2 TAWARIKH 13:14 - Allah Wene Fano Wene Hupla Inane

¹⁴ It Yehuda inap a'nogo nen hasukwa re it a'nogo hukhogo kwelakfisasukwama isasukwasik he, Tuhan nen lebetnisoageluk he enu hombuk palhukwa. Nen it imam omanogo nen he trompet ane furik lagunem he,

2 TAWARIKH 13:14 ပူးပေါင်းရင်းမြစ်များ

2 TAWARIKH 14:11

A'nogo folhukwasik he at Asa nen eisena Tuhan Allahba samban ikhi logolik he yi'nogo isikhe, ”Tuhan Allah neisena, afuni inomame werek mene inoba re, it inomame lek mene re we Haren enek leberinafi lagenma re, yogondak Harenat nit lebetninabin o, nineisena. Nit he Hat hoba nek lomborogo logolik, Hat henuba, it ap inasikhe werek inap esa mondok hokho mene yi ninom weim yabuogeluk wulifi lago yi. Tuhan, nit nineisena Allah we Hat hamu welagenma re, Hat hebe afuni nen mabenet hobagagun lego, neisena,” iluk samban isikhe.

KELUARAN 14:10

A'nogo wagunem, afuni Israel mene nen at raja Mesir mene agoromi tentara inom wagunem ineilenggen yerisasukwasik he, inailo hokho agaikhesik, ”Tuhan Nineisena, telninabin o,” iluk inane hokhorogo yagatukwa.

MAZMUR 91:5

Ma re, hat o hubanggo weak inailo mene nen weaget habuogeluk wesugun halok inom, nen o linggene wene hoba fouwogeluk ferekhogo wesugun halok inom,

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

YOSUA 8:20

It Ai inap a'nogo inambothan ineil yetha lagaukwa re, endu hule mone'luk pogoroba lagagunem yethasukwa. Nen, Yosua inom ap esa fenakwe inom omanogo inomen ogo endu hule a'nogo yethasukwaat. Yethasukwasik he, ap esa fena omanogo nen o kota a'nogo pin arat kwagama anggasukwa. Andi anggasukwasik he Yosua inom ap esa fena omanogo inom hebekhogo laga logolik he, ap Ai mene omanogo inoarik-inoarik lagaukwa. Nen ap Israel mene o Ai oba andoma kwisukwa mene omanogo waga logolik he inabel fikhit en inoasugun iluk wagaukwama re, it ap Ai inap omanogore tulem nonghongse'ma agaukwasik inebe heise wulibu elo'lek agaikhe. Ap it mene re misik mene ogo ekhe polokhogo wulifukwa lek, inebe felelenghogo it Israel mene nen pinggi inoatukwa.

2 TAWARIKH 18:31

A'nogo yagaisasikhemo re it a'nogo nen raja Yosafat ineil hasukwasik he ari re raja Israel mene iluk he at wasugun iluk lagaukwa. Oba nen he at Yosafat a'nogo ane kwerik lagu nen he Tuhan Allah nen he it a'nogo inelokhe amu fikhit halogo lakfisikhi logolik he, at Yosafat a'nogo telogo wulabi wagaikhe.

YOSUA 6:16

Inenggi 6 en maset hasukwasik, hobuk ekhe 7 ba maset houwogoluk, it ap imam en inambinggong ane hokho mene a'nogo anethugunem he, at Yosua nen he, afuni omanogo mondogat inane ami'mit sup uagaluk yagaisikhi logolik mel yagaisasikhe: ”Nineisena Tuhan nen o kota yi nit ninenggiba arat fikhe o.

BILANGAN 10:9

Nen, hiren hinanggweang oba were'ma it hinaselei mene nen hinom weim yabi wagunem hiren hinanggweang ili waganogo hinom weim yafi logolik he trompet tombouwe hangge andoma futhikhi logogun. A'nogo hilingiti logogun oba re An hineisena Tuhan Allah a'nogo nen hinaselei mene inenggiba nen lebethinafik, telhinafik hilingiti logogin.

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

2 TAWARIKH 32:20

A'nogo ugu aple nen he raja Hizkia inom, nabi Yesaya hun Amos amlogo a'nogo inomen he Tuhan nen lebetninabuageluk samban isukwa.