2 TAWARIKH 14:1 - Allah Wene Fano Wene Hupla Inane

¹ At raja Abia a'nogo wa'lagaikhemo o kota Daud aiba it ap raja salinafi lagaukwaba omanogo salfesukwa, at obali'mo re at amlogo Asa a'nogo raja menlagaikhe. At Asa menlagaikhesik melalinafi lagaikheba andem he o afuni Yehuda mene were'ma andoma 10 tahun andiba yi wene ti wene legengge we liok-layokhogo mondok welagaukwa.

2 TAWARIKH 14:1 ပူးပေါင်းရင်းမြစ်များ

1RAJA-RAJA 14:31

A'nogo welagaukwasigen he, at Rehabeam a'nogo wa'lagaikhemo at ombawi salinafukwaba misi'mo omanogo, o kota Daud aiba it ap raja salinafi lagaukwaba andoma salhukwa. Salhukwa ma at amlogo Abiam a'nogo obali'mo inoe raja menlagaikhe.

1RAJA-RAJA 2:10

A'nogo yagatikhesik, at Daud ebe eisenalak inoba lagaikhemo, ebe warek onggwarek aiba kota andomaat salhukwa.

1 TAWARIKH 3:10

It afuni Israel mene inogogwi raja mendek welagaukwa mene at raja Salomo oba nen pikhit hun Yosia huli welagaukwa mene re yi: Salomo, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon, Yosia inom andoma.

2 TAWARIKH 14:2

Hun Asa nen he fano mene nek hilingitik, higithogo nek hilingitik, ugunem he eisena Tuhan Allah endawimo agaiyegerati lagaikhe.

2 TAWARIKH 21:12

Andi nen at Yehoram a'nogo surat ekhe hun nabi Elia eluk logolik palhikhe mene wogetukwama wanhikhesik kwelakhasikhe re, surat andiba re yi'nogo palek were'ma hasikhe, ”Hun Hat he it afuni Israel mene inogogwi raja-raja omanogo nen hilingiti lagaukwa hak hilingiti lagen andiba re, it afuni Yehuda mene inom, Yerusalem mene inom, Allahba tiphogo hilingiri'lagwi lek andi. Hun Haren he raja Ahab en hilingiti laga mene inom, it at obali'mo menlagaukwa mene nen hilingiti lagaukwa omanogo hakhogo inom, hilingiti lagen. Andi nek he fuk, oba nen he, ekhere honggwarek hogogwi hagoromi weak haren hilingiti lagen oma hakhogo ekhe hilingiti'lek oba nen inebe mondogat inoaten. Noe hat he homba inom heisena inomen hilingiti lagaukwa hakhogo hilingiti'lek weak mene nek, hilingiti lagenma re Tuhan Allah at Daud en fogerati lagaikhe mene a'nogo nen noe hat unggum hoba fouwak.

2 TAWARIKH 31:20

At raja Hizkia nen he o it afuni Yehuda mene werekwe omanogo mondogat he wene higit mene nek hilingitik, henarogo hilingiti'legengge pikhithogo nek hilingitik, at eisena Tuhan Allah a'nogo endawimo agaiyek hoageluk mene nek hilingitik, hilingiti lagaikhe.

2 TAWARIKH 9:31

A'nogo melalinafu welagaikhesik he at ebe wa'lagaikhemo re o kota Daud aiba omanogo salhukwa. At ebe wa'lagaikhemo obali'mo re at amlogo Rehabeam a'nogo raja menlagaikhe.

YOSUA 23:1

Lingge aninurogo omanogo Tuhan afuni Israel mene ineisena a'nogo nen fano liokhogo ferinarek were'ma re, inaselei mene nen ekhe weagerinafi'legengge werek kwelek enek welagaukwa. Andem sambul he Yosua ebe arat yaman agaikhe.