2 TAWARIKH 10:2 - Allah Wene Fano Wene Hupla Inane

² Andem oba re at Yerobeam hun Nebat amlogo a'nogo re hun raja Salomo ailo nen o Mesir lagaikhesik logolik esanggo holhugunemen he, At Yerobeam a'nogo it afuni Israel mene faget raja menfaga o, iluk ugunem esanggo holhikhesik he, at ebe nekhengge o it afuni Israel mene were'ma omanogo wagaikhe.

2 TAWARIKH 10:2 ပူးပေါင်းရင်းမြစ်များ

1RAJA-RAJA 11:26

”Salomo raja logogin lek. An logogin,” iluk ap ekhe at agoromi mene nenat ikhi lagaikhe andi, enu re, Yerobeam. Athe, ap Nebat aiba Efrayim mene re o enu Zereda andi mene amlogo. Agaisa re, agun nen souge fesikhemo welagaikhe mene enu Serua andi.

1RAJA-RAJA 11:28

at Yerobeam ogore, inom andoma yabu hilingiti lagaikhe. Yabu a'nogo hilingitunem, at Salomo eilenggen kwelakhasikhe re, enggi fano, yabu omamerogo hilingitunem hasikhesik he, afuni inunggulenu Manasye mene inom, Efrayim mene inom, inane ning-nanghogo yagaisugu kwelek hilingitunem, aren ferinarek logouwageluk menfesikhe.

1RAJA-RAJA 11:40

Wene a'nogo yagatikhe mene andi, it afuni ekhe nen he, at Salomo yagasi lagaukwama re, Yerobeam ebe wasigiluk weim abok endawimo were'ma, at Yerobeam elu agaikhesik, ebe heise afuni Mesir mene inoe raja ap enu Sisak oba lagaikhesik welagaikhesigen, Salomo ebe wa'lagaikhemo nen wagaikhe.

1RAJA-RAJA 12:2

Andem sambul he, ap Nebat amlogo Yerobeam a'nogo raja Salomo ailo nen o Mesir lagaikhesik werek kwelek hilingitukwa. At Yerobeam ebe andoma were'ma, afuni nen he, ”Rehabeam raja logouwageluk menfouwogoluk ili'lagwi,” iluk isukwama esanggo holhikhesik he, ambotkwe o afuni Israel mene inaiba wagaikhe.

2 TAWARIKH 10:3

A'nogo wagaikhemo re it afuni o abel utara fikhit welagaukwa mene omanogo nen ayonggo fesukwasik he inom seberogo at Yerobeam were'ma ambit logoin iluk lagaukwa. Lagaukwasik iren ikhi logolik he,

2 TAWARIKH 9:29

At Salomo nen hilingiti lagaikhe mene mondogat eroma nen pikhit wurep oba re buku nabi Natan ta'lagaikhesik hilingirik laga lagaikhe mene a'nogoba inom, hun Ahia awi Silo agun a'nogo nen hobuk hilinglasigin mene isikhe mene buku ba palek welagaikhe mene a'nogo inom, hun nabi Ido nen abikanggoba hasikhe mene buku ba palek welagaikhe mene a'nogoba at Yerobeam it afuni Israel mene faget raja welagaikhe aple faget inom, palek welagaikhe mene andiba palek werek.