2 TAWARIKH 10:1 - Allah Wene Fano Wene Hupla Inane

¹ It afuni Israel mene abel utara fikhit welagaukwa mene a'nogo mondogaren he at Rehabeam raja menfogoin iluk kabogetukwama re at Rehabeam ebe o andoma lagaikhe.

2 TAWARIKH 10:1 ပူးပေါင်းရင်းမြစ်များ

KEJADIAN 12:6

Abram o Kanaan esanggokwe eilenggen hilik-hilik wagaikhesik he wesa aple hilingiti lagaukwaba o Sikhem en he o More e wesagayo eroma asi wagaikhe. (Nen, andem oba re afuni o Kanaan inap kweang andiba andoma welagaukwa).

1RAJA-RAJA 4:1

At Salomo a'nogo afuni Israel mene mondogat inobaget inoe raja menlagaikhe.

1 TAWARIKH 12:38

It ap Daud obaget hilingiti lagaukwa mene omanogo re at Daud ebe afuni Israel mene inobaget inoe raja men fogoin iluk hilingitukwa sambul andi re inebene inalilingge lik-loukhogo o Hebron andogotukwa. Nen it afuni Israel mene fena mondogat omanogo re, inendawinggen misik agaukwasik iren we misik aple andi nek hilingisugun anggasukwa.

1 TAWARIKH 3:10

It afuni Israel mene inogogwi raja mendek welagaukwa mene at raja Salomo oba nen pikhit hun Yosia huli welagaukwa mene re yi: Salomo, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon, Yosia inom andoma.

2 TAWARIKH 10:2

Andem oba re at Yerobeam hun Nebat amlogo a'nogo re hun raja Salomo ailo nen o Mesir lagaikhesik logolik esanggo holhugunemen he, At Yerobeam a'nogo it afuni Israel mene faget raja menfaga o, iluk ugunem esanggo holhikhesik he, at ebe nekhengge o it afuni Israel mene were'ma omanogo wagaikhe.

2 TAWARIKH 9:31

A'nogo melalinafu welagaikhesik he at ebe wa'lagaikhemo re o kota Daud aiba omanogo salhukwa. At ebe wa'lagaikhemo obali'mo re at amlogo Rehabeam a'nogo raja menlagaikhe.

MATIUS 1:7

Salomo nen he, Rehabeam tatik, Rehabeam en Abia tatik, Abia nen Asa tatik,

YOSUA 20:7

Andi isikhemo re o kweang i Yordan ima barat fikhit andoma re o kota inagap telagarek oba logogin mene iluk, it afuni Israel mene nen fouget fesukwa mene re yi: o Kades, o Galilea Naftali mene inandom oba omanogo inom, Sikhem it Efraim mene inandom oba omanogo inom, Hebron Yehuda mene inandom oba omanogo fesukwa.

YOSUA 24:1

At Yosua nen afuni Israel mene mondogat o Sikhem andogorogo fisasikhesik, inogogwi inaluendek inom, kaindek inom, ap wene inoba figik, kotik, agarek mene inom, ap tentara mene inogogwi kaindek inom, wesuagaluk yagaisasikhemo, Allah oba wagaukwa.

HAKIM–HAKIM 9:1

A'nogo hilingitu kwelek, inenggi ekhe sambul he, at Gideon amlogo Abimelekh o kota Sikhem at agaisawi, erugwi, amilak inoba lagaikhe. Lagaikhesik, it inom, afuni at mene ekhe inom, inoba yi'nogo yagaisasikhe: