2 SAMUEL 4:12 - Allah Wene Fano Wene Hupla Inane

¹² A'nogo isikhesik he at Daud en agoromi inoba yagaisikhi logolik, ”Hiren hun Rekhab inom Baana inom, andem inebe pinggi inoa'ni,” iluk yagaisasikhe. A'nogo yagaisasikhemo iren pinggi inoatukwama re it ap aremnogo inenggi ineisok inom lebekhogo re i mogo horokhogo andoma porogo fisasukwa. Oba nen he at Isyboset unggul palek a'nogo nek he waluk o kota andoma nen at Abner anggweang afuni salinafuba faget fesikheba omanogo salhukwa.

2 SAMUEL 4:12 ပူးပေါင်းရင်းမြစ်များ

2 SAMUEL 1:15

A'nogo yagatikhesik, at agot ekhe woletikhemo, wagaikhemo, mel yagatikhe: ”Ap alage yi ebe wasin o,” iluk yagatikhemo, pinggi watikhemo, ebe wa'lagaikhe.

2 SAMUEL 16:8

Haren at Saul en ferinarek welagaikhe mene andi telogo wanhigindik, ap Saul oe agot inebe mondok hokhorogo inoatigin andi nen, nineisena Tuhan nen afuni haren ferinarek welagen mene andi hamlogo Absalom en ferinarek logouwagaluk arat wogetemo o. Ma re, yogondak hat arat nongagen o. I'hii! Afuni inoare mene yi. Nongagen,” iluk wenagetikhe.

2 SAMUEL 2:8

Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

2 SAMUEL 21:9

It inebe a'nogo re afuni Gibeon mene inoba wogisasukwama re, inebe 7 nen aremnogo re Tuhan elokhoma hilingitunem omanogo seberogoat eba porogo fisasukwama wa'lagaukwa. Unggum wa'lagaikharek mene inoba fesukwa andi re ebe o e ilit sabelhu mene a'nogo wurep kobok iwagu kwelek, jelai omanogo palhu sambul hilingitukwa.

2 SAMUEL 3:32

Waluk lagaukwasik at Abner a'nogo o Hebron andoma salfesukwasik, at raja a'nogo againafuri holhu mene inom he kweang habulik ele'lagat oba a'nogo nen le yiyarogo agaukwa.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

MATIUS 7:2

Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.