2 SAMUEL 6:15 - Allah Wene Fano Wene Hupla Inane

¹⁵ At Daud ebe inom, afuni Israel mene mondogat inom, nineisena Tuhan nen Peti Wene Warogo wo'ninafikhe iluk hilingik mene a'nogo waluk o Yerusalem waga logolik, inane a'mit suphogo wuni watik, pinggong ineleage futhugunem ane hokho ikherek mene anethigik, ilik wagaukwa.

2 SAMUEL 6:15 ပူးပေါင်းရင်းမြစ်များ

2 SAMUEL 6:14

A'nogo noletikhesik wagaikhesik he, at Daud su linen horok mene obakhe hele pukhogo homakfesikhesik, wuni eisena Tuhan fogararik agaiyekhogo warik wagaikhe.

2 SAMUEL 6:16

A'nogo waga lagaukwasik, peti a'nogo waluk kota kwi wagunem he, at he Mikhal ebe kwe jendela ambe palekwe nen eilenggen wulakha wagaikhe hak he, at kain Daud eisena Tuhan fogerarik waga logolik wuni figil-fogoil hilik, lagik, wagik, warik wagunem he Mikhal a'nogo nen he Daud eilenggen asik-sikhogo yethasikhe.

1 TAWARIKH 15:16

At Daud en it Lewi inap inogogwi melalinafu mene omanogo inoba yagaisikhi logolik he, ap it inunggulenu mene fena nen wuni wulak fuluk, inagaiyek oba pinggong kecapi inom, simbal inom, warik wesuageluk yagaisasikheat.

1 TAWARIKH 15:25

A'nogo mondogat fougetukwasik he at raja Daud inom, it Israel inap inogogwi kaindek mene omanogo inom, it sikhe fisogo mene inogogwi perwira omanogo inom, Peti Wene warek a'nogo obaget hokho aple hilingiti logolik hambogosugun iluk hun Obed-Edom aiba a'nogo lagaukwa.

1 TAWARIKH 15:28

It afuni Israel mene inebe mondogat ogore Peti Wene warek a'nogo pia'luk o Yerusalem fei wagunem andi re inagaiyegen a'mit suphogo re trompet a'nogo futik, nafri watik, simbal pirenet engge tololang etik, kecapi kong etik, hilingirik wagalagaukwa.

MAZMUR 132:18

Nen o kerajaan aren melalinafi logogin oba andoma re mondok fanorogo nek logogun. A'nogo meneat he, at inom weak mene re, inenggali warogo fikhi logogin,” iluk Harenat isigin andi iluk wuni watukwa.

MAZMUR 149:5

It Allah againafuri nen he At ebe legeisogo fikhi logolik fogerati logouwak, nen hup inukhogo andoma re inagaiyek oba nek hilingiti logouwak.

MAZMUR 150:3

Pinggong hokho mene anet hikhi logolik, At Allah fogerati logouwok. Gitar hokho meneba inom, mage meneba inom anethaluk, Arenek fogerati logouwok.

MAZMUR 47:1

It ekhe nen wuni wati logouwagaluk, ap Korah werekwe mene nen wuni felalogo watukwa mene.

YEHEZKIEL 46:10

Ap enu werek mene ogore Tuhan awi wuri'mo kwi waga logolik, afuni inom seberogo kwi laluk, wilibuogeluk ogore ambine seberogoat wilifi logogun.

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.