2 SAMUEL 9:1 - Allah Wene Fano Wene Hupla Inane

¹ Inenggi ekhe sambul at Daud en he, afuni ekhe mel yagaisasikhe: ”Ap Saul againafuri mene ekhe ineluk werega? Lega! Werek halok, an nen Yonatan alisikhogo fano hilinginabigin namolo o,” iluk heinok wogisasikhe.

2 SAMUEL 9:1 ပူးပေါင်းရင်းမြစ်များ

2 SAMUEL 1:26

Eige Yonatan nare e, Hat hebe heluk were'ma an ninom nendawinggen hundik welagi mene o, Nendawimo hokhorogoat weak aga o. Hemi nen inendawirinafarek mene andi, we endep hangge o, Haren hendawit nafendek mene andi re mondogat esin hangge o.

2 SAMUEL 21:7

Oba nen he, at Daud inom Yonatan inomen wene hombuk pal-pal agaukwama re, at Yonatan amlogo Mefiboset a'nogo re wogisigi'legengge herakfisasukwa.

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

1RAJA-RAJA 2:7

A'nogo meneat he, ap Bersilai aiba Gilead mene andi againafuri nek he haren hendawirogo logoino o. An hat hoe Absalom en noasigiluk ikhi lagaikhemo, heise lagagisi'mo re, it andi nen inendawirogo hilingnafukwa andi nen he, hinamburu ninggi logolik, fanorogo melagisikhi logoino o.

AMSAL 27:10

Hat agailak ogo nen at heisena hagailak andiba ogo inoba honggorasu fuk, hat enggin hoba were'ma hagailak oba lebetnabin iluk kino u fugat, hagailak awi yatma logogin mene andi hinom hundik logogun andi re we maben hangge, oba nen he inawi hinom horokhogo logogun mene andi nek he mondok esin.

MATIUS 10:42

At sa nen, Yenggerek magenggelak mene yi Yesus ane wanherek mene, iluk, i min mene ekhe wogete halok he, Allah nen onggo wogosigin mene heligi'lek nong asigin lego, iluk eberogoat yagahisigi o,” iluk yagaisasikhe.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

MARKUS 9:41

”An nane eberogoat yagahisak. It afuni ekhe nen he, it Kristus agoromi mene, iluk, i hinagaisogo wokhisogoin halok he, Allah nen onggo wogisagain mene andi, heligi'lek nong asugun nogo? Wogisamo helogoin aro,” iluk yagaisasikhe.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 SAMUEL 20:42

Inendawimo a'nogo heiselhikhemo, at Yonatan nen Daud mel yagatikhe: ”Allah nen lebethiikhi logouwago. Nen, nit nemberek Tuhan eilhanem wene wat-wat ogo mene andi, Aren he, nit nemberek ninom, niren tagongge mene inom, wene andi fisogo logouwageluk, fetninarek mondok logouwago,” iluk yagatikhe. A'nogo isukwasik, at Daud lagaikhemo re, at Yonatan ambotkwe o kota wagaikheat.