2 SAMUEL 7:22 - Allah Wene Fano Wene Hupla Inane

²² Nit attagat yaganisikhi logolik he, Nineisena Allah Enupogot andi hangge ekhe mondok lek, we, At amuat esin welagarek, iluk yaganisasukwama habok ninelu o. Hat hamuat esin welagen o, neisena.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

Nineisena re we Tuhan Allah andi amu aro. Nen, nit ninebikhit agarek mene re Allah andiat werek.

1RAJA-RAJA 8:23

samban Allah mel yagatikhe: ”Tuhan, afuni Israel mene nineisena Allah. Pogoroba inom, kweangma inom, Hat hebe higit ekhe mondok lego, neisena. Haren, yi'nogo hilinghinabigin, iluk wene wa'nisasigin mene andi hagainafuri ninendawinggen misigat a'luk ninebe hoba lombokhogo logolik hane hologo hilingitunem, ebe tiphogo hilingiti logolik hendawit ninafendek andi o, neisena.

1 TAWARIKH 16:25

At Tuhan andi ebe hokho agun hilingi'mo legeisogo fugu mondok welagaikharek. Afuni nen kembu dewa ba inailo anggagarek andi re maben hak oba nen he At oba re mondok alonghogo ninailo anggikhi logogun.

2 TAWARIKH 2:5

Nen o an nen wusigin iluk nendawimo anggikhi lagi mene andi re, nit nineisena Allah andi re mondok lego agun a'nogo faget, it amu mene faget Allah higit iluk eberi'lagwi mene a'nogo faget he fuk. Arigini'mo re o andi re mondok esin mene wusigin.

MAZMUR 135:5

Eberogo nen At Tuhan andi re mondok hokho agun werek a'nogo an nelu o, At ebe lego agun were'ma dewa afuni nen fogeratarek mene andoma re sebelek hak werek.

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 44:1

It inunggulenu Korah mene inawuni, afuni yagaisikhi logolik agarek mene, it afuni nen wuni wulak fuluk inebe seberogo ugunem yanggulinafarek mene faget.

MAZMUR 48:1

It inunggulenu Korah mene inawuni.

MAZMUR 86:10

We Hat hamu nek Allah welagen, nen Hat he Allah hebe Lego mene logolik he, Haren hilingisu elo'lek mene omanogo nek hilingiti lagen.

MAZMUR 86:8

Tuhan neisena, allah Hat hemberek higit mene ekhe werek lek, nen Haren hilingiti lagen andoma hakhogo it amu mene nen a'nogo ekhe hilingisugun mene werek legat.

MAZMUR 89:6

Andiba re it pogoroba andogorek werek mene omanogo nen he Haren wene hokho mene hilingitigin mene andi faget foget hafarek. Nen Haren tiphogo nek hilingiti lagen mene andi faget he Hawuni watu welagaikharek andi.

MAZMUR 89:8

Hat he it ekhe inebe fano horek welagaikharek mene omanogo inanggele'ma nen he legeisogo hobagaluk agaugwet hafarek, Nen it ekhe Hat hera'lukwe haningisogo welagaikharek mene omanogo nen inailot hafarek.

MAZMUR 96:4

At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

KELUARAN 10:2

Nen, elalin mene a'nogo hilingiti logolik, afuni Mesir mene lalinafi lagi mene andi, hiren tagomangge mene hinombalak yagaisugunem futfembik, hit mondogaren, nit nineisena Tuhan At amuat o, iluk futfikhi logobagaigen iluk, at raja agoromi inom inendawinggen haro mene hilingisogo fikhi lagi andi,” iluk yagatikhe.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

KELUARAN 8:10

A'nogo yagatikhemo, at raja a'nogo nen he, ”An faget samban ohealekwe ino o,” iluk yagatikhemo, at Musa nen he, ”Noe, haren yi'nogo hilingfanino, iluk yaganeten halok he, an nen hilingisigin aro. Hilingitunem, haren he, hit hineisena Tuhan Allah andi hangge ekhe mondok lek. We, at Allah andi eberogoat higi, iluk futfagain aro.

KELUARAN 8:6

A'nogo yagatikhemo, at Harun en arige tomuk a'nogo wanhikhesik he, i mondogat agum oba higit enggi pisarogo lakfesikhemo re, yagaise hokhorogo weinam agaikhesik o Mesir yi awi ti awi mondogat sik-pik isikhesik pete isikhe.

KELUARAN 9:14

Haren he, Afuni kweangma yoma mondogaren fogeratarek mene at Allah inom walhamo re, elo'lek higi iluk futfeinogen he, An nen yogondak wene it hat hagoromi mene inom, afuni mondogat inom, it enek wene inoba fagain lego. We, hat hebe inomat hinoba fagain o.

YESAYA 40:18

A'nogo hilingi'mo re haren Allah andi re sa inom iliret ikhi lagen? Ap sa Allah inom higitsek anggikhi ikhi lagen?

YESAYA 40:25

Allah Horek Mondok werek mene andi inom he, sa nen an ninom higitsek anggaluk hilingiti lagen nogo? Haren ap sa hinom At nemberek higirap esigin iluk hilingiti lagen?

YESAYA 45:18

Tuhan nenat pogot walhasikhe, At ebere Allah! Arenat kweang walhogo fesikhesik, kweang oba werek mene mondogat elalogo fesikhe, a'nogo hilingfesikhesik, hambuk lele warogo menfesikhemo werek andi. Aren obalik we selek logouwageluk elalhikhe fuk, oba nen he obalik andomaba logouwageluk elalogo fesikhe. At ane ikhi logolik, ”Tuhan he An namunek welagi o, amu mene ekhe werek lek,” isikhe.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 45:5

Tuhan he An namu aro. Amu mene ekhe werek lek. An Allah re netok mondok welagirek. Haren An noba honggot welagen oba nen, An nenat hat hoba hasikhe harige lik-loukhogo hilinghobagasigi.

YEHEZKIEL 36:22

Andi nen he, An Tuhan Lego Mondok welagi mene a'nogo nen hobuk Israel oba hilingfagain iluk ikhi lagi mene andoma yagaisan. Yago, hit Israel hinap yi, An nen hobuk hilingisigin mene andoma re, ero hiren hilingiti lagep oba re fuk, athe An nenu mondok horek mene a'nogo hiren yikwe-tikwe laga logolik, mondogat weagerik nikhi lagep andiba o.

YEHEZKIEL 36:32

Hit Israel mene yi sani, ebethikhi logoni o, andoma mondogat An nen hilingisigin andi re hit faget hilingisigin fuk. Hit he hinonggwarek hinobabut oba hilingi'mo re hinenggali agik, afuni nen li'norogo pelakhinabik, ikhi logogun o. Iluk An Tuhan Lego Mondok welagirek mene a'nogo nen nane mondogat igi o, iluk yagaisan, ikhe.

DANIEL 2:45

Noe. Haren he, helep misigat mene tom era'lu nen afuni inenggi nen abologet higi'le'maat erabusak hemekhogo pi waga logolik, afuni inalik hilingik mene andi, posiemanggen inom, tembaga inom, kweang tangge abiweak mene inom, perak inom, emas inom, oba hilingik mene sebeli pi waga logolik, wolelenggen tagalogo potfisugunem yethegen lek nogo? A'nogo hilingitunem yethegen aro. At Allah Omame Hokho Mene andi nen wene ebe hobuk hilinglasigin mene hat heilenggen yethoageluk inukhiikhemo heilenggen yethegen o, noe. Hat habi hegen andi eberogoat hegenma, an nen ebe hobuk hilinglasigin mene faget yagaheti andi, hat hendawimo nen, Eberogoat, iluk futfeino aro,” iluk yagatikhe.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

ULANGAN 3:24

”Tuhan neisena, Hat mondok lego welagen mene. Haren an noba weinamet fikhi lagen mene andi re, hobabut mondogat elalin mene hilingitik, hilingisu mondok elo'lek mene hilingitik ikhi lagen mene a'nogo attak-attak inu'nisageluk erorati lagen. O pogoroba mene nen ogo, kweangma mene nen ogo Hat Allah nen elalin hilingisu lek mene hilingiti lagen andi hakhogo ap allah alek mene nen hilingisu mene ekhe werek lek.

ULANGAN 32:39

Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.

ULANGAN 4:35

Hit hineilhanem mondogat a'nogo hilingitikhe andi, Aren he, Hineisena Tuhan Allah An nalegat. Ekhe lek, iluk enegat asuageluk hilingitikhe andi o.

ULANGAN 4:39

Pogoroba inom, kweangma inom, nineisena Tuhan Allah ami-amuat welagarego. Amu mene ekhe lego. Andi nen he, o yogondak yi huli nen At oba hinonggoragi'lek eberek mondok logoino o.

1 SAMUEL 2:2

Neisena Tuhan hat hebe tegelek mandok welagen andi hak mene ekhe werek lego. We Hat hami-hamuaren hawe a'ma ninobagaluk fetninarek welagen o, neisena,” iluk yagatikhesik,