2 SAMUEL 5:2 - Allah Wene Fano Wene Hupla Inane

² Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

2 SAMUEL 5:2 ပူးပေါင်းရင်းမြစ်များ

KEJADIAN 49:24

A'nogo meneat he, an Yakub neisena Allah omame hokho mene a'nogo werego. An Israel telnaferek mene kwelakharek werego. Andi nen he, hat Yusuf henggi omame mondok logolik, hasikhe omamerek logogin o.

2 SAMUEL 6:21

A'nogo yagatikhemo, at Daud en he, ”An nen hilingiti andi re At Tuhan hat heisena inom, at eisok erokwe mene inom, kofologo lakfisikhesik an wenagaisogo afuni Israel mene melalinafi logouwageluk men-nobagaikhe mene a'nogo legeisogo fikhi logolik hilingiti o. Arigini'mo re, an he neisena Tuhan faget fogerati logolik, wuni lagik-wagik watu mondok logogin o.

2 SAMUEL 7:7

An hit afuni hinunggulenu Israel mene ninom o yi awi ti awi nikhi logolik, hit hinogogwi An nen wenagaisogo menfisilik wagirek mene inoba ekhe, hiren An nawi e laik o Libanon meneba wurogo nobagagi'lek hilingiti lagep andi nenahalok, iluk inoba heinok ekhe wogisigirek mondok lego.

2 SAMUEL 7:8

Andi nen he, An Tuhan yi mene ti mene hilingisu hagenek mene a'nogo nen he, namingmingengge Daud yaga'nogen iluk yagahesigin mene yi, mel ikhe iluk yaga'no: Hat hanggo domba konhi logolik o leimo were'ma wokhafigisik, nagainafuri Israel mene inoe raja logoinogeluk menhobagasigi andi.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

1 TAWARIKH 11:2

O attak at Saul en nit fetninarek logolik melalninafunem aremnogo nenat, it Israel inap weim yabi logoin iluk hilingitunem he ninoe hun hokho harenat it sikhe fisogo inap omanogo woginarek kwikhi lagagin anggigi. Nen, andi nen At Tuhan nen wene watheti logolik ogore, ’Hat he An nagainafuri inobaget inoe raja logolik melalinafi logoinogen menhobagagin o,’ iluk abok yagahetikheat anggigi, iluk yagasi lagaukwa.

2 TAWARIKH 1:10

Andi halok he, an nen afuni yi melalinafi logogin mene faget an namolo mene neisena Haren nendawimo kagalek mene inom, wenggelek mene inom, wo'nom o. Nen a'nogo hilingnobagagin lek halok he, an nen afuni Hat hagainafuri hokhorogo yi re ninggi'nogo melalinafi logogin?” iluk yagatikhe.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

MIKHA 5:4

Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

BILANGAN 27:17

It weim yafi logolik, at andi it inoe kain kabelek mene hilinglasimbik logogin namolo nen yagaheti o. Hat hagainafuri yi, wam domba afuni konharek mene le'ma welagarek andi hak herakfisagun o, neisena,” iluk yagatikhe.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

1 SAMUEL 13:14

Meneat he, At nineisena Tuhan nen yagaheti'lek mene hilingiten andi nen he, hat hebe raja logolik afuni ferinarek logogin mondok lego. We At nineisena Tuhan endawimo nen he, ap hunogo mene ekhe an nagainafuri inoe raja logouwageluk anggikhe mene arat wenagaisogo fikhemo werego,” iluk yagatikhe.

1 SAMUEL 16:1

At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.

1 SAMUEL 18:13

A'nogo ailo agaikhesik, Daud ap tentara inebe 1.000 mene inoe logouwagaluk, o Saul aiba andoma herakfuluk ale'ma lakfesikhe. A'nogo lakfesikhemo, it ap Israel mene weim yabi louwogeluk he, at Daud en agoromi tentara omanogo woginarek laga lagaikhe.

1 SAMUEL 18:16

A'nogo meneat he, Daud en melalinafu were'ma re along aple it faget hilingiri'lago iluk he, it afuni Israel mene nen inom, Yehuda mene nen inom, Daud inendawi mondok welagaukwa.

1 SAMUEL 18:5

A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.

1 SAMUEL 25:28

Eige neisena, an hamingmingengge nen furogo hilingiti'lek mene andi faget ebeti'lek sagalogo legetfeino. Neisena haren At Tuhan faget weim yafi lagen ma re At Tuhan nen he neisena hat inom, haren tagomangge mene inom he, it afuni Israel mene inobaget inoe raja mendek logouwageluk hinobagakhi logogin, nen neisena hebe heluk logogin huli andoma kwanirek mene ekhe hat helokhoma ekhe hilinglasigin lego.

1 SAMUEL 25:30

At Tuhan nen yi'nogo ti'nogo hilinghobagagin iluk abok wene wathete higithogo fano mene neisena hat hoba hilingfikhi logogin, nen we eil misik wela'luk he neisena hat hebe it afuni Israel mene inobaget inoe raja logouwageluk menhobagagun o.

1 SAMUEL 9:16

”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.