2 TAWARIKH 1:10 - Allah Wene Fano Wene Hupla Inane

¹⁰ Andi halok he, an nen afuni yi melalinafi logogin mene faget an namolo mene neisena Haren nendawimo kagalek mene inom, wenggelek mene inom, wo'nom o. Nen a'nogo hilingnobagagin lek halok he, an nen afuni Hat hagainafuri hokhorogo yi re ninggi'nogo melalinafi logogin?” iluk yagatikhe.

2 TAWARIKH 1:10 ပူးပေါင်းရင်းမြစ်များ

2 SAMUEL 5:2

Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

1RAJA-RAJA 3:9

Andi nen he Tuhan neisena, an nen hagainafuri andi ferinarek logolik nendawinggen kagalogo higithogo hilingitik, fano mene weak mene enegat penetik, ikhi logogiluk namolo nen nobabut andi mene wo'ne'nogoluk kino yagaheti o, neisena. A'nogo meneat he, haren a'nogo wo'neten lek halok, hagainafuri inebe mondok hokhorogo andi ninggi'nogo ferinarek logogin anggegen, neisena,” iluk yagatikhe.

1 TAWARIKH 22:12

Tuhan Awene melalek yi'nogo hilingi'no ti'nogo hilingi'no iluk isikhe mene a'nogo higithogo haren it afuni Israel mene melalinafi logoinogen, At heisena Tuhan Allah andi nen hat enggaret hobagagik, heluet hobagagik, hilingiti logouwak.

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

AMSAL 4:7

Wene ebe esin mene attak-attak haren hilingiti logogin mene re yi'nogo: Hafe hibil hebelhogo logolik homamerogo hilingiti logoino. Haren amu mene faget ekhe mu'luk laga logogin oba nen he, ebe tukum hogore yi wene ti wene futfuluk hilingitarek mene andi helagain iluk homamerogo mu'luk laga logogin fano.

AMSAL 8:15

An nen he, afuni inogogwi inenupogot logolik, ferinarek logouwagaluk leberisigik, it ap kaindek inomame werek mene wene tegeti logouwageluk leberisigik, igirek.

BILANGAN 27:17

It weim yafi logolik, at andi it inoe kain kabelek mene hilinglasimbik logogin namolo nen yagaheti o. Hat hagainafuri yi, wam domba afuni konharek mene le'ma welagarek andi hak herakfisagun o, neisena,” iluk yagatikhe.

2 KORINTUS 3:5

Nit ninonggwarek ninomameba yi'nogo ti'nogo hilingisugun elok, iluk ninendawimo anggikhi lago lego. We, at Allah nenat ninomamet ninafikhemo hilingisu elok welago.

ULANGAN 31:2

”An yogondak nebe umur 120 tahun arat hilinglagimo re, an nen hit wokhinaregat lagain he, elo'lek aga o. Nen, at nineisena Tuhan nen ogore, hat i Yordan palogo wulibi lagain mondok lego, iluk yaganete, andi nen he, elo'lego.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.