain o,” iluk yagaisasikhe.

MATIUS 6:6

Meneat he, hit samban uogeluk halok he, hinaiba kwe yagarogo kuluk, hineisena Allah pogoroba mene ebe ineilenggen hagarek lek mene a'nogo nen wokhisoageluk kino yagati logoino. Hiren hinagaisogo kino yagasugun mene andi, at eilenggen hinago mene hikherek andi nen he, wokhisagain o.

LUKAS 6:35

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

1 KORINTUS 15:58

Andi nenat, nerugwi nagaila'lak. Hinebe nendawi e. Hinendawinggen en wurikhogo, hambukhogo logoino. Ninoe Enupogot ninom hundik logolik he, at faget yi mene ti mene hilingitunem alomat lasigin lego, iluk, hundik-handik ninghogo hilingitu mondok logoino o.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

1 KORINTUS 3:14

A'nogo walhugunem he, at ekhe nen o tik andiba wute mene endu ninggi'lek logogin halok he, enggi onggo wogosigin o.

1 KORINTUS 3:8

An awi yatirek mene inom, at i kweisalherek mene inom, nemberek higirat meneat he, ninenggi onggo re, ninebe lombok yabu hilingiti logogun mene higithogoat wo'nisagain o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

KOLOSE 3:24

Hinebe re, ninoe Enupogot Kristus at awe a'ma logolik, at fagerat hilingiti lagep andi nen, hinendawimo nen he: ”Nit hilingiti lago andi faget onggo re, at Ninoe Enupogot Kristus nen eisewerek hinobagagin werego,” iluk hinendawimo futfuluk logoino o.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

YOSUA 1:6

An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 14:14

Andi nen he. at Kaleb eisena Tuhan afuni Israel mene ineisena Allah a'nogoba tiphogo hilingiti logolik higithogo nek hilingiti lagaikhemo re, yogondak huli nen ogo o kota andi re at Kaleb hun Yefune amlogo ap Kenas mene andi ambisangma mene nen kweang andi eiserogo sebelek welagaikharek.

2 YOHANES 1:8

Nen, niren hit hilinghinobagakhi lagagu a'nogo faget, hit ekhe onggo wanhi'lek nong asinogo iluk, mondogat wanubagaigen he, hinobabut hebelogo logoino. Logolik he, Allah nen, ”Hit onggo wokhisagain,” iluk wene wa'nisasikhe a'nogo, hit ekhe nong agi'lek mondogat helobagaigen he, hinomamerogo hilingiti logoino o.

RUT 2:12

Hat nit afuni Israel mene nineisena Tuhan Allah nen awe a'ma fetharek logouwagaluk wagen andi nen, Aren he, haren yi mene ti mene faget fano hilingiti lagen mene andi mondogat onggo wokhesigin mene andi helagain higit obaat wokhesuago,” iluk yagatikhe.