2 SAMUEL 6:13 - Allah Wene Fano Wene Hupla Inane

¹³ A'nogo waluk waga logolik, it ap Peti a'nogo waluk, horogat ineisok 6 oba fei wagunem, at Daud en he, ”Hinebe andem kamo ini o,” iluk yagaisasikhesik kamo ugunem, aren Tuhan faget wam sapi ai mene ekhe inom, nen sapi eak otholik mene ekhe inom warogo noletikhe.

2 SAMUEL 6:13 ပူးပေါင်းရင်းမြစ်များ

1RAJA-RAJA 8:5

A'nogo waluk wagaukwama, at Salomo ebe inom, afuni Israel mene mondogat inom, Peti Wene Warogo Allah nen wo'ninafikhe iluk hilingik a'nogo elokhoma andogotukwasik, wam domba, sapi mondok hokhorogo inenggi wenasu elo'lek mene Tuhan faget warogo fisasukwa.

1 TAWARIKH 15:15

A'nogo hilingitukwasik he, iren Peti a'nogo hambogoluk waga logolik he, wene melalek At Tuhan nen Musa bene yagaisasikhe higithogo re, iren eba piarogo wa'luk wagaukwa.

1 TAWARIKH 15:2

A'nogo hilingitukwasik he at Daud en ikhi logolik he, ”It ap Lewi inap andi re Peti andi hambogotik, At obaget mondok-mondok yabu hilingitu welagaik, hilingiti logouwageluk Tuhan nen wenaginafe hilingi'mo re, hit he Peti Tuhan nen Wene warogo wo'ninafe mene andi hambogosi lobagaigo,” iluk yagaisasikhe.

2 TAWARIKH 5:6

A'nogo fei lagaukwama re, at raja Salomo inom it afuni Israel mene mondogat inom, peti Wene warek a'nogo elokhoma kaboget fesukwasik he, wam domba inom sapi inom mondok wenasu elo'lekhogo omanogo re Tuhan faget warogo noletukwa.

BILANGAN 4:15

Tuhan nen Musa inom Harun inom yagaisikhi logolik he, ”Hiren o sabu salek mene andoma meisalhu sambul andoma re, at Harun inom againafuri inom he An Nawi Wuri'mo a'nogo elonggoma kwi laluk, yi mene ti mene inom andoma nen yabu hilingitu mene omanogo inom, salfei kwikhi logogun. A'nogo hilingfilik lagunem enek he, it ap Kehat inap a'nogo nen hasuogeluk waga logogun. Oba nen he iren ekhe yi mene ti mene andoma ineilenggen nen higik, horokhogo asi lagik, inagaben senhigik ugun mondok lek, yi mene ti mene andoma re mondogat he An nobaget enogo were'manggere. Nen, iren a'nogo hilingisugun halok he it inebe wa'laga logogun. Andi arigini'mo re, it ap Kehat inap andi re it inunggulenu Lewi meneba nen wulibi lanogo re, at Harun inom at againafuri inom he iren waluk laga logogun engge omanogo inanggelekwe fisilik logoin. An Nawi Sabu andi hambokhogo fei laga logolik it Kehat inap ineabu hilingiti logogun mene re andi. At Eleazar hun Harun amlogo andi re, aren An Nawi Sabu andi faget inom, minyak lampu faget mene inom, amben engge nolhu mene inom, no gandum waluk hundik-hundik fikhi logogun mene faget inom, amusu yabu hilingiti logolik hilingitu mene faget inom, An Nawi Sabu elonggoma weregengge andoma mondogat inom faget eiserogo logolik halhi logogin,” iluk yagaisasikhe.

BILANGAN 7:9

Oba nen he, it ap Kehat mene nek he yi mene ti mene mondok horek mene eiserogo halharek mene omanogo inomoloba ha'luk laga lagaukwama re, Musa enggiba nen kereta ogo sapi ogo ekhe sumburogo wogisasikhe lek.

MATIUS 22:4

Wagi'lek kamo isukwama re, hobuk amingmingengge mene ekhe mel yagaisasikhe: Afuni inayonggo figi mene omanogo wesuagen he, woginabi lani o. Lambik he, ninoe nen mel ikhe ino: Wam sapi oe mene inom, wam fena hokhondek mene inom, mondok felelenghogo warogo arat isakfigirik, yi mene ti mene felelenghogo tegelogo figirik arat nogoin higit aga o. Halok he, wesuagen yagaisa lani, ikhemo wago, iluk lakfisasikhemo lagaukwa.

YOSUA 3:3

Laga logolik, afuni Israel mene mondogat wene mel yagaisasukwa: ”It ap imam-imam omanogo nen Peti Wene Warogo Tuhan Allah nen wo'ninafikhe iluk hilingik a'nogo waluk lagunem hineilenggen isegep halok he, hirogo re o su mene wuri'mo yoma herakfuluk Peti andi waluk lagunem inombo'neat lano.