2 SAMUEL 3:18 - Allah Wene Fano Wene Hupla Inane

¹⁸ Yogo, yogondak he, fanorogo wenggel hano, Tuhan at Daud oba abok wene wareti logolik he, ’An nen Daud oba nen afuni Israel mene, afuni Filistin mene inenggimo nen inom, nen it aselei mene amu mene inenggimo nen inom inagap telinabigin o ikhe,’ aringni'more, yogondak hit faget iaple aga andi,” iluk yagaisasikhe.

2 SAMUEL 3:18 ပူးပေါင်းရင်းမြစ်များ

2 SAMUEL 3:9

An he at Daud ebikhit a'luk hilingiti logogin. Tuhan nen ogo at abok wene yagati logolik he, kerajaan arire Saul oba nen inom, at againafuri inoba nen inom waganogo re Daud afuni Israel mene inom, Yehuda mene inom faget raja logouwageluk menhobagagin, iluk yagahete hilingi'mo re. An nen At Allah nen Daud oba abok wene warete mene andi hilingisigin lek halok he we At Allah nenat an nebe noasuago!” iluk isikhe.

2 SAMUEL 8:6

A'nogo inoatikhesik at Daud en he agoromi sikhe fisogo mene at a'ma mene faget o sabu it afuni andoma inawi wilayah ba wurogo fisilik lagaikhe. A'nogo wutikhemo re iren at a'ma sebeluk logolik he onggo at oba fei laga lagaukwa. Tuhan nen at Daud ekhema-ekhema weim yabi lagunem he at aselei mene mabenet fisikhi lagaikhe.

1 SAMUEL 13:14

Meneat he, At nineisena Tuhan nen yagaheti'lek mene hilingiten andi nen he, hat hebe raja logolik afuni ferinarek logogin mondok lego. We At nineisena Tuhan endawimo nen he, ap hunogo mene ekhe an nagainafuri inoe raja logouwageluk anggikhe mene arat wenagaisogo fikhemo werego,” iluk yagatikhe.

1 SAMUEL 15:28

A'nogo tilibisikhemo re, at Samuel en Saul mel yagatikhe: ”O yogondak yiat, At nineisena Tuhan nen afuni inunggulenu Israel mene haren ferinarek welagen mene a'nogo nasu lit hegenma tilibikhe andi hak, lisogo wanhesik, hobuk ap ekhe hat hobabut weak andi hangge re lek, athe obabut mondok fano mene arat wogetemo o.

1 SAMUEL 16:1

At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.

1 SAMUEL 9:16

”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.