2 TAWARIKH 11:1 - Allah Wene Fano Wene Hupla Inane

¹ Raja Rehabeam a'nogo o Yerusalem asi lagaikhesik he, it afuni inunggulenu Israel mene abel ambolkwe utara fikhit werek mene omanogo inoasi lagik, it afuni Israel meneba at ebe omame a'luk werek mene a'nogo halfigik hilingisigin iluk he, aren afuni inunggulenu Yehuda mene inom Benyamin mene inom andem oba nen agoromi tentara fano mene nek inebe 180.000 nen folhigik fisasikhe.

2 TAWARIKH 11:1 ပူးပေါင်းရင်းမြစ်များ

KEJADIAN 14:24

Yi mene ti mene an nonggwarek mene faget, ekhe wanigin nabiro. We, an asu hak he, an nagoromi nen arat nengga andi o. A'nogo meneat he, ap an ninom hundik mene Aner inom, Eskol inom, Mamre inom, it mene halok it inonggwaregat heloago,” iluk yagatikhe.

1RAJA-RAJA 12:1

Ap Israel inap abel utara fikhit welagaukwa mene mondogaren Rehabeam ebe raja logouwagaluk unggul sebelogo menfouwogoluk o Sikhem andoma andogotukwasik were'ma, at Rehabeam inoba lagaikhe.

MAZMUR 33:10

Afuni inunggulenu lombogen, ”Yi'nogo hilingisugun,” iluk ayo palogo fagarek mene omanogo re, Tuhan nen legetfisaluk sebelogo fikherek.

MAZMUR 33:16

Ap raja at agoromi tentara inebe hokhorogo werek andiba, omame asu lek hak. It ap tentara mene inomame hokho andi nen inebe tela lek hak.