2 SAMUEL 7:9 - Allah Wene Fano Wene Hupla Inane

⁹ Halok he, An nen hat hebe we komakwe lagen halok setharek mondok logolik, hat haselei mene mondogat hinom weim yafunem, inebe mondok legetfisikhi lagagi andi. Ma re, it afuni o yi awi ti awi inogogwi kaindek logolik inenuwerek welagaikharek andi hak henuwerek hilinghobagagin andi.

2 SAMUEL 7:9 ပူးပေါင်းရင်းမြစ်များ

KEJADIAN 12:2

An nen he, haren tagomangge mene nen hokhorogo sik-pik imbik, it inunggulenu hokho asuageluk hilinghobagagin o. An nen, hat fanot hobagagik, henu werek hilinghafik ugunem, halisikhogo afuni ekhe hat fanorinafi logogin aro.

2 SAMUEL 22:1

At Daud ebe ap Saul en ogo, aselei mene nen ogo inebe mondogaren wasuogoluk ugunem, nineisena Tuhan nen telogo filik waga lagaikhe andi nen he, Allah fogerati logolik, wuni yi'nogo watikhe:

2 SAMUEL 22:30

An nen it naselei mene legetfisoagaluk he, Harenat nomamet fikhi lagen o. An neisena Allah nen lebetniugunem he naselei mene inaleget pa'leget esia'le harogo inoasi kwigirego.

2 SAMUEL 22:43

An nen he, it inebe wulil tagalogo inoatunem kweang aling hakhogo hesangge-pesangge hilinglagaikharego. Nen it inebe fesi ebekhe kwe andi hakhogo felelenghogo lakfisigirego.

2 SAMUEL 23:1

At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

2 SAMUEL 5:10

Nen at Daud eisena Tuhan Allah Omame Mondok Hokho mene a'nogo nen elok lebethikhi lagaikhe andiba re, omame ekhe inomat hokho arik laga lagaikhe.

2 SAMUEL 8:13

At Daud en afuni Edom mene o Asin tonggoma nen afuni inebe 18.000 nen inoasi lagaikhesik wagaikhe mene andiba nen he at Daud enu ekhe inom hokho agaikhe.

2 SAMUEL 8:14

Aren he agoromi at a'ma werek mene sikhe fisogo inap omanogo faget he inawi sili o Edom kwe andoma mondogat halogo fisilik lagaikhe. Nen, it afuni Edom mene andi re mondogat at a'ma nek agaukwa. At Daud en yikwe tikwe weim yabi lagunem Tuhan nen omamet fugunem he mabenet fisikhi lagaikhe.

2 SAMUEL 8:6

A'nogo inoatikhesik at Daud en he agoromi sikhe fisogo mene at a'ma mene faget o sabu it afuni andoma inawi wilayah ba wurogo fisilik lagaikhe. A'nogo wutikhemo re iren at a'ma sebeluk logolik he onggo at oba fei laga lagaukwa. Tuhan nen at Daud ekhema-ekhema weim yabi lagunem he at aselei mene mabenet fisikhi lagaikhe.

1 TAWARIKH 17:8

Hat yi kwe ti kwe lagunem he An nen lebethiikhi lagagi, nen hat weim yabik nugunem he it haselei mene An nen mondogat inoati lagagi. Nen, hat he it ap o kweangma yoma melalinafu mene welagaikharek andi hakhogo, An nen mondok legeisogo hobagagin o.

MAZMUR 21:6

Haren lebethuguba nek at ebe ap lego mene hilinglaga, Harenat at ebe enu lego logolik anggiluk werek mene logouwageluk hilingisogo fegen.

MAZMUR 89:23

A'nogo wogotunem aselei mene nen mabenet fikhi logogun mondok lek, nen inobabut weak mene nen sebelogo fikhi logogun legat.

LUKAS 1:52

Afuni kaindek inenupogot welagaikharek mene andi sebelogo fisikhi logolik he, it inenu lek mene andi menfisigik,

YOSUA 6:27

At Yosua nineisena Tuhan nen serogo mondok were'ma, abok fano mondok o yi awi ti awi laga lagaikhe.

1 SAMUEL 18:14

Nen, at Daud nineisena Tuhan nen lebethugu kwelek nogo nen he, yi aple ti aple hilingitunem, fano nek aga lagaikhe.

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

1 SAMUEL 31:6

O misik sambul at Saul ebe inom, againafuri inebe henagan aremnogo inom, agoromi tentara mene ekhe inebe mondogat inom, agot alage mene ekhe inom, inoatukwa re a'nogo andi.

1 SAMUEL 5:10

Inane a'nogo sagalik lagaukwasik, Peti a'nogo afuni Filistin mene inawi kota ekhe enu Ekron agarek oba andi waluk lagaukwa. A'nogo waluk lagaukwasik, o kota andoma fei lagunem he, afuni o kota andoma mene nen inane hokhorogo mel isukwa: ”Afuni Israel mene ineisena Tuhan nen Peti wene warogo woginafikhe iluk hilingik mene andi nit ninebe mondogat ninoasuagaluk waluk wagaikha andi nenahalok,” iluk isukwa.