2 TAWARIKH 14:2 - Allah Wene Fano Wene Hupla Inane

² Hun Asa nen he fano mene nek hilingitik, higithogo nek hilingitik, ugunem he eisena Tuhan Allah endawimo agaiyegerati lagaikhe.

2 TAWARIKH 14:2 ပူးပေါင်းရင်းမြစ်များ

1RAJA-RAJA 15:11

At Asa re omba Daud a'nogo nen hilingiti lagaikhe hak he aren ogo Tuhan endawimo agaiyek anggoageluk enek hilingiti lagaikhe.

1RAJA-RAJA 15:12

It afuni uang helouwogeluk yanani hilingitarek mene kembu dewa werek kwe welagaukwa mene omanogo re aren mugusogo wulak fisasikhe, nen it raja-raja attak melalinafi lagaukwa mene nen kembu wutukwa mene omanogo o kweang andomaba nen mondogat leget fisigik isikhe.

1RAJA-RAJA 15:14

Nen aren yi kwe ti kwe andoma kembu wurik mene omanogo mondogat molulukhogo leget fisasikhe lek oba nen, at ebe eluk welagaikhe huli re aren Tuhan oba tiphogo nek hilingiti lagaikhe.

2 TAWARIKH 14:1

At raja Abia a'nogo wa'lagaikhemo o kota Daud aiba it ap raja salinafi lagaukwaba omanogo salfesukwa, at obali'mo re at amlogo Asa a'nogo raja menlagaikhe. At Asa menlagaikhesik melalinafi lagaikheba andem he o afuni Yehuda mene were'ma andoma 10 tahun andiba yi wene ti wene legengge we liok-layokhogo mondok welagaukwa.

2 TAWARIKH 14:3

Aren he it afuni inunggulenu amu mene nen wam warogo nolhi lagaukwa mene inom, iren kembu wuti lagaukwa mene inom, hambokhogo enda'ma hugisigik, kembu dewa alik hilingik mene omanogo halik-halokhogo hilingfisigik, kembu inagaisa dewi Asyera wurogo menfesukwa mene a'nogo tamakhogo lakfisigik, hilingitikhe.

2 TAWARIKH 15:16

A'nogo hilingitukwasik he, at hun raja ombalo enu Maakha a'nogo nen kembu he mene enu dewi Asyera kweang yi mene ti mene heiseli'lago mene iluk mondok weak hokhorogo hilingiti lagaukwa mene a'nogo alik hilingisogo wutikhe andi nen he, at ombalo andi eabu re he raja agaisa iluk u hak he Ibu Suri agarek mene a'nogo halokhogo leget fisasikhe. A'nogo leget fesasikhesik he at Asa nen kembu alik waganek a'nogo o Lembah Kidron andoma nen eraphogo nolhikhe.

2 TAWARIKH 17:6

At endawinggen sebelek logolik Tuhan nen yagatikhe mene a'nogo higithogo hilingiti lagaikhe andiba re, aren kembu he mene enu dewi Asyera it Yehuda mene were'ma a'nogo inom, nen kembu fogerati lagaukwa kwe omanogo inom mondogat halik halokhogo hilingfesikhe.

2 TAWARIKH 20:32

At eisena Asa nen hilingiti lagaikhe hakhogo re, at Yosafat en hogo Allah eilhanem mondok higithogo nek hilingiti lagaikhe.

2 TAWARIKH 21:12

Andi nen at Yehoram a'nogo surat ekhe hun nabi Elia eluk logolik palhikhe mene wogetukwama wanhikhesik kwelakhasikhe re, surat andiba re yi'nogo palek were'ma hasikhe, ”Hun Hat he it afuni Israel mene inogogwi raja-raja omanogo nen hilingiti lagaukwa hak hilingiti lagen andiba re, it afuni Yehuda mene inom, Yerusalem mene inom, Allahba tiphogo hilingiri'lagwi lek andi. Hun Haren he raja Ahab en hilingiti laga mene inom, it at obali'mo menlagaukwa mene nen hilingiti lagaukwa omanogo hakhogo inom, hilingiti lagen. Andi nek he fuk, oba nen he, ekhere honggwarek hogogwi hagoromi weak haren hilingiti lagen oma hakhogo ekhe hilingiti'lek oba nen inebe mondogat inoaten. Noe hat he homba inom heisena inomen hilingiti lagaukwa hakhogo hilingiti'lek weak mene nek, hilingiti lagenma re Tuhan Allah at Daud en fogerati lagaikhe mene a'nogo nen noe hat unggum hoba fouwak.

2 TAWARIKH 31:1

Seni Paskah isasuogeluk kabogetukwa mene a'nogo mondogat hilingfuluk he, it afuni a'nogo inebe abirengge o it afuni Yehuda mene werek kwe kota omanogo lagaukwasik he aben kembu agut ilirenggerogo menogo fesukwa mene omanogo halik halokhogo figik, kembu he mene Dewi Asyera ilirengge elalek welagaikhe a'nogo tukhumhogo lakfisigik, wam kembu faget warogo nolhuba mezbah omanogo wolelenggen isigik, kembu apne wanhukwe omanogo mondok molulukhogo lakfisigik, hilingitukwa. Andi higithogo at he o alek kwe it afuni Yehuda mene werekwe inom, nen wilayah it Benyamin mene werekwe omanogo inom, Efraim, Manasye werekwe inom, a'nogo nek hilingirik lagaukwasik he, it inebe inawi lombok lagaukwa.

2 TAWARIKH 31:20

At raja Hizkia nen he o it afuni Yehuda mene werekwe omanogo mondogat he wene higit mene nek hilingitik, henarogo hilingiti'legengge pikhithogo nek hilingitik, at eisena Tuhan Allah a'nogo endawimo agaiyek hoageluk mene nek hilingitik, hilingiti lagaikhe.

2 TAWARIKH 34:7

At Yosia nen he it kerajaan utara fikhit welagaukwa mene nen kembu obaget mezbah wurik welagaikhe mene inom, Asyera a'nogo alik waganek welagaikhe mene inom he, mondogat halokhogo lakfisasukwasik he, mezbah inom, kembu alik waganek inom, amben engge nolhi lagaukwaba mezbah a'nogo mondogat omanogo re halik-halokhogo hilingfisasikhe. A'nogo hilingfuluk enek he at a'nogo o Yerusalem wagaikhe.

KELUARAN 23:24

Hiren it inanggembu inalong palogo hilingiri'lagwi mene andoma fogerati logou fuk, nen iren kembu oba fogerati logolik obaget hilingiri'lagwi mene andoma alik-alik wuthigik hilingisu fuk. Iren kembu elele waganogo iluk werek mene andoma mondogat tukhumhogo lakfisambik wolelenggen tagalogo legetfisano.

ULANGAN 12:3

A'nogo hilingiti logolik, iren hunogoat mene faget, Nineisena ebe yiat, iluk, hilingitarek mene andi hobuk o andoma a'nogo ekhe fogerati'lek logouwageluk anggo waretarek oba obalik andoma inom, helep mene menfuluk wesa iluk agarek mene andi inom wolelenggen tagalogo leget fisigik, inagaisa Asera ebe alik waganogo fagarek mene andi endu nolhik, tugwi kembu alik waganek mene andi meisa'lambukhogo lakfisigik ilik lano o.