2 SAMUEL 7:12 - Allah Wene Fano Wene Hupla Inane

^12-13 A'nogo hilingiti logombigen, hobuk hat hebe wa'lasumo, hebe warek hombalak salinafukwaba salhafunem he, hobulu'mo, hat hamlogo mene ekhe menfagain o. A'nogo menfoumo, aren enek he An nawi wusigin o. Nen, aren melalinafi logogin oba kerajaan andoma An nen mondok-mondok abolok leget foumo hambuksek logogin. Nen at ambisangma mene ekhe nen raja mendek logolik melalinafi logogin.

2 SAMUEL 7:12 ပူးပေါင်းရင်းမြစ်များ

KEJADIAN 15:4

A'nogo yagatikhemo nen, Tuhan nen Abram mel yagatikhe: ”Hat halolegengge andi re, hamingmingengge andi nen helagain lego. We, hat honggwarek hamlogo nen helagain o,” iluk yagatunem esanggo holhikhe.

2 SAMUEL 22:51

At Allah nen raja Aren unggul sebelogo menfikhe mene ebikhit agasik omame hokho mene wogetemo alonget fikhe. Aren he ap Aren menfikhe mene, Daud inom at eisok erokwe mene inom, a'nogo endawi hundik hilinginafu mondok logogin,” iluk wuni wati lagaikhe.

1RAJA-RAJA 1:21

Mene re, haren, At ti hak inoe raja asuak, iluk weak-weak igi'le'ma hebe wa'lasigin halok, an inom, hamlogo Salomo inom, afuni nen weak hilingitunem wene inoba fuluk hilinginafarek andi hak, hilingninabugun o,” iluk yagatikhe.

1RAJA-RAJA 1:48

A'nogo fogerati logolik, samban mel ikhe: Neisena Tuhan Allah nit afuni Israel mene nen fogethaforek mene neisena. Yogondak an namlogo ekhe nobuali'mo enupogot logouwageluk menfegen o, neisena. Menfegenma nebe neluk logolik neilenggen higi andi nen, fogethafi lagi o, neisena, iluk ikhe,” iluk yagatikhe.

1RAJA-RAJA 2:1

At Daud ebe horogat wa'lasigiluk logolik, amlogo Salomo woletikhemo wagaikhemo re, at hobuk hilingiti logogin mene komorogo nginuk ane mel yagatikhe:

1RAJA-RAJA 2:10

A'nogo yagatikhesik, at Daud ebe eisenalak inoba lagaikhemo, ebe warek onggwarek aiba kota andomaat salhukwa.

1RAJA-RAJA 2:4

Andi nen he, Allah nen an yaganeti logolik, haren tagomangge mene inobabut inendawinggen misigat a'luk, an nen, yi'nogo hilingiti logoino, iluk isigi mene nane hologo higithogo hilingiti logogun halok, afuni Israel mene inogogwi inenupogot ap ekhe mene hilinglagi'lek, it mondok logolik, iren ferinarek mondok logogun, iluk An nen wene watheti mene andi ebe tiphogo hilingisigin o, iluk wene wa'netikhe mene andi ebe asigin o.

1RAJA-RAJA 5:5

Tuhan nen an neisena Daud oba yagati logolik he, An nen hat hobali'mo hamlogo raja logouwageluk menfoumo aren An nobaget hilingiti logogun oba Nawi ekhe wusigin iluk, abok wene warete andi nen he, noe an Salomo nen o wusigin nen iluk, hilingiti lagi o.

1RAJA-RAJA 8:15

Yagati logolik, mel isikhe: ”Neisena. Haren attagat an neisena Daud wene wareti logolik he, An nen nagainafuri Israel mene o Mesir en woginarek wagagi huli nen he, it inawi kota lombok An faget hilingiti logogun oba Nawi wusuagaluk obuluk wenagaisogo figi mondok lego, meneat he, hat Daud en nagainafuri Israel mene ferinarek logoinogoluk wenagaisogo hobagagi o, iluk wene waretigin mene andi ebe tiphogo hilinglari'lago andi nen he fogethafi lago o, neisena,” iluk yagatikhe.

1RAJA-RAJA 8:19

Oba nen he haren wusigin lego. We hat hamlogo tasigin mene nen An nawi andi wusigin o, iluk wene waretikhe.

1RAJA-RAJA 8:20

A'nogo wene waretikhe mene andi yogondak ebe tiphogo hilingite andi. Yogondak an nebe neisena obali'mo raja menagarik, nit afuni Israel mene nineisena Tuhan Allah faget hilingiti logogin oba awi arat wuti andi.

1RAJA-RAJA 9:5

An nen heisena Daud wene wareti logolik he, haren tagomangge mene hombalak inebe ta'larik laga logolik, ekhe inenupogot a'luk, afuni Israel mene ferinarek logogin, iluk wene waretigi mene andi sugi agi'lek, ebe tip ilik laga logouwageluk he, An nenat hilingiti logogin o.

2 RAJA-RAJA 8:19

Oba nen he Tuhan nen amingmingengge Daud wene wareti logolik ”Hat hambisangmangge mene re raja menlagu mondok logogun,” iluk yagatikhesik a'luk he At Tuhan nen afuni Yehuda mene leget fisigi'lek welagaikhe.

1 TAWARIKH 17:11

Hobugen ambi hat wa'laguba asi wesigin, nen hat hebe hit inombawi salinafi lagaukwaba andoma salhobagaumo re, An nen hat hagainafuri mene ap misik ekhe raja logouwageluk menfagain. A'nogo menfoumo at andi nen enek he o An nobaget wut nobagagin o. Nen, at ebe raja logolik melalinafi logogin oba kerajaan andi re An nen omamet fikhi logogin, nen mondok-mondok andoma re at ambisangma mene nen melalinafu mondok logogun.

2 TAWARIKH 1:9

Ma re, yogondak he neisena Tuhan Allah, Haren an afuni inunggulenu hokho mene mondok wenasu elo'lek mene ari faget raja logouwageluk menogo nobagegen andi re, Haren an neisenaba wene waretigin mene a'nogo tiphogo hilingnobagain o.

2 TAWARIKH 13:5

It afuni Israel mene ineisena Tuhan Allah a'nogo nen he Daud inom wene wati logolik he, Hat hambisangma mene nen it afuni Israel mene yi hundik-handik andoma mondok-mondok melalinafu logogun o, iluk yagatikhe, enggere wene andi re mondok taganet fogoin he elo'lek mene hilingi'mo re, hirogo hinelurogo o.

2 TAWARIKH 21:7

oba nen he, At Tuhan nen Daud wene wareti logolik, ”Hat hambisangma mene nen he mondok-mondok andoma afuni Israel mene melalinafi logolik enek logogun o,” iluk wene waretikhe a'nogo nen he, At Tuhan nen raja a'nogo weaget figi'lek welagaikhe.

2 TAWARIKH 23:3

It a'nogo wagaukwasik he o Tuhan Awi wuri'mo omanogo kabogetukwasik, at Yoyada nen it fenakwe omanogo inoba yagaisikhi logolik he,” Tuhan nen hun Daud oba wene wareti logolik, Hat hambisangma mene re, mondok-mondok andoma raja logolik melalinafi logogun,” iluk wene waretikhe hilingi'mo re, hun raja Ahazia wa'laga mene a'nogo amlogo Yoas ebe yiat menfogoin o. Nen yogondak yaat hat hebe hurek oba takhta ariba hu'lasi lagain o, iluk hun raja amlogo Yoas a'nogo inom wene isukwa.

2 TAWARIKH 6:15

Haren an neisena Daud oba wene waretigin mene a'nogo mondogat tibet fegenma, an nen yogondak hilingiti mene yi ogore Haren wene waretigin mene andi higithogoat hilingiti o.

2 TAWARIKH 6:9

Oba nen he O An nobaget wusugun mene andi re haren he fuk, at he hat hamlogo nen wu'nabigin o,” iluk yagatikhe.

MAZMUR 89:29

An nen he, at oba nendawi hundik mondok logogin. Wene waretigi mene andi taganet lasigin mondok lek.

YESAYA 11:10

Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

YEREMIA 33:17

An Tuhan nen wene wati lagi yi re, ap Daud ambisangma nen tagomangge mene nen afuni Israel mene inobaget raja menlagu mondok logogun.

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

MATIUS 1:1

At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.

LUKAS 1:32

Nen, omalik andi alue asimbik kain agunem he, afuni nen he, Tuhan Allah kain welagarek a'nogo amlogo higi o, iluk ikhi logogun. At omba Daud andi enupogot logolik, afuni aren ferinarek welagaikhe a'nogo obali'mo re, nineisena Tuhan nen, at andiat menfagain o.

LUKAS 24:27

A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.

KISAH PARA RASUL 13:36

At Daud andi re, agaila'lak ambine ta'lagaukwa mene inom logolik, Allah nen, yi'nogo hilingisuak, iluk endawimo anggasikhe higithogo hilingiti lagaikhesigen, ebe wa'lagaikhe andi. Wa'lagaikhemo re, ombalak warek salinafukwaba inoba loukhogo salhukwama re, fili agaikhesik, lek agaikhe andi.

KISAH PARA RASUL 2:30

At Daud ebe Allah ane yagaisikhi lagaikhe mene andi nen he, Allah nen hombuk palogo wene mel iluk waretikhe mene eluat welagaikhe: Hat kain welagendek andi hak logouwageluk, ap haren tagongge mene ekhe hobali'mo menfagain o, iluk wene waretikhe.

1 KORINTUS 15:51

Meneat he, wene Allah endawimo mene yi yagahisak. Nit ninebe mondogat wa'lasugun lek meneat he, ninebe lombok hunogoat hilingninabigin o, iluk eberogoat yagahisigi.

ULANGAN 31:16

A'nogo menlagaikhesik, Musa ba yi'nogo yagatikhe: ”Hat hebe horogat wa'lasigin o. Wa'lagunem he, afuni inunggulenu Israel mene nen he, An obokhogo heraknobagambik, An nen wene warogo woginafigimo, iren he, nit hagainafuri logogun, iluk isukwa mene andi, herakfisaluk he, inenggi ekhe inom welagi'lek, o it sebeli kugun oba andoma logolik, it afuni andoma mene nen amu mene faget, Nineisena ebe andiat, iluk fogeratarek mene andi fogerati logouwogeluk, An obokhogo heraknobagaluk wulibugun o.

1 TESALONIKA 4:14

At Yesus ebe wa'lagaikhesigen eluk agaikhe andi eberogoat iluk futfikhi lago. Andi nen, afuni at inom hundik logolik wa'lari'lagwi mene hobuk Allah nen inelugerinabimbik, Yesus inom mondok logouwageluk eberogoat woginabigin iluk futfikhi logouwagaro.