2 SAMUEL 7:14 - Allah Wene Fano Wene Hupla Inane

¹⁴ At andi eisenare anat hilinglagik, nen athe an namlogo hilinglagik, ugun o. Halok he, at weak ekhe hilingite halok, ineisugwi nen inagainafuri inelu asuageluk wene inoba fagarek a'nogo hak, An nen at oba wene fikhi logogin.

2 SAMUEL 7:14 ပူးပေါင်းရင်းမြစ်များ

1RAJA-RAJA 11:34

Aren a'nogo hilingitu kwelek meneat he, An namingmingengge Daud ebe wenagaisogo fesigisik, An nen, yi'nogo hilingiti logoino, ti'nogo hilingiti logoino, iluk yagatigi mene, aren nane hologo hilingiti lagaikhe mene a'nogo alisikhogo re, at Salomo nen ferinarek werek mene andi enggimo nen telogo wanhi'lek, ebe eluk logolik ferinarek logouwageluk herakfoumo ferinarek logouwago.

1RAJA-RAJA 9:6

A'nogo meneat he, hat hebe nen inom, haren tagomangge mene nen inom, An nebe hinambotma nobagaluk, An nen yi'nogo ti'nogo hilingiti logoino, iluk komothinafigi mene andi nane hologo hilingiti'lek herakfisaluk hunogo mene ekhe fogerati logogun halok,

1 TAWARIKH 17:13

An nen at eisena asiginmo re, at he, An namlogo asigin. An nen at oba fano aple nek hilingfikhi logogin. An nen at oba abok wene wareti mene andi re fisogo mondok logogin, nen hat raja menlasuageluk An nen at Saul a'nogo at hurek logolik halinaferek oba a'nogo nen higilogo pelafigi andi hakhogo hilingisigin mondok lek.

1 TAWARIKH 22:10

Hat hamlogo andi nenat o An nawi andi wusigin. At ebere An namlogo asigin, An at eisena asigin, At ebe raja hurek logolik melalinafi logogin mene kerajaan andi re at ambisangma nen tagomangge meneba mondok-mondogat logogin, iluk yaganete,” iluk yagatikhe.

1 TAWARIKH 28:6

Tuhan nen an noba ikhi logolik he, yi'nogo yaganete, hat hamlogo Salomo andi nen o An nawi andi wu'nesigin o. Nen at ebere An namlogo asuageluk wenati, nen An he at eisena asigin.

AYUB 5:17

Allah nen he, inendawimo weak asuagaluk hilinginaferesik, hobuk inendawimo fanot fisigik, yei inoateresigen hobuk inoba lombugeratik, ikherek andi nen he, Aren wenakhetik, komothafik, ikhe halok he, hendawimo nen, nabire, iluk anggigi'lek hagaiyek hugu mondok logoino o.

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

YEREMIA 30:11

An wesimbik hit hinagap telogo hinobagagin. Ap inunggulenu An nen hit telfol hisasigikwe mene andoma re An nen mondogat leget fisagain, oba nen hit he a'nogo hilinghinabigin lek. Eberogo nen hit he unggum andiba nen ekhe fulelugun lego, oba nen he An nen hit hinoba unggum wokhisagain mene andi re higithogo nek werek higithogo hinoba fagain. Iluk An Tuhan nen nane mondogat igi o,” ikhe.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

1 KORINTUS 11:32

A'nogo meneat he, at Allah nen he, ”It andi afuni endakwe mene inom lambukhogo wene inoba fuluk weagerinabugun andi elo'lego,” iluk, aren ninobabut palogo nen, komotninafarek.

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

ULANGAN 8:5

At hineisena Tuhan Allah nen he, yenggerugwi inesugwi nen yei warogo komorinafarek andi hak hilinghinabik waga andi hinendawimo ebe'ni o.

IBRANI 1:5

Allah nen at yagati logolik, ”Hat An namlogo o. Hebe yogondak takhafi,” iluk, yagatikhe andi hak, it malaikat mene ekhe wene a'nogo yagaisasikhe nogo? Lego. Nen ekhe re, ”An he, at eisena asigin. Nen, athe, an namlogo asuak,” iluk it malaikat ekhe yagaisasikhe nogo? Legaro.

WAHYU 21:7

At sa nen omame asigin mene halok, wene mondogat igi mene andi at eisewerek logogin o. A'nogo eisewerek logolik, an Allah at eisena endawinggen noba himbirik mene logogin, nen at an namlogoat logogin o.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.