2 SAMUEL 4:1 - Allah Wene Fano Wene Hupla Inane

^1-4 At Saul ambisangma nen tagongge mene nen amu mene ekhe re hun Yonatan amlogo Mefiboset a'nogo. At ebe re umur lima tahun werek kwelek, hun Saul inom Yonatan inom wa'lagaukwa huli aremnogo nen eisok holurek mene agaikhe. Erore, it Saul inom, Yonatan inom, wa'lagaukwa mene a'nogo faget warek abok waluk o kota Yizreel en wagaukwama, hele at Mefiboset ebe fisogo logolik halhi lagaikhe mene a'nogo nen enggimo magaisogo pukhogo waluk humusek lagunemen he omalik a'nogo tagaisogo pisikhemo eisok holutikhe andi. Nen, at hun Saul amlogo Isyboset en holhugunemen he Abner a'nogo o Hebron en wata ugunem holhikhesik he, at omame mondok lek agaikhesik oba mondok lebelek agaikhemo, it inunggulenu Israel mene mondogat ina'manggen lagaukwasik inailo nen hilingiti lagaukwa. At hun Isyboset andi re agoromi it pin kwagarek mene inogogwi lego perwira inebe pire mene, inenu re Baana inom Rekhab inom welagaukwa. Nen, it inebe re, hun Rimon againafuri o Beerot mene it inunggulenu Benyamin mene. (O Beerot andi re, it Benyamin nen meneba wenago welagaukwa. Nen, it afuni o andomaba attak femhogo welagaukwa menere o Kitaim andoma agaukwa huli nen yogondak huli inomat werek.)

2 SAMUEL 4:1 ပူးပေါင်းရင်းမြစ်များ

2 SAMUEL 17:2

A'nogo lambik, it seren inomame lek asimbik were'ma inoba wulifi logolik, youk la'lak laga logolik, agoromi inebe pugulogo wulakfisambik, it inoe raja Daud amunek he ebe pinggi wasigin o.

2 SAMUEL 2:8

Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

EZRA 4:4

A'nogo isukwama re it afuni o attagen engge andoma welagaukwa mene omanogo nen he o wusuogeluk isukwa mene a'nogo legasuageluk he it afuni Yahudi were'ma omanogo youk kwelabi wagik, inaberali kwelaginafik, hilingiti lagaukwa.

NEHEMIA 6:9

Onggo a'nogo lakfesigimo nen he iren nit yabu hilingiti lago mene andi hesanggema leisal fouwageluk he ninailoap kwelafi lagaukwa. A'nogo hilingitunem he an nen samban ikhi logolik he,” Neisena Allah nendawinggen hambuget nobagain o!” iluk samban isigi.

YESAYA 13:7

Ap inebe lombok he ninenggi omame lek agama iluk anggigik, nen it inailo lek hilingiti logogun mene a'nogo longgo igik, hilinglasugun.

YESAYA 35:3

Hineggi omame lek mene re hambuget hani, nen eisok leigeti lagep mene re wuriget feni.

YEREMIA 50:43

A'nogo wesigin iluk ugunem holhaluk he, raja Babel mene re at oak elekwe hololong ili'logo. At mondogat ailo nek agunem he, hemi ineagwi taginabuogeluk ouen heinet watarek hak hilingiri'lago.

YEREMIA 6:24

A'nogo ikhemo, it afuni Yerusalem welagaikharek mene inesanggo holhasik he, inoagelekwe mondok kilukhogo, inailo mondok agama re, hemi omalik taginabuogoluk heinet hokho watarek andi hak, aleik hokhorogo wati lagaikha.

ZEFANYA 3:16

Inenggi ekhe asi wesigin sambul he hobuk it afuni nen ikhi logolik, ”Yago, hit Yerusalem mene yi, hinendawimo youk uluk hinailosu fugo.