2 SAMUEL 6:20 - Allah Wene Fano Wene Hupla Inane

²⁰ A'nogo lagaukwama, at Daud againafuri hai warinabigiluk aiba istana lageluk lagunemen he, at he Mikhal wulibi wagaikhe hak emberek ambi agaukwasik mel yagatikhe: ”O yogondak yire, ibi-eberogo nen afuni Israel mene inoe raja it afuni nen agaukhogo fogetnabuageluk hilingite andi ri! Afuni kembu mene nen inenggali lek inasu nonggologo lakfisaluk hilingitarek hak, at raja kursng bsrik mene agoromi at aiba onggwarek ebe werek oba halharek mene inamingmingengge helime mene omanogo ineilhanem asu nonggologo lakfisikhesik enggali lek hilingirik waga andi ri!” iluk lagokhogo wenagetikhe.

2 SAMUEL 6:20 ပူးပေါင်းရင်းမြစ်များ

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

2 SAMUEL 6:14

A'nogo noletikhesik wagaikhesik he, at Daud su linen horok mene obakhe hele pukhogo homakfesikhesik, wuni eisena Tuhan fogararik agaiyekhogo warik wagaikhe.

2 SAMUEL 6:16

A'nogo waga lagaukwasik, peti a'nogo waluk kota kwi wagunem he, at he Mikhal ebe kwe jendela ambe palekwe nen eilenggen wulakha wagaikhe hak he, at kain Daud eisena Tuhan fogerarik waga logolik wuni figil-fogoil hilik, lagik, wagik, warik wagunem he Mikhal a'nogo nen he Daud eilenggen asik-sikhogo yethasikhe.

2 SAMUEL 6:18

A'nogo noletikhesik aren, nineisena Tuhan Omame Mondok Hokho mene a'nogo enuba afuni Israel mene mondogat fanot fisasikhe.

2 SAMUEL 6:19

A'nogo hilingitikhesik, afuni andoma welagaukwa mene inebe mondogat ap lek hemi lek inebe lombok wam kurik endu enggen oba werago mene inom, sumburu roti mene abirengge ekhe inom, kue anggur enggen mene inom, misi'mo sebethigik wogisilik lagaikhe. A'nogo sumburogo wogisasikhemo inailokwe lombok helaluk lagaukwa.

1 TAWARIKH 16:43

A'nogo hilingitukwasik it afuni omanogo mondogat inawi lombok pugulhu kwelek, at Daud ogore, againafuri ninggi'nogo were'ma isagain iluk, aiba lagaikheat.

AYUB 30:8

It he afuni nen it inonggwarek inaiba nen mugusogo wulakfisasukwa mene hilingi'mo re, inenu legengge inebe weak-peakhogo welagaukwa.

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MAZMUR 30:1

Allah Awi wurik horogo kwe huti logolik wuni watu mene.

PENGKHOTBAH 7:17

Hina'mage hokhorogo lagagik, hinafe morue agik ugubo. Wa'lasugun oba oan asi wagi'lek werek kwelek, hinebe tak wa'lasugun andi re ninggi'nogoluk nogo?

MARKUS 14:66

A'nogo hilingitu kwelek he, at Petrus olilu honggole'ma were'ma, ap Allah eisewerek mene inoe kain a'nogo amingmingengge helenggerek mene ekhe wagaikhe.

MARKUS 3:21

A'nogo hilinglagaikhemo, afuni ekhe nen he, ”At endawinggen samban etesik werego,” ugunem, it Yesus agaisalak inom, agoromi inom inesanggo holfuluk, at ebe wanuogeluk wagaukwa.

YOHANES 13:6

A'nogo hilingirik laga lagaikhesik, huli at Simon ekhe enu Petrus a'nogo oba asi wagunem he, aren he, mel yagatikhe: ”Noe, hat Henupogoren an neisok ebene sobaligin? Elo'lego,” iluk yagati lagaikhemo,

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

HAKIM–HAKIM 9:4

A'nogo isukwasik, uang perak mene 70 nen tugwi kembu enu Baal-Perit faget fogeratarek awi andi nen wanhukwasik, at Abimelekh wogetukwa. A'nogo wogetukwama, at Abimelekh en ap ekhe inobabut weak mene at werekwe asuagaluk onggo wogisasikhe.

1 SAMUEL 14:49

At Saul againafuri ap inenu re, Yonatan inom, Yiswi inom, Malkisua inom, andem. Nen, a'logomi manggusa mene enu re, Merab, nen ombo'ne mene enu re, Mikhal.

1 SAMUEL 18:20

A'nogo wogetikhemo, at Saul a'logo ekhe enu Mikhal endawinggen Daud oba himbiret fesikhe. Ariginhikhemo afuni nen he, ”Mikhal endawinggen Daud oba tibet fikhesik werego,” iluk isukwama Saul esanggo holhikhesik he, ”Fano aro,” iluk isikhe.