2 SAMUEL 3:3 - Allah Wene Fano Wene Hupla Inane

³ At amlogo ombo'ne pirenek mene re Kileab he Abigail hun Nabal agwe sogwe awi Karmel mene a'nogo nen tatikhe mene. Henaganek mene re Absalom he Maakha hun raja Talmai o Gezur mene a'nogo a'logo nen tatikhe mene.

2 SAMUEL 3:3 ပူးပေါင်းရင်းမြစ်များ

2 SAMUEL 13:1

Hun Daud amlogo abo Absalom a'nogo erei helengge enu re Tamar, nen, hele andi re at ebe agap oba eil alili mondok fano hilingik welagaikhe. A'nogo hilingi'mo re hun Daud amlogo ekhe enu Amnon agaisa amu mene nen tagongge a'nogo nen hele andiba endawinggen ninggi lagaikhe.

2 SAMUEL 14:23

A'nogo yagatikhesik he at Yoab a'nogo abo Absalom hondo'luk he Yerusalem wesigin iluk he o Gesur lagaikhe.

2 SAMUEL 14:24

Oba nen he raja a'nogo nen ikhi logolik he, at Absalom ebere o raja awi silimo istana ba omanogo logogin lek iluk isikhe. Nen, aren ikhi logolik he, ”At andi ebe an neilenggen hagain nabiro,” iluk isikhemo, at Absalom a'nogo re raja ambit lagi'lek aiba pikhirat lagaikhe.

2 SAMUEL 14:32

Ma re, at Absalom en onggo ikhi logolik he,” An nen he hat hebe raja oba lambik wene heinok wokhagain mene wenggelogo figirik, wolhafi mene re kamo egen andi nen o. Nen wene ebe yi'nogo heinok wanilen iluk, ’An he o Gesur herakfuluk yoma wagagi andi re ninggi'nogo faget nogo, we alomarogo omari? An nen he o andoma logou mene at he ninggi'nogoluk yoma wagagi nogo? Ikhe ino,’ iluk isigimo nen o,” iluk isikhesik at Absalom en ekhe inom ikhi logolik he,” An nebe at raja were'ma elokhoma hondo'narek lan o, nen aren ambi an nebe weak hilingite amlogo iluk anggugu halok he ebe pinggi noasugun andi fanoaro,” iluk yagatikhe.

2 SAMUEL 15:7

A'nogo hilingitu werek kwelek 4 tahun hilinglagaikhemo, at Absalom en raja Daud oba yi'nogo yagatikhe: ”An nebe o Siria andoma o enu Gesur logolik, nineisena Tuhan oba wene wareti logolik he, haren an yaganeti logolik, hambotkwe Yerusalem lan, iluk yaganeten halok, lambigen he, o Hebron lambik hat fogethafi logolik hat faget hilingisigin o, iluk wene waretigi andi nen he, ebe hilingisigiluk o Hebron lagalugen yagaheti o,” iluk yagatikhe.

2 SAMUEL 18:33

A'nogo yagatikhemo, at raja wene andi esanggo holhikhesik, endawimo mondok weak agaikhesik he o senggelek ambolkwe meneba kwe ambe palek a'nogo amboloba le arik lagasikhesik mel isikhe: ”Namlogo e. Absalom, namlogo e. Absalom namlogo e. Hat hobali'mo an wa'lasu mene, Absalom namlogo e, namlogo e,” iluk le agaikhe.

2 SAMUEL 2:2

A'nogo yagatikhemo, at Daud ebe inom, agagwi inebe pire, he Ahinoam o Yisreel mene inom, he Abigail, o Karmel mene ap Nabal agwe sogwe a'nogo inom, wagaukwa.

1RAJA-RAJA 2:15

Adonia nen onggo ikhi logolik he, ”An nebe raja menlasuageluk andi re nagaisa hat ogo helu o, nen andi faget he it afuni Israel mene nen ogo a'nogo a'lep anggili'lagwiat. Oba nen he yogondak aga mene andi re hebekhogo hilinglaga. Tuhan endawimo anggikhi logolik a'nogo hilinglasuak anggugunem a'luk he an nagot mene a'nogo raja menlaga andi.

1 TAWARIKH 3:1

At Daud amlogomi o Hebron nen ta'lagaukwa mene inebe ta'lagaukwa higit-higit he yi: Amnon – Agaisa enure he Ahinoam awi Yizreel mene a'nogo Daniel – Agaisa enure Abigail o Karmel mene a'nogo Absalom – Agaisa enure Maakha hun Talmai awi Gesur agun a'nogo a'logo. Adonia – Agaisa enu re Hagit. Sefaca – Agaisa enu re he Abital, nen Yitream – Agaisa enu re he Egla, andoma nen taginafukwa.

ULANGAN 3:14

Hun Yair it inunggulenu Manasye mene nen he, o Argob kwe andoma nen haningisogo o Basan kwe nen lambukhogo re o Gesur inom Maakha inom huli-hulimo andoma mondogat seberogo helasukwa. Helasukwasik o sili endephogo werek mene omanogo at onggwarek enubene nek salhukwa. A'nogo salfesukwa mene andoma o yogondak huli nen o sili andoma Yeir mene inawi sili iluk inelu welagaikharek.)

YOSUA 13:13

Oba nen he, it afuni o Gesur mene inom, Maakha inom he, it Israel mene nen mugusogo wulakfisasukwa lek, it inebe afuni Israel mene werek oba andoma inomat welagaikharek.

1 SAMUEL 25:42

A'nogo isikhesik he, at ebe weak-weak andoma fik-fouk etikhesik anggo keledai amboloba lagasikhesik at mene amingmingengge helime inebe fuaben mene eiso'marogo re ap hun Daud en lakfisasikhe mene omanogo inom wagaukwama re at he a'nogo hun Daud agwe agaikhe.

1 SAMUEL 27:8

Andem oba at Daud a'nogo logolik at agoromi inomen he, it afuni Gesur mene inom Girsi mene inom, Amalek inap inom, it inunggulenu andem inap he endamen engge o kweang andomaba were'ma inoasi laga lagaukwa. Aren he o kweang andoma mene inoba inoarik-inoarik he o Zur huli andoma nen he o Mesir huli yathogo andomaba fei lagaikhe.