2 TAWARIKH 13:9 - Allah Wene Fano Wene Hupla Inane

⁹ Hiren he it Tuhan faget imam hun Harun ambisangma mene omanogo inom, it Lewi inap omanogo inom, mondogat mugusogo wulaginafigip omanogo le'nogo a? A'nogo wulak fisegepsik inobali'mo faget iluk he, hiren ap sa nen wam sapi misiga, athe, domba sabiren mene a, waluk wesugun halok ap andi ebe imam menfogoin, iluk yugunat it afuni inunggulenu amu mene nen hilingitarek a'nogo hakhogo hiren fogerati lagep mene andi re ebe eberogoat Allah re lek oba nen, hiren imam menfisikhi lagep andi. Oba nen he nit he a'nogo hilingiti lago lego.

2 TAWARIKH 13:9 ပူးပေါင်းရင်းမြစ်များ

1RAJA-RAJA 13:33

Raja Yerobeam he aren obabut kwanirogo hilingiti lagaikhe mene omanogo herakfigi'lek hilingitu mondok welagaikhe. Andiba re, aren kembu obaget hilingitukwe wutikhe mene omanogo halhi logouwageluk it imam afuni we hesangge mene ineisok erokwe omanogo nen onggwarek endawimo amolo anggugu mene halok aren heragaisogo menfisikhi lagaikhe.

2 RAJA-RAJA 19:18

A'nogo legetfisagarek andi re, it inandugwi kembu andoma ebe Allah re lego. We afuni inenggi nen e meneba inom helep meneba inom hilingisogo fagarek andi nen he, mondogat wolelenggen tagalogo lakfisaluk endu nolharek andi, neisena.

2 TAWARIKH 13:10

Nit he Harun ambisangma mene halok andi re mondok-mondok imam aga logogun, nen it Lewi inap halok he, it imam andoma leberisugu mondok logouwak. Nit he nineisena Tuhan Allah ebe herakfuluk lagi'lek fogeratu mondok logogun.

2 TAWARIKH 29:31

A'nogo hilingitukwasik he at Hizkia nen ikhi logolik he, ”Yogondak he hit he Tuhan obaget enogo hinobagogoma re, hiren Tuhan hai warogo hakhogo re wam waluk Tuhan Awi wuri'mo fei wesugun,” iluk yagaisasikhe. A'nogo yagaisasikhemo re it afuni hokhorogo andoma kabogesi lagaukwa mene omanogo nen Tuhan obaget fugungge omanogo waluk fei laga logolik he, iren fena wam inendawi inagaiyek oba Tuhan obaget nolengge warogo nolhu mene iluk mene ogo fei lagaukwaat.

KELUARAN 29:1

Wene yagaisikhi logolik he, ”It Harun inom at againafuri inom inebe imam An nobaget yabu hilingiti logouwageluk inunggul sebelogo menfisogoin he yi'nogo: Sapi ai mene ket kotorek mene misik ekhe inom, domba ai mene agambut palek lek mene pire inom waluk he,

KELUARAN 29:29

Su at Harun asu An nobaget hilingiti logolik labetu mene andi re, it againafuri inebe menfisikhi logolik iti logogun mene ikfisano.

KELUARAN 29:35

It Harun againafuri inom An nen wene melalek yagahisigi mene andi higithogo hilingitu werek kwelek hinenggi 7 nen hilingisugun.

KELUARAN 32:29

Inoatukwama, at Musa nen ap inunggulenu Lewi mene inom yagaisasikhe: ”O yogondak yibaat, hit hinebe nineisena Tuhan eisewerek asimbik at faget hilingiti logouwogeluk hinagainafuri inom, hinerugwi hinagaila'lak inom, inoatebo. Ma re, At Tuhan nen hinebe fanothinabuago,” iluk yagaisasikhe.

YEREMIA 2:11

Ap inunggulenu misik mene ekhe nen iren apne wanharek mene andi ebe eberogo Allah re lek oba nen, iren ilah amu mene a'nogo inom agaum eta mene ekhe werek fuk, oba nen he An nagainafuri nen An noba inendawirogo werek mene a'nogo re, yi'nogo ti'nogo hilingisu mondok elo'lek mene a'nogo inom agaum eta andi.

YEREMIA 5:7

Tuhan nen ikhi logolik, ”Nenahalok An nen nagainafuri inaweak lek hilingisogo fisagain nogo? Iren he An oboget nealuk allah eberogo lek mene omanogo apne wili'lagwi andi. An nen it inamburu nunggu mene wogisugunem it inoba homorogo ninggi logolik meneat he, iren babi hilingitik, nen uang saburouwogeluk hesangge yanani hilingirik nikharek mene omanogo inambit lagik, hilingiri'lagwi andi.

HOSEA 8:6

Sapi emas iren fogeratarek mene andi re it Israel inap elalhu inelu mene nen elalek engge! Andi re ebe Allah re lek enggere mondok wolelenggen isogoin halok fano!

IMAMAT 16:32

Ap An nebe eisewerek mene inoe kain Imam Agung eisena obali'mo logolik, An nonggwarek faget hilingiti logouwageluk, unggul sebelogo menfaga mene halok, aren afuni weak hilingita mene An nen horogo legetfisoageluk hilingiti logouwago. Aren a'nogo hilingiti logolik su labesu meneat labe'luk he,

KISAH PARA RASUL 19:26

Mene re, yogondak at Paulus andi hilingiri'logo mene, hineilenggen tomok higik, hinesanggo holhik, ikhi lagep. Aren he, afuni inenggi nen su kembu hilingitarek andi re, ebe walhasikhe mene lego, iluk yagaisugunem, afuni hokhorogoaren, wene andi eberogoat, iluk wanha andi, horok o kota Efesus yoma mene nek fuk. O propinsi Asia mondogat hangge wanhama aro.

GALATIA 4:8

Hit attagat he, Allah ebe hinonggot welagagip andi nen, hunogoat mene ebe Allah higit lek meneat he, awe a'ma welagagip andi.

ULANGAN 32:17

Iren inanggo warogo, Allah mene fisigi'lek, munggwarengge inobabut, weak mene fisasukwa. It afuni inunggulenu hunogoat mene nen he, Nineisena andiat iluk, agarek mene fisasukwa, It inebe nen inonggot mene, andi faget fisasukwa, Inombalagen agaukhogo, hilingiti lagaukwa lek mene, andi faget fisasukwa.