2 SAMUEL 8:15 - Allah Wene Fano Wene Hupla Inane

¹⁵ A'nogo at Daud en it afuni Israel mene mondogat halfisikhi logolik he, aren againafuri Israel mene inoba fanorogo hilingfisigik, higithogo hilingfisigik, ikhi logogin iluk hilingiti lagaikhe.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

A'nogo yagatunem at Absalom en he, ”Hat wagen andi wene werek higithogoat wagen. Haren wene inoba fegen andi eberogoat meneat he wene andi fano pilingisugun mene ap ekhe at kain enupogoren menfigi'le'ma elo'lego,” iluk yagaisikhi lagaikhe.

2 SAMUEL 20:23

At Daud en yabu at a'ma hilingiti logogun mene menfisasikhe mene a'nogo inebe re yi: It afuni Israel mene mondogat faget inoe kain panglima re hun Yoab menfesikhe. Nen at Daud onggwarek ebe kagalek nikhi logogun mene inoe re Benaya hun Yoyada amlogo a'nogo menfesikhe.

2 SAMUEL 3:12

A'nogo hilingitukwasik at Abner en Daud o Hebron were'ma ap inoba wene warogo lakfisikhi logolik he, yi'nogo warogo lakfesikhe, ”Kweang yi re sa nen sebelek logogin? Iluk he haren an noba wene wa'nesumo re an nen it inunggulenu Israel mene mondogat he hat noe hebikhit enek asi wesuageluk lebetheagain o! Iluk yagasi lani,” iluk lakfisasikhe.

2 SAMUEL 5:5

Nen, at o Hebron logolik afuni Yehuda mene ferinarek 7 setengah tahun welagaikhe. Hobuk, at ebe Yerusalem wagaikhesik logolik, afuni Israel mene inom, Yehuda mene inom, ferinarek 33 tahun welagaikheat.

2 SAMUEL 8:14

Aren he agoromi at a'ma werek mene sikhe fisogo inap omanogo faget he inawi sili o Edom kwe andoma mondogat halogo fisilik lagaikhe. Nen, it afuni Edom mene andi re mondogat at a'ma nek agaukwa. At Daud en yikwe tikwe weim yabi lagunem Tuhan nen omamet fugunem he mabenet fisikhi lagaikhe.

2 SAMUEL 8:16

Nen at Daud agoromi ineabu lego mene at Daud en menfisasikhe mene inebe re yi: Panglima it sikhe fisogo mene inoe mondok lego mene re Yoab hun Seruya amlogo a'nogo. At Daud aiba at ebe werek oba andoma lisu palhi lagaikhe mene re Yosafat hun Yehilud amlogo a'nogo. Imam he Zadok hun Ahitub amlogo a'nogo inom, Ahimelekh hun Abyatar amlogo a'nogo inom welagaukwa. Nen Negara faget lisu palhu mene re hun Seraya nen palhi lagaikhe.

1RAJA-RAJA 10:9

Hat heisena Tuhan, hebe afuni Israel mene inoe raja logouwagaluk menhobagasikhe mene. Hat heisena Tuhan Allah nen afuni hinunggulenu Israel mene endawi hundik mondok welagarek andi nen, hat hebe oba liok ikhesik, it afuni Israel mene ninoe henupogot logolik wene higithogo inoba figik, kotik, fanorogo ikhi logouwagaluk menhobagaikhe mene andi fogerati logouwogo,” iluk yagatikhe.

1RAJA-RAJA 4:1

At Salomo a'nogo afuni Israel mene mondogat inobaget inoe raja menlagaikhe.

1 TAWARIKH 18:14

A'nogo at Daud en it afuni Israel inap werek mene a'nogo mondogat melalinafi logolik, it afuni holhu mene inoba fanorogo hilingfisigik, fanorogo hilingfisigik, hilingiti logogin iluk kagalek mondok welagaikhe.

MAZMUR 119:121

An he wene katokhogo nek hilingitik, eberogo mene nek hilingitik, hilingiti lagi hilingi'mo re, an nebe waganogo it naselei mene inenggiba nobagau fugo.

MAZMUR 72:2

Aren it afuni Hat hagainafuri mene andoma inawene ayo wurogo pilingiti logolik he, wene melalek werek higithogo hilingiti logogin, nen it ekhe yi enggin ti enggin hilinginafunem weak hili'lagwi mene andoma ogore inawene higithogo nek pilingisikhi logogin aro.

MAZMUR 75:2

Neisena Allah, niren he Harenek fogethafi lago, Haren yi mene ti mene mondok elalinhogo elalogo fesigin mene andoma faget fageti logolik he, Hat hai wathafi lago.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

AMOS 5:24

Hit hinobabut he, i elesi wulibisogo lagarek andi hak, wene higithogo pilingitarek mene andiat esinet figik, i elesi agai lagu mondok welagarek andi hak, higithogo nek hilingiti logouwogeluk esinet figik, ikhi logogun andi nek he mondok fano.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

1 SAMUEL 14:47

At Saul afuni Israel mene inoe raja agaikhesik logolik he, afuni Israel inaselei mene o ekhema-ekhema welagaukwa mene inom weim hokhorogo yafi lagaikhe. Selei mene andi re, ap Moab mene inom, Amon mene inom, Edom mene inom, afuni Zoba mene inogogwi raja-raja inom, Filistin mene inom, yafi lagaukwa. Weim ekhema-ekhema yafi logolik he, at Saul maben agi'lek omame nek aga lagaikhe.