2 SAMUEL 9:7 - Allah Wene Fano Wene Hupla Inane

⁷ A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

2 SAMUEL 9:7 ပူးပေါင်းရင်းမြစ်များ

KEJADIAN 43:18

Fisa lagaikhemo at Yusuf aiba kwikhi logolik he inailo agaukwasik iren anggikhi logolik, ”Nit o yi wo'ninarek wagaikha yire attak wagagu mene a'nogoba uang su karung elema nen herato mene a'nogo faget wo'ninarek wagaikha. Enggere ferekhogo fakninobagambik ninanggo keledai omanogo helikhi logolik nit ninebere inamingmingengge hilingninabugun he a?” iluk andi anggasukwa.

KEJADIAN 43:23

Yagatukwama, at yabu hilingiti lagaikhe mene a'nogo nen ikhi logolik, ”Uang andire hit hineisena nen apne wanharek mene Allah a'nogo nen, hinasu karung oba kwelakfikhe. Nen an he gandum andoma faget he uang mondogat wanhiginggere hit hinailorogo hilingiti logolik hinendawinggen fisu fugo,” iluk yagaisasikhe. Yagaisasikhesik he, at Simeon a'nogo at agaila'lak fena omanogo inambit waluk fei wagaikhe.

2 SAMUEL 12:8

A'nogo telhafigisik, at Saul en ferinarek welagaikhe mene andi, hat wokheti logolik, at agagwi mondogat wokhetigiat anggigi. A'nogo wokhetigisik, hat hebe afuni Israel mene inom, Yehuda mene inom, inoe henupogot logoinogoluk menhobagasigi. Ariginhafigi a'nogo mene re, hat hendawimo nen andem elo'lek anggegen halok he, An nen andem higithogo ekhe inom eberogoat wokhesigin aro.

2 SAMUEL 19:28

An hamingmingengge neisena inom, nagainafuri inom inebe mondogat haren wene ninoba fesigindik felelenghogo ninoatigin meneat he, it inoati logolik, an enek he, hat haiba sumburu ninggi logouwagaluk yaganetigin andi. A'nogo mene re, yogondak an hamingmingengge nen yi'nogo ti'nogo hat kino ekhe yagahesu re elo'lego, noe,” iluk yagatikhe.

2 SAMUEL 19:29

A'nogo yagatikhemo at raja nen he, ”An nen, Saul angge yi mene ti mene mondogat hat inom, Ziba inom, hemberek wokhisagaluk wene arat igimo hilingi'mo re, haren wene yi'nogo ti'nogo ekhe ugun o,” iluk yagatikhe.

2 SAMUEL 19:33

Andi nen, at Daud en Barszilai mel yagatikhe: ”Nemberek o Yerusalem louwogo, ninom a'lima logolik yi mene ti mene hat hamolo mene an nen tegelogo hobagagunem helikhi logogin o,” iluk yagatikhe.

2 SAMUEL 21:7

Oba nen he, at Daud inom Yonatan inomen wene hombuk pal-pal agaukwama re, at Yonatan amlogo Mefiboset a'nogo re wogisigi'legengge herakfisasukwa.

2 SAMUEL 9:1

Inenggi ekhe sambul at Daud en he, afuni ekhe mel yagaisasikhe: ”Ap Saul againafuri mene ekhe ineluk werega? Lega! Werek halok, an nen Yonatan alisikhogo fano hilinginabigin namolo o,” iluk heinok wogisasikhe.

2 SAMUEL 9:10

Hat hebe inom, hagainafuri inom, hamingmingengge mene inom, hinomen at Saul againafuri inamburu inom, yi mene ti mene enggen inom, higithogo ninggi logouwagaluk yabu andoma fanorogo waganogo fisambik, enggen palogo ebe tagaisogo wogisikhi logoino o. A'nogo meneat he, at Mefiboset enek he, amburu an naiba ninom nunggu mondok logogin o,” iluk yagatikhe. (Ap Ziba andi againafuri ap mene inebe 15 nen welagaukwa, nen amingmingengge mene inebe 20 nen welagaukwa.)

2 SAMUEL 9:11

A'nogo yagatikhemo, at Ziba nen Daud mel yagatikhe: ”Haren hilingi'no, iluk hamingmingengge wene yaganeten andi mondogat hilingisigin o,” iluk yagatikhe. A'nogo yagatikhemo, at Mefiboset andi enupogot Daud onggwarek amlogo higit, sumburu inom misi'mo ninggi lagaukwa.

2 SAMUEL 9:13

At Mefiboset eisok fena-fena wut warek mene a'nogo, o Yerusalem logolik, sumburu Daud aiba nunggu mondok welagaikhe a'nogo re andi.

2 SAMUEL 9:3

A'nogo yagatikhemo, at Daud en he, ”Saul againafuri mene ekhe werega? Lega! An nen, it yi'nogo hilinginafi logogin, iluk wene Allah waretigi higithogoat, at andi fanot feigilugen heinok wanhi o,” iluk yagatikhemo, at Ziba nen he, ”Ap Yonatan amlogo ebe awe wut warek mene werego,” iluk yagatikhe.

1RAJA-RAJA 2:7

A'nogo meneat he, ap Bersilai aiba Gilead mene andi againafuri nek he haren hendawirogo logoino o. An hat hoe Absalom en noasigiluk ikhi lagaikhemo, heise lagagisi'mo re, it andi nen inendawirogo hilingnafukwa andi nen he, hinamburu ninggi logolik, fanorogo melagisikhi logoino o.

2 RAJA-RAJA 25:29

A'nogo hilingisogo fesikhemo, at Yoyakhin asu ap hele warek logolik su labetarek mene andi herakfisasikhesik, ebe eluk logolik, enggi ekhe kamo igi'lek hundik-handik at raja Babel mene andi inom sumburu nenggi logolik angge yi mene ti mene hunirugu mene faget he agengga rupiah wogotu mondok welagaikhe.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

YEREMIA 52:33

At he, hele warogo logolik, asu laberek welagaikhe mene omanogo nonggologo herakfisaluk he, amu mene elok labesu hak welagaikhe, at ebe logolik andoma re, hun raja aiba omanogo sumburu ninggik, uang at ebe eluk logolik oba yi mene ti mene at endawimo amolo anggugu mene huniroageluk hundik-hundik wogetu mondok welagaikhe.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

MATIUS 6:11

Nit ninamburu yogondak nogoin mene higithogoat wo'nisame o.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.

1 SAMUEL 12:24

Hit he, nineisena Tuhan agaukhogo, hinendawinggen misigat a'luk, hinebe at oba lombokhogo amingmingenggeat logolik, At faget enek hilingiti logoino o. Aren hit faget mondok hokhorogo hilingite mene andi eberek mondok logoino o.

1 SAMUEL 20:15

afuni an nen tagongge mene inoba hendawinggen hundik mondok logoino o. Nen, nineisena Tuhan nen hat haselei mene inebe mondogat legetfisikhe halok ogore,

1 SAMUEL 22:23

Hat hebe nek he an ninom logouwogo, nen hendawimo hailo asu fuk. At Saul en hat hoasigiluk hilingiri'lago andi re, an ogore noasigin iluk hilingirik nikho aro. Enggere hat he an welagiba yoma hailo legengge logoin o,” iluk yagatikhe.