2 TAWARIKH 11:16 - Allah Wene Fano Wene Hupla Inane

¹⁶ A'nogo hilingitunem he it afuni inunggulenu Israel mene mondogat inendawinggen eberogo meneba it afuni Israel mene ineisena Tuhan Allah a'nogo apne wanhi lagaukwa mene omanogo re, it ap Lewi inap a'nogo o waluk Yerusalem lagunem omanogo, iren he Allah it inambu-inombalagen apne wanhi lagaukwa mene andiba wam warogo Tuhan wogeti logogun iluk he, irogo o Yerusalem waga lagaukwa.

2 TAWARIKH 11:16 ပူးပေါင်းရင်းမြစ်များ

1 TAWARIKH 16:29

At enu mondok ombak-bak werek mene andi nek fogera'ni o, Wam warogo At obaget hilingitu mene re waluk At awi wuri'mo kwini. Tuhan apne wanhi logolik he, su Allah obaget hilingisuogeluk labetarek asu a'nogo labet fuluk apne wanini o!

1 TAWARIKH 22:1

A'nogo logolik, at Daud en ikhi logolik he, ”O Tuhan Allah Awi andi re, obalik arem at wusugun o. Nen, mezbah yiba re afuni Israel mene nen ineisena Tuhan obaget wam warogo noleti logogun o,” iluk yagaisasikhe.

1 TAWARIKH 22:19

Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.

2 TAWARIKH 11:17

It a'nogo wagaukwasik he tahun henagan inukhogo re hun Salomo amlogo Rehabeam a'nogo nen melalinafi lagaikhe mene a'nogo faget fano anggaluk hilingitunem he, it inebe re at raja Daud inom, Raja Salomo inom, en melalinafu were'ma welagaukwa omanogo hakhogo welagaukwa. Andiba re kerajaan Yehuda ba omanogo re omame hokho aga lagaikhe.

2 TAWARIKH 15:12

A'nogo nolhukwasik he iren wene wati logolik he, ”Nit ninebe ninendawinggen abirengge re, nineisena Tuhan, nit ninambu ninombalagen fogerati lagaukwa mene Tuhan Allah a'nogo endawimo anggili'lago mene higithogo hilingiti logogun o,” iluk wene wanogo fesukwa.

2 TAWARIKH 15:15

Iren he hombuk palho mene andi ninedawimo nen eberogoat hilingito iluk he, it afuni Yehuda mene mondogat inagaiyegetukwa. A'nogo hilingiti logolik he iren Tuhan obaget wene kabogetu mene faget ogo inagaiyekhogo hilingiti lagaukwama re At Tuhan nen ogo it woginafu aple endawimo agaiyek a'luk he, it inawi werek oba wilayah omanogoba inendawimo youk legengge inailo legengge logouwageluk hilingfisasikhemo welagaukwa.

2 TAWARIKH 15:9

It afuni Efraim mene inom, Manasye mene inom, Simeon mene inom, a'nogo nen hasukwa re Tuhan nen at Asa lebethugunem hasukwasik he, o wilayah at Asa nen melalinafi lagaikhe kwe kerajaan a'nogoba logogun iluk it inebe mondogat at Asa ambit sebesi wagaukwa. Sebesi wagaukwama re at Asa nen it afuni Yehuda mene inom, Benyamin mene inom, o Yerusalem kabogesi we'ni iluk yagaisasikhe.

2 TAWARIKH 19:3

A'nogo meneat he, hun haren fano mene hilingiti lagen mene ekhe weregat. A'nogo andi re neisena haren dewi Asyera afuni nen fogerati lagaikha mene omanogo mondogat waganogo wulak fisegendik, hat hebe Allah endawimo anggikherek mene a'nogo higithogo hilingitu mondok welagen o,” iluk yagatikhe.

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

2 TAWARIKH 20:4

A'nogo yagaisasikhemo re it Yehuda mene inawi kota lombok werek mene omanogo re, Tuhan nen lebetnisoagen yagasugun iluk o Yerusalem lagaukwa.

2 TAWARIKH 30:11

Oba nen he it fenakwe inunggulenu Asyer mene inom, Manasye mene inom, Zebulon mene inom, o Yerusalem wesugun inamolo mene ogo welagaukwaat.

AYUB 34:14

At Allah nen it afuni ineluk a'nogo waganogo, it mene set a'nogo lisogo wanumo nen he,

MAZMUR 108:1

Wuni At Daud awuni.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

KELUARAN 9:21

A'nogo meneat he, it ekhe wene inafe hebelasuageluk yagaisasikhe mene andi inendawinggen seramet fuluk, inamingmingengge wam konharek mene inebe inom, wam inom, olokwe waluk kwigi'lek o leimo andoma herakfesukwa.

DANIEL 6:14

A'nogo yagaisasikhemo, iren he, at raja mel yagatukwa: ”Noe, afuni Yehuda mene inenggi hele warogo woginarek wagaukwa mene omanogo mene ap ekhe enu Daniel a'nogo nen hat hebe endawimo sebelhobagaikhesik he, wene ero haren wulafen mene a'nogo serametfikhesik, o lingge misik sambul he samban enggi altap henagan oba Allah ayonggo fugu mondok werego,” iluk yagatukwa.

HOSEA 4:8

Hit he An nagainafuri nen weak hilingituba re hinenggi werek irikhi lagep, andiba re hiren ebeti logolik it he weak enek hilingirik laga logouwak anggikhi lagep.

HAGAI 1:5

Hit hinebe hilingik welagep mene andem fut fakhikhi logoni! An Tuhan pogot kweang yi mene ti mene elalhigi mene a'nogo nen nane ikhi lagi yi.

ZAKHARIA 8:21

It afuni o kota misik ekhe nen he it kota ekhe meneba ikhi logolik, ’Nit he, Tuhan Omame Mondok Hokho welagarek mene a'nogo fogerasi lambik he, Aren nit fanot ninobagauwageluk kino yagasi louwogen he, ninom logouwgen weni o!’ ikhi logogun.

KISAH PARA RASUL 11:23

At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.

ULANGAN 12:11

Nen, At nineisena Tuhan Allah nen hiren At fogerati logogun oba obalik ekhe wenagaisogo fagain andi. A'nogo wenagaisogo fikhe halok, an nen he, yi mene ti mene At wogosugun iluk yagahisigi mene andi mondogat andoma wogosi laga logoino. Andi ebe re: hinanggo warogo At noleti logogun mene faget igi andi inom, yi mene ti mene hit mene hinenggi wenagaisogo, 10 ba asi laga halok, 9 mene hit aga logolik misik 10 mene andi re At faget fisikhi logogun igi andi inom, hiren he, An nen Allah faget huli ti huli wogoti logogin iluk wenagaisogo fikhi logogun mene faget igi andi inom, mondogat waluk andoma laga logoino o.

ULANGAN 32:46

mel yagaisasikhe: ”Wene an nen, Yi'nogo hilingiti logoino, ti'nogo hilingiti logoino, iluk yogondak yagahisigi mene andi mondogat hinendawinggenma feino o. Hit hinagainafuri nen wene nineisena Enupogoren, Yi'nogo hilingiti logoino, ti'nogo hilingiti logoino, iluk yaganisasikhe wene andi, at oba lomborogo logolik inaberali legat hilingiti logouwagen he, yagaisikhi logoino o.

YOSUA 22:19

Nen hit hinaiba welagep oba andi obalik mondok emere'ma hiren wene kaboge'luk Tuhan obaget hilingituba iluk ekhe hilingisu elo'legen hilingiti lagep halok he, o hinebe pugulogo re Tuhan Awi Sabu Salek werek fikhit yoma we'ni o. Nit ninaiba andoma kino ugun he fano, oba nen he nit nineisena Tuhan Allah obaget he mezbah mondogat werek kwelek oba nen he, hiren mezbah amu mene ekhe mangoti lagep andiba re Tuhan ane sagalhik, nit ninane sagalhik ikhi lagep andi re mondok elo'lego.