2 TAWARIKH 15:4 - Allah Wene Fano Wene Hupla Inane

⁴ Oba nen he it inoba enggin agunem aremnogo nek he, it afuni Israel mene ineisena Tuhan Allah a'nogo nen lebetninabuageluk kino igik, Aren yi'nogo hilingi'ni ti'nogo hilingi'ni iluk yaganisoageluk kino igik, hilingitunem Aren inane hologo leberisikhi lagaikhe.

2 TAWARIKH 15:4 ပူးပေါင်းရင်းမြစ်များ

2 TAWARIKH 15:15

Iren he hombuk palho mene andi ninedawimo nen eberogoat hilingito iluk he, it afuni Yehuda mene mondogat inagaiyegetukwa. A'nogo hilingiti logolik he iren Tuhan obaget wene kabogetu mene faget ogo inagaiyekhogo hilingiti lagaukwama re At Tuhan nen ogo it woginafu aple endawimo agaiyek a'luk he, it inawi werek oba wilayah omanogoba inendawimo youk legengge inailo legengge logouwageluk hilingfisasikhemo welagaukwa.

2 TAWARIKH 15:2

hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.

2 TAWARIKH 33:12

A'nogo waluk fei lagaukwama oba enggin-fenggin hiki logolik he, aren Tuhan Allah oba endawinggen sebe isikhesik, lebetneoageluk samban isikhe.

MAZMUR 106:44

Oba nen he iren inane kwetu mene a'nogo At Tuhan nen esanggo holhi lagaikhe, it inebeba enggin-fenggin hikhi lagaukwa mene a'nogo Aren futfisikhi lagaikheat.

YESAYA 51:1

Tuhan nen yi'nogo ikhe, ”Hit An nen telninaplep iluk anggikhi lagep mene inom lebetninabuageluk kino yaganeti lagep mene inom he, An nane ikhi lagi mene yi holini o. Hiren helep tom koma meneba nen serelhigik wokhinafa nogo, nen helep he koma meneba habulogo wokhinafa nogo, andoma ebe'ni o.

YESAYA 55:6

Hilingisu higiroba andemat Tuhan oba sugulogo waga logoni o, At ebe horokhogo were'ma andemat enu hombuk palhi logoni o.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

ZAKHARIA 1:3

Oba nen yogondak he An nen hit hinoba yi'nogo yagahisak: Hit hinebe sugulogo An nambit we'ni o, nen, An ogo sugulogo hinambit wesigin.

ROMA 10:20

Nen, hobuk Allah nen he, wene ekhe mel isikhe: ”Afuni an nebe hera'nabi'lagwi lek mene nen, hera'nafa o. Nen, afuni an noba heinok wo'nafi'lek mene nen, ebe neoageluk nonggwaregen inelokhoma menlagi o,” iluk isikhemo, Yesaya nen ailo legat yagaisasikhe.