2 SAMUEL 3:21 - Allah Wene Fano Wene Hupla Inane

²¹ A'nogo isaginafikhemo nasukwasik he at Abner a'nogo wulibi lageluk yi'nogo yagatikhe, ”An nen afuni Israel mene mondogat noe hat inom sebesuakhogo re yagaisilik lagain o. A'nogo sebesimbik he iren hat noe hebe raja mendek logoinogoluk wokhabik lagunem he, noe haren hendawimo anggikhi lagen mene o kweangma yoma halinafi logoinogen he, lan iluk yaganom o,” isikhemo, at Daud en Abner a'nogoba re, ”Hendawinggen serogo selekhogoat lan o,” luk yagatikhemo lagaikhe.

2 SAMUEL 3:21 ပူးပေါင်းရင်းမြစ်များ

2 SAMUEL 2:9

Andoma nen at Abner en he, Isyboset a'nogo o wilayah Gilead inom, Asyuri inom, Yizreel inom, Efraim inom, Benyamin inom andi nen it afuni Israel mene mondogat faget inom, inoe raja logouwageluk menfesukwa.

2 SAMUEL 3:12

A'nogo hilingitukwasik at Abner en Daud o Hebron were'ma ap inoba wene warogo lakfisikhi logolik he, yi'nogo warogo lakfesikhe, ”Kweang yi re sa nen sebelek logogin? Iluk he haren an noba wene wa'nesumo re an nen it inunggulenu Israel mene mondogat he hat noe hebikhit enek asi wesuageluk lebetheagain o! Iluk yagasi lani,” iluk lakfisasikhe.

2 SAMUEL 3:20

At Abner agoromi inebe 20 mene inom at Daud were'ma logoin iluk o Hebron lagaukwa. Lagaukwama, at Daud en it faget seni isatikhe.

2 SAMUEL 5:3

A'nogo yagatukwama, at Daud en he, afuni Israel mene inogogwi omanogo inom wene wat-wat isukwasik, iren at Daud it afuni Israel mene inoe raja logouwagaluk, menfesukwa.

1RAJA-RAJA 11:37

A'nogo herakfembik, hat Yerobeam hebe afuni Israel mene inoe raja hilinglasimbik, o yi awi ti awi mondogat ferinarek logogin anggagain kwe andoma higithogoat ferinarek logoinogoluk menhobagagin o.

MAZMUR 20:4

Haren At obaget yi mene ti mene wogeti lagen mene andoma faget ebethikhi logouwak, nen haren wam warogo nolengge noleti lagen mene andomaba agaiyek hikhi logouwak.

FILIPI 2:21

At a'nogo werek kwelek it afuni andi inebe mondogaren he, Yesus Kristus faget hilingiti'lek logolik, inonggwarek faget enek esinet fuluk herakhili'lagwi.