2 TAWARIKH 11:3 - Allah Wene Fano Wene Hupla Inane

³ ”At Tuhan nen Rehabeam inom it afuni inunggulenu Yehuda mene inom, Benyamin mene inom, inoba re yi'nogo ikhe, iluk wene yi yagaisa lan,” iluk lakfesikhe.

2 TAWARIKH 11:3 ပူးပေါင်းရင်းမြစ်များ

KEJADIAN 49:28

It ap Israel mene inunggulenu 12 nen hilinglagaukwa a'nogo inebe re, andi. It ineisena ebe wa'lasigiluk inom minggilagi'lek logolik wurep kobokhogo it inebe lombok Allah nen fanorinafi logouwageluk yagaisigik, hai warinafik, isikhe re, andi.

2 RAJA-RAJA 17:34

A'nogo hilingiti logolik o yogondak huli nen inom it inetokhogo hilingiri'lagwi mene andoma hilingiti logoligenek werek. Iren Tuhan obaget fogerati'lek, nen Awene melalek inom wene yi'nogo hilingi'no ti'nogo hilingi'no iluk Tuhan nen at Yakub enu ekhe Israel iluk Aren salhikhe mene a'nogo ambisangmangge omanogo nen hilingiti logouwageluk wogisasikhe mene a'nogoba tiphogo hilingiti lagaukwa lek.

2 TAWARIKH 10:17

at Rehabeam a'nogo re it afuni wilayah Yehuda ba werek mene faget enek inobaget inoe raja welagaikhe.

2 TAWARIKH 11:2

Oba nen he, Tuhan nen nabi Semaya a'nogoba re,

2 TAWARIKH 11:4

A'nogo lakfesikhemo re mel yagaisasikhe, ”Mondogat hilinglaga mene andoma re, an nendawimo anggigi mene higithogo hilinglagama re, hit hinagaila'lak Israel mene hinom weim yabi logoin lego. Hinaiba lani o! iluk ikhemo yagahisa wagi o,” iluk yagatikhe. A'nogo isikhe mene a'nogo it omanogo yagaisa lagaikhe mo re, iren Yerobaeam inom weim yabugun iluk isukwa mene a'nogo lek agaikhemo re, it inebe omanogo mondogat he Tuhan nen isikhe mene a'nogo nek holfesukwa.

KELUARAN 24:4

A'nogo isukwama re, at Musa nen nineisena Tuhan nen, ”Yi'nogo hilingiti logoino, ti'nogo hilingiti logoino,” iluk yagatikhe mene andi mondogat lisu palhikhe. Palhikhesik ohealek hubet he, tom a'ma andoma wam yi mene ti mene Allah faget warogo endu noleti logogun oba obuluk ebe hilingiti logolik, eisok helep mene 12 nen hilingisogo menegeisogo fesikhe. Eisok andi ebe lombok he, afuni Israel mene inunggulenu werek higithogo hilingisogo fesikhe.

FILIPI 3:5

An nebe ta'lagagimo inenggi 7 nen welagaukwasigen, inenggi ekheba, nagap nenggalimo mene palnafukwa andi. Nebe Israel mene, nunggulenu Benyamin meneat, nagaisa neisena Israel mene andi nen he, nebe Ibrani eberogoat meneat ta'lagagi andi. Wene Allah nen komotninafikhe wene a'nogo faget, ap Farisi mene nen fisogo welagaikharek hak, ninghogoat fisogo welagagi mene.