2 SAMUEL 7:18 - Allah Wene Fano Wene Hupla Inane

¹⁸ A'nogo yagatikhemo, at raja Daud nineisena Tuhan awi tenda wuri'mo a'nogo kwisikhesik he, ebe hu'lagaikhesik, samban mel isikhe: ”Allah Henupogot mene neisena. An nebe inom, nagainafuri inom, ninebe hat heilhanem mondok elo'lek meneat he, fanorogo fetninarek welagen andi, neisena.

2 SAMUEL 7:18 ပူးပေါင်းရင်းမြစ်များ

KEJADIAN 32:10

Haren an yi'nogo hilingnabigin mondok elo'lek mene, nebe hendawi nen yi'nogo hilingnafu mondok welagen andi, neisena i Yordan aik eliba nen yi mene ti mene wanhi'lek, we, sige tomuk enek waluk wagagi meneat he, yogondak nambotkwe lageluk, esa pire logalogo woginarek laga lagi yi, neisena.

KEJADIAN 32:11

An noe Esau waga logolik, nit ap mondogat ninoati logolik, hemi yenggerugwi ninomat ninoasugun andi nen, an nailo hokho ari'logo andi nen, Haren telninabinogeluk nelagaik naneba kino yagaheti o, neisena.

2 SAMUEL 23:5

”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o.

2 SAMUEL 7:17

A'nogo yagatikhemo, at Natan nen wene Allah nen yagatikhe mene andi mondogat at Daud yagasi lagaikhe.

1 TAWARIKH 17:16

A'nogo yagasi lagaikhemo re, at raja Daud a'nogo Tuhan Awi tenda sale'ma omanogo kwi lagaikhesik ebe hurek logolik he, samban yi'nogo isikhe, ”Tuhan Allah neisena, an inom, an neisok erokwe mene inom, haren fano mene nit ninoba hilingninobagakhi lagen mene andoma re hela elo'lek kwelek oba nen hilingninobagakhi lagen o, neisena.

1 TAWARIKH 29:14

An nen inom an nagainafuri holhu mene yi inomen he ninangge nit ninoba mene yi mene ti mene Hat hoba wokhesu lek mene o, neisena, andi re yingge tingge andoma mondogat he we Haren enek wo'nisegen mene hilingi'mo re we Hat hangge mene andi niren oak waganogo wokheto o, neisena.

MAZMUR 8:4

O pogot Haren walhogo fesigin mene ari inom, tugi hesagal Haren elalogo fesigin mene oma inom, an nen neilenggen kumuti logolik he,

KELUARAN 3:11

A'nogo ayonggo fesikhe meneat he, at Musa nen he, mel yagatikhe: ”An nebe sa nogo? An nebe elo'lek mene welagi yi re, ap kain Mesir mene a'nogo oba lambik, afuni Israel mene higit o Mesir en woginarek wulibi wesuageluk yaganeten a? Elo'lego,” iluk yagatikhe.

YESAYA 37:14

Ma re Hizkia nen lisu palek a'nogo wanhikhesik kumutikhe. Kumutikhesik he aren o Tuhan Awi wuri'mo lagaikhesik lisu palek a'nogo Tuhan elokhoma aremnogo funggulogo fesikhe,

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

HAKIM–HAKIM 6:15

A'nogo yagatikhemo at Gideon nen onggo ikhi logolik, ”Tuhan neisena, nenahalok an laknobagaigeluk ikhi lagen? Afuni Midian mene nen nit Israel mene sebelninarek were'ma, an nen telinabumo eloga? Nit ninunggulenu Manasye mene afuni fenakwe re inomame endep werek oba nen he, inunggulenu akhogo mene an nunggulenu mene re ninomame mondok lek. Nen, an nunggulenu mene andi fenakwe higitsek oba nen an enek he mondok elo'lek mene welagi o, neisena,” iluk yagatikhe.

RUT 2:10

A'nogo yagatikhemo, at Rut esanggo holhikhesik he, eindep awi yagaisogo Boas awe a'ma wagaikhesik hai wati logolik mel yagatikhe: ”An nebe pok meneat he, haren an hendawitnafik, heilenggen wo'nafik ikhi logogin andi ninggi'nogo nen,” iluk yagatikhe.

1 SAMUEL 15:17

A'nogo yagatikhemo, at Samuel en he, ”Hat honggwarek hendawimo nen he, An elo'lek iluk anggugu kwelek meneat he, afuni Israel mene inunggulenu lombok inoe kain raja logoinogen iluk nineisena Tuhan nen wenagaisogo hobagasikhemo, it inoe hilinglagendik ferinarek welagen lek nogo a?

1 SAMUEL 18:18

A'nogo yagatikhemo, Daud en he, mel yagatikhe: ”An nen hat ha'logo wanimbik, nebe noe kain raja neamal asigin andi, an hamingmingengge yi nebe inom, neisena hagarinafuri ekhe inom, it afuni Israel mene inanggele'ma welagorek andi, ninebe esin mene anggegen a? Elo'lego,” iluk yagatikhe.

1 SAMUEL 9:21

A'nogo yagatikhemo, at Saul en he, ”Noe. An yi re nunggulenu Benyamin mene, it Israel meneba inunggulenu werek mene omanogo nen an enek he nunggulenu endep mene, nen an neisok erokwe mene ogore nit ninunggulenu andiba nen he mondok elo'lek mene. Ariginik oba nen he nenahalok neisena haren an noba a'nogo yaganeti lagen?” iluk yagatikhe.