2 TAWARIKH 11:12 - Allah Wene Fano Wene Hupla Inane

¹² A'nogo hilingfesikhesik he aren o kota-kota omanogo ebe lombok faget he ap inoe kain komandan melalinafu mene faget inebe misik-misik menfisilik lagaikhe. A'nogo mefisilik lagaikhesik he o kota-kota andoma ebe lombok faget he inamburu nunggu mene inom, inangge zaitun amusu inom, anggur amusu inom, nen tok kwe palengge inom sige inom fik-foukhogo filik lagaikheat. A'nogo filik lagaikhe andiba re o wilayah Yehuda inom, Benyamin inom a'nogo re omame a'ma welagaukwa.

2 TAWARIKH 11:12 ပူးပေါင်းရင်းမြစ်များ

2 SAMUEL 13:19

At hele Tamar a'nogo re asu jubah a'nogo tilip-talaphogo lakfisasikhesik he wul unggul oba yugul fesikhesik, enggi pire nen elokhe salogo le mondok weakhogo le arik lagaikhe.

2 SAMUEL 13:22

At Absalom en he at agot Tamar inom nogosukwasik ebe weaget fesikhe mene a'nogo faget Amnon oba a'marikhogo endawimo sebelek logolik he, at inom ane matu aple abithogo welagaikhe.

2 TAWARIKH 10:17

at Rehabeam a'nogo re it afuni wilayah Yehuda ba werek mene faget enek inobaget inoe raja welagaikhe.

2 TAWARIKH 11:11

Aren he o kota andem leget omamerogo wokfilik lagaikhesik he, o kota ebe lombok sumburu nunggu mene faget inom, zaitun amusu inom, anggur amusu inom, tok ma'mungge perisai inom, sige kabelek inom mondogat fougerik lagaikhe.

2 TAWARIKH 11:13

Hun Yerobeam inom it raja-raja at obali'mo menlagaukwa mene omanogo inomen he, it ap imam Tuhan obaget yabu hilingiri'lagwi mene andoma nen at lebethikhi logogun andi ninabit ikhi lagaukwama re, it Lewi inap a'nogo re iren inagengga o lei inom, ineabu inom herakfuluk he, o Yehuda ba nen Yerusalem oba andoma asi lagaukwa. Nen ap imam-imam inom, it Lewi inap inom wilayah it afuni Israel mene werek kwe omanogo nen he at Rehabeam inom sebesi laga lagaukwa.

2 TAWARIKH 15:2

hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.

2 TAWARIKH 17:12

At Yosafat en he o it afuni Yehuda mene were'ma omanogo leget pak leget omame mondok hokho mene inom, yi mene ti mene foukhogo fuguba inom, mondogat wurik lagaikhe. Andiba re at Yosafat a'nogo ekhe sambul ekhe sambul mondogat omame hokho aga lagaikhe.

2 TAWARIKH 32:5

A'nogo hilingfuluk he, o kota a'nogo omamerek logouwageluk he at raja a'nogo nen pa'leget a'nogo pugunhogo omameratik, karoba ap kagalek logogun oba iluk leget esia'le bene o wurik lagalik, leget abel endakwe fikhit ogo o wutik hilingitikhe. A'nogo hilingi'luk he, aren he o kota Yerusalem attak-attak welagaikheba omanogo o hokho mene kweang oba punurogo liabik lagasukwasik wurik welagaikhe mene a'nogo pugunetik, nen sige kabelek inom, tok ma'mungge inom hokhorogo wusuageluk yagaisigik, isikhe.

YEHEZKIEL 37:16

”Afuni wa'lagaikharek mene yi re, tomuk misik ekhe wanimbik he, lisu amboloba yi'nogo palfein, ’Kerajaan Yehuda’ iluk palfuluk he, tomuk amu mene ekhe waluk ane amboloba re, ’Kerajaan Israel’ iluk palfeino.