2 SAMUEL 4:8 - Allah Wene Fano Wene Hupla Inane

⁸ Lagaukwasik he, iren hun Isyboset unggulpalek a'nogo Daud ambit o Hebron wogosi lagaukwasik iren yagati logolik he, yi'nogo isukwa, ”Yi re, hun Saul amlogo nineisena hat haselei mene Isyboset, nineisena hat hoasigeluk hundik-handik hilingiterek mene a'nogo. Yogondak yi sambul he At Tuhan nen nineisena hat hobaget, at Saul en inom, at eisok erokwe mene nen inom, hilingiti lagaukwa mene a'nogo faget onggo fikhe yi o,” iluk yagatukwa.

2 SAMUEL 4:8 ပူးပေါင်းရင်းမြစ်များ

2 SAMUEL 18:19

A'nogo hilingitukwasik, hobuk at Zadok amlogo Ahimaas en Yoab mel yagatikhe: ”An humusek ninoe raja Daud oba lambik, at aselei mene nen ebe wa'lep mene nineisena Tuhan nen telogo fikhe wene yi endawimo agaiyek asuagen he, yagasi lageluk yagaheti o,” iluk yagatikhe.

2 SAMUEL 18:31

A'nogo menlasi lagaikhesik werek kwelek, at Yoab amingmingengge mene a'nogo ebe arat lagaikhesik he, at raja mel yagatikhe: ”An wene fano mene noe yagahesigiluk wagi o. Ap hat hebe inabiren hoasuogoluk ili'lagwi mene omanogo nineisena Tuhan nen omame wokhetemo, inebe mondogat mabenetfisegendik arat homame agen o,” iluk yagatikhe.

2 SAMUEL 2:8

Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

2 SAMUEL 22:48

Arenat naselei mene inoba nen nalonget nobagaluk, afuni inunggulenu amu mene re an na'ma sebelogo fisa weri'lago.

MAZMUR 71:24

Afuni an weaget nobagauwogeluk hilingiri'lagwi mene omanogo mondogat inomame lek agaikhasik inenggali agama re, linggene inukhogo Haren katokhogo nek hilingiti lagen mene andi faget fagetu mondok logogin o.

MATIUS 2:20

”Yusuf. Helugame o. Menla'luk he, omalik tago ari agaisa emberek woginarek o ap Israel mene were'ma lan o. Omalik tago ari wasuogeluk ikhi lagaikha a'nogo re, ebe arat wa'laga o,” iluk yagatikhe.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,

1 SAMUEL 18:11

Saul endawimo nen he, ”Daud ebe sige yiba o hobat inom hun fagain,” iluk anggasikhesik he, at Saul arige a'nogo enggi pireba woukhogo lakfesikhe mene re Daud en fanorogo ogal fesikhe.

1 SAMUEL 19:1

At Saul en he, ”An Daud wasigiluk ikhi lagi,” iluk weim abok amlogo Yonatan inom, agoromi mondogat inom yagaisasikhe. A'nogo meneat he, Yonatan nen at Daud ebe endawinggen hundik mondok welagaikhe,

1 SAMUEL 19:15

A'nogo yagaisasikhemo, wagaukwa meneat he, at Saul en Daud ebe ineil tomok hoageluk hobuk lakfisikhi logolik, mel yagaisasikhe: ”An nen wasigen he, ebe waluk waga logolik, nogo ili'lago mene inom mondogat waluk we'no o,” iluk lakfisasikhe.

1 SAMUEL 20:1

A'nogo hilinglagaikhemo, at Daud o Rama era'lu horokhogo o Nayot andoma nen at Yonatan oba lagaikhesik mel yagatikhe: ”An nen weak ninggi'nogo mene hilingitimo. An nanini at oba ninggi'nogo mene figimo, Hat heisena oba weak ki mene hilingitimo noasigiluk ili'lago?” iluk heinok wokhasikhe.

1 SAMUEL 23:15

Ariginik oba nen he at Saul en Daud wasigin iluk hilingiti lagaikhe andi nen he at Daud ogo ailo welagaikheat. Inenggi ekhe sambul he at Daud a'nogo re o Hores Sif leimo andoma welagaikhe.

1 SAMUEL 24:4

Lagaukwasik he, at Saul a'nogo kwe esanggoma wam domba awi ekhe miren hakhogo wuri'mo andoma asi lagaikhe. Lagaikhesik he andem oumo ekhe were'ma at Saul a'nogo amisema andoma kwigin iluk kwi lagaikhe. Nen ebe asuak he, at Daud agoromi inom omanogo re oumo andi elema a'lima hinago were'ma, Saul a'nogo kwi lagaikhe.

1 SAMUEL 25:29

Nen, ap ekhe nen neisena hebe hoasugun iluk mukhiugu halok he, neisena hat hebe At Tuhan Allah nen afuni nen inangge onggo hokho mene foukhogo fetaluk welagaikharek a'nogo hak hili waganogo fetharek logogin o. Oba nen he neisena haselei mene re At Tuhan nen yatma huk-hak isigik, it yei epayuk oba inoatarek mene nen yatma hugisigik ikhi logouwago.