2 TAWARIKH 14:3 - Allah Wene Fano Wene Hupla Inane

³ Aren he it afuni inunggulenu amu mene nen wam warogo nolhi lagaukwa mene inom, iren kembu wuti lagaukwa mene inom, hambokhogo enda'ma hugisigik, kembu dewa alik hilingik mene omanogo halik-halokhogo hilingfisigik, kembu inagaisa dewi Asyera wurogo menfesukwa mene a'nogo tamakhogo lakfisigik, hilingitikhe.

2 TAWARIKH 14:3 ပူးပေါင်းရင်းမြစ်များ

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

2 RAJA-RAJA 18:4

Aren kembu dewa fogeratu kwe omanogo meisalogo figik, kembu ebe alik waganogo menfesukwa kwe omanogo meisalogo figik, kembu dewi Asyera agut hilingik a'nogo tukhumhogo lak figik, isikhe. Aren ekhe re Musa nen kisu no perunggu meneba wutikhe mene enu Nehustan ikhi lagaukwa mene andi inom siril-serelhogo fesikheat. Andi re, afuni Israel mene inebe werek oba andem huli re, iren kisu perunggu mene andi faget eberogo iluk amben fanongge dupa nolhi lagaukwa andiba hilingitukwa mene.

2 RAJA-RAJA 23:14

A'nogo hilingitikhesik, ap-ap inalik hilingfesikhesik, tugwi kembu oak wurogo figik, dewi Asyera alik hilingisogo figik, isukwa mene omanogo meisa'lambukhogo lakfisasukwasik, tugwi kembu welagaikheba andoma weagarogo fesukwasik he, afuni warek mene inoak andogorogo re potfisilik lagaikhe.

2 RAJA-RAJA 23:6

A'nogo legetfikhi logolik, kembu dewi Asyera alik hilingik mene o Tuhan awi wuri'mo welagaikhe mene a'nogo waluk wulibi wagaukwasik, o kota leget enda'ma o Kidron tonggoma andoma fei lagaukwa. Andoma nen he kembu alik hilingik a'nogo endu nolhukwasik he, endu helangasin he wolelenggen hogo wul alhakhogo tamulogo re it afuni wa'lagunem salinafi lagaukwa kwe omanogo pelabik lagaukwa.

2 TAWARIKH 14:2

Hun Asa nen he fano mene nek hilingitik, higithogo nek hilingitik, ugunem he eisena Tuhan Allah endawimo agaiyegerati lagaikhe.

2 TAWARIKH 14:4

Aren it afuni Yehuda mene inoba yagaisikhi logolik he, hit hinambu-hinomba ineisena Tuhan Allah andi endawino anggikherek mene higithogo nek hilingitik, At ane yagahisili'lago mene a'nogo inom, At awene melalek werek mene a'nogo inom, hologo hilingitik, hilingiti logoni o, iluk yagaisikhi lagaikhe.

2 TAWARIKH 15:17

At Asa nen he o kweang at welagaikhe meneba andoma re afuni inanggembu fogeratarek kwe omanogo mondogat weaget fisasikhe lek oba nen he, at Asa eluk welagaikhe huli andi re aren Tuhan oba tiphogo mondok welagaikhe.

2 TAWARIKH 33:16

A'nogo hilingfuluk, aren he Tuhan obaget hilingiti logolik wam warogo nolhuba mezbah a'nogo pugunetikhesik he, omanogo wam seberogo ninobagauwageluk mene inom, Tuhan Hai wati logolik iluk mene inom warogo nolhikhe. A'nogo hilingiti logolik he, it afuni Yehuda mene mondogat omanogo nen Tuhan Allah it afuni Israel mene ineisena a'nogo obaget hilingisuageluk yagaisasikhe.

2 TAWARIKH 34:4

At Yosua agoromi nen he kembu ilirengge hilingik mene omanogo wolelenggen hogo liak fesikhesik he, iren a'nogo hilingfesukwa mene oak-oagengge omanogo re it ap kembu andoma faget wam warogo noli laga lagaukwa inap wa'lagaukwama salinafukwa kwe inamik kwe omanogo folik lagaukwa. Baal faget iluk mezbah wurik mene inom, amben fanongge dupa a'nogo nolhukwe iluk mezbah wurik welagaikhe mene omanogo inom he, mondogat meisalisasikhe.

KELUARAN 34:13

Ma re, hiren he, iren yi mene ti mene inangge tugwi kembu faget warogo noleti logogun kwe obuluk hilingik mene andoma langguk-langgakhogo potfisigik, afuni-afuni alik waganogo menogo fuluk oba fenatarek mene andoma sanokhogo lakfisigik, it afuni andoma nen, inasunggan eba kologo fagarek mene andoma tekhogo lakfisigik, ilik lano o.

IMAMAT 26:30

An nendawimo hebak naferogo, hiren punu kwe fogerasi laga-lagep kwe andoma inom, dupa amben fano mene nolhi lagep mene obuluk wurik andi inom. wolelenggen tagalogo fembik, hit hinebe warek he tugwi kembu hiren mene wolelenggen hogo fagain mene omanogo ambolebene hukhisagain.

ULANGAN 7:25

It inangge tugwi kembu alik hilingisogo fuluk fogeratarek mene andi endu nolfisano o. Tugwi kembu oba perak mene, emas mene, werek halok namolo iluk anggaluk hugulengge hinonggwarek faget helagubo. Nineisena Tuhan Allah nen enolino, iluk yagahisikhe mene andi ane sagalogo hilingitep halok he, hinebe wa'lasugun o.

ULANGAN 7:5

Andi nen he, iren inandugwi kembu anggo ware'luk noletarek kwe obuluk wurik mene andoma mondok meisalhik, helep mene men fuluk, mondok wesa iluk agarek mene andoma siril-serelhogo lakfisigik, inandugwi he mene Asra alik hilingik mene andi meisak lambukhogo lakfisigik, tugwi kembu hilingisogo fuluk fogeratarek mene andi endu nolhik, ilik lano o.