2 SAMUEL 4:11 - Allah Wene Fano Wene Hupla Inane

¹¹ Oba nen, ap inobaharo mondok weak mene nen ap weak hilingiti'le'maat onggwarek ailoba nogogu kwelek ebe wata mene andi re an nen unggum engginhogo inoba fagain o! Yogondak he hiren ap watep mene andi faget unggulmo fikhi logolik he, hit hinebe o kweangma yoma nen leget hinobagaigiluk ikhi lagi!” iluk yagaisasikhe.

2 SAMUEL 4:11 ပူးပေါင်းရင်းမြစ်များ

KEJADIAN 4:11

Hat henggi nen hagot watunem amep kweisalogo kweangma pikhe mene nen kweang ya ninggemo re, hat kweang yaba logogin lego, iluk homan hobagakhi lagi. Kweang herarik o yatma andomaat lakhobagagin o.

KEJADIAN 6:13

Allah eilenggen a'nogo isikhi lagaikhe andi nen, Nuh mel yagatikhe: ”Afuni o yi awi ti awi inobabut it ekhe inebe inendawirinafi'lek mondok weak hilingiri'lagwi andi nen, afuni inebe inom, yi mene ti mene mondogat inom, kweang inom, mondok legetfisagain o.

2 SAMUEL 16:8

Haren at Saul en ferinarek welagaikhe mene andi telogo wanhigindik, ap Saul oe agot inebe mondok hokhorogo inoatigin andi nen, nineisena Tuhan nen afuni haren ferinarek welagen mene andi hamlogo Absalom en ferinarek logouwagaluk arat wogetemo o. Ma re, yogondak hat arat nongagen o. I'hii! Afuni inoare mene yi. Nongagen,” iluk wenagetikhe.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

2 SAMUEL 3:39

An yi raja Allah nen wenagaisogo mennobagaikhe mene welagi oba nen he, yogondak he, an nomame mondok lek agama welagi. He Zeruyah eagwi andoma re inobabut mondok kwanirek hilingi'mo re, an nen it halinabure elo'lek ari'logo. We At Tuhan nen enek it ap inanini weak mene andi iren hilingita mene ambisangma unggum inoba fouwago!” iluk isikhe.

1RAJA-RAJA 2:32

Hun Apner andi re it tentara Israel mene inoe kain perwira welagaikhe, nen Amasa re it tentara Yehuda mene inoe kain perwira welagaikhe. It inebe pirenet he weak ekhe hilingita lek. At Yoab andi re weak agun oba nen he it andem he mondok fani-fano inap oba nen it inoate. Ma re, an neisena onggot kwelek aren ap wate mene andi faget Tuhan nen arogo wene oba fouwago.

MAZMUR 109:15

It inaweak andoma At Tuhan nen he eberek mondok logouwak, it inobaget afuni kweangma yoma nen ekhe ebet isanogo.

MAZMUR 9:12

At Tuhan o Sion oba melalinafi logolik werek mene andi nek fogerati logouwak! Aren elalin hilingiterek mene andoma mondogat he, it afuni inunggulenu lombok welagaikharekwe andoma yagaisilik laga logouwak.

KELUARAN 21:12

”Ap ekhe nen ap amu mene yei wasumo wa'lagu halok he, ap wasigin mene a'nogo ebe pinggi wasugun.

KELUARAN 9:15

An nen ou hinoba lakfei we'lema, hat hebe inom, afuni yoma inebe mondogat inom felelenghogo wa'la'lebo.

AMSAL 2:22

Oba nen he ap ina'mageba hilingitarek mene inom, weak hilingitarek mene inom he, it inanggweang oba andoma nen, engga wusa yogolhi logolik hugisagarek andi higit, Allah nen hugisa wulibigin o.

AMSAL 25:26

Ap fano hilingitarek mene andi inomame lega'luk it weak hilingitarek mene inoba sebesugun halok he, i elesi ekhe pogole mondok eil sing meneba nen wiliferek mene inom, nen i mogo yenggele'ma eil weak andi inom emberek higit.

YEREMIA 10:11

(Yago hit Tuhan againafuri mene yi sani, hiren it yagaisikhi logolik kembu dewa pogot kweang walhasukwa lek mene andoma re mondogat legasugun o. It he o kweangma yoma nen mondok-mondok legasugun, iluk yagaisano.)

HABAKUK 1:12

Tuhan neisena. O eroba nen engge Hat he an neisena Allah at welagen o. Hat an neisena Allah hebe horek logolik hetok mondok welagen. Hat hebe re Tuhan, Allah at logolik, an ha'ma sebelnarek welagen. It inunggulenu Babel mene andi re, Harenat wenaginafendik he, it inomamet fisegenma nit wene ninoba fouwogeluk ili'lagwi andi.

HABAKUK 1:4

A'nogo hilingitu kwelek welagen andiba re, weak mene nek hilingiti logolik wene melalek sagalogo mabenet figik, higithogo hilingitarek awene faget omamerati'lek welagik, afuni tiphogo nek hilingitarek mene omanogo sebelogo fisikhi logolik he iren weak hilingitarek mene omanogo omameratu werek andi. A'nogo hilingiri'lagwi andiba re, fano higithogo hilingitarek awene a'nogo hebekhogo re weaget fili'lagwi o.

1 YOHANES 3:12

Niren he, at Kain ebe Iblis obabut weak mene andi amlogo agaikhesik onggwarek agot watikhe andi hak hilingisugun lego. Aren agot watikhe andi nenahalok watikhe nogo. At hilingiti lagaikhe mene weak mondok, nen, agot hilingiti lagaikhe mene fano mondok, andi nenat watikhe o.