2 TAWARIKH 12:6 - Allah Wene Fano Wene Hupla Inane

⁶ A'nogo yagaisa lagaikhemo re at raja inom it afuni inogogwi melalinafi lagaukwa mene omanogo nen he, nit he mondogat weak hilingitoma o, iluk fagetukwasik he, iren ikhi logolik, ”At Tuhan nen wene ikhe andi re mondok higithogoat ikhemo o,” iluk isukwa.

2 TAWARIKH 12:6 ပူးပေါင်းရင်းမြစ်များ

2 TAWARIKH 12:12

Nen at raja a'nogo Tuhan a'ma sebelfakhasikhemo re, Tuhan Allah a'mage lagasikhe mene a'nogo lek agik, weaget fagain iluk wenggelhikhe mene a'nogo herak figik isikhe. Andi nen he it Yehudaba andoma wene fano mene ekhe welagaikheat.

2 TAWARIKH 21:2

It afuni Yehuda mene inoe raja Yosafat a'nogo amlogo andi re, agaila'lak inebe falfaligen welagaukwa, nen it andem inenu re: Azarya, Yehiel, Zakharia, Azariahu, Mikhail, Sefaca inom andem.

2 TAWARIKH 32:26

Oba nen he it afuni Yerusalem mene a'nogo inom, at Hizkia inom, Tuhan a'ma sebeluk sebel fakhasukwama re, at Hizkia ebe eluk logolik oba re unggum wene a'nogo it inoba fikhi lagaikhe lek.

2 TAWARIKH 33:12

A'nogo waluk fei lagaukwama oba enggin-fenggin hiki logolik he, aren Tuhan Allah oba endawinggen sebe isikhesik, lebetneoageluk samban isikhe.

2 TAWARIKH 33:19

A'nogo at Manasye nen samban isikhemo Allah nen onggo yagatikhe mene inom, at ebe endawinggen hebelhi le'ma aweak hilingiti lagaikhe mene inom, kembu fogerati lagaikhe kwe inom, kembu he mene dewi Asyera alik waganek welagaikhe mene inom, aren tugwi kembu ekhe mene ekhe mene fogerati lagaikhe mene inom, omanogo mondogat he buku it nabi nen hilingiti lagaukwa mene tindelogo palek mene a'nogoba mondogat palogo fesukwa.

2 TAWARIKH 33:23

Oba nen he at eisena nen endawinggen sebel fakhaluk hebekhogo Tuhan ambit wagaikhe hakhogo re, hilingiti'lek weak enek hokhorogo hilingiti lagaikhe andiba re, at eisena nen hilingiti lagaikhe mene inom he higitsek lek welagaikhe.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 129:4

Oba nen he At Tuhan mondok tiphogo nek hilingiterek mene a'nogo nen, an afuni nen sebelnarek were'ma fikhalogo nobagaikhemo welagi.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 9:27

A'nogo hilingitikhemo, at raja a'nogo nen he, Musa Harun emberek wolisasikhesik he, mel yagaisasikhe: ”An mondok weak hilingiti o. Hit Tuhan nen andi eberogoat hilingitu kwelek meneat he, an nebe inom, afuni mondogat inom, at eilhanem weak hilingito o.

YEREMIA 13:15

Afuni Israel mene yire, Tuhan ane mondogat ikhe o! Hiren legetfakhagup At ane hinesanggo holini!

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 44:10

A'nogo hilingiti lagagip oba nen, yogondak yi huli nen enggere hit hinendawinggen sebelfakhikhi lagep lek. Hiren he, An esinet nobagaluk legeisogo nobagagik, nen Nawene melalek hit hinoba inom, it hinombawi inoba inom, wogisasigi mene a'nogo higithogo hilingiti lagep legat.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

DANIEL 5:22

A'nogo meneat he, at amlogo noe hat Belsyazar en he, wene andi mondogat helu logolik meneat he, hendawinggen sebel fakhugu aplere mondogat habit welagen andi.

DANIEL 9:14

Neisena Tuhan ALLAH hobabut higithogo nek hilingitendek andi nen he, Haren, Mondok weak mene ninoba lakfei wesigin iluk isigin mene arat wendeberogo fesigindik, ninoba higithogoat lakfei wagen. Meneat he, niren hat hane ninesanggo hologo hilingiti logou mondok ninabit andi.

HOSEA 5:15

Nane sagalogo weak hilingiti lagep andi nen, yi enggin ti enggin hokhorogo hikhi logobagaigeluk hinebe herakhinobagagin o. A'nogo herakhinobagaumo, hiren, Nit weak hilingito, iluk futfembik, yi enggin ti enggin a'nogo hikhi logolik enek he, hinendawinggen oba nenat hera'nabik wesugun he a,” iluk yagaisasikhe.

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.