2 SAMUEL 3:13 - Allah Wene Fano Wene Hupla Inane

¹³ A'nogo lakfisasikhemo at Daud en onggo ikhi logolik he, ”Fano! Hilingi'mo re aren wene yi'nogo kino ikhe, iluk yaga'no, an nen hat ninom wene wasugun andi re nendawimo nen fano anggigimo re ebe yi'nogo hilingisugun. Hat an noba waga logolik he, hele Mikhal hun Saul a'logo andi re hondo'luk hat hinom we'no,” iluk lakfesikhe.

2 SAMUEL 3:13 ပူးပေါင်းရင်းမြစ်များ

KEJADIAN 43:3

Yagaisasikhemo at Yehuda a'nogo nen ikhi logolik, ”Gubernur o Mesir agun a'nogo nen ninghogo yaganisikhi logolik he, hiren hinagot hondo'luk wesugun lek halok he hit hinelokhe hisagain mondok lek, iluk yaganisikhe a'nogo nen,

KEJADIAN 44:23

Ninoe, haren yaganisikhi logolik hit hinagot andi waluk wesugun lek halok he, an nelokhoma arem weinam asi wesugun lek iluk yaganisasigin.

KEJADIAN 44:26

Niren ikhi logolik, Nit he ninagot ninom logoin halok enek he, andoma fano lagoin oba nen, ninagot ninom logoin lek halok he, at gubernur elokhoma weinam asi logoin mondok lek, iluk yagatugu.

2 SAMUEL 3:12

A'nogo hilingitukwasik at Abner en Daud o Hebron were'ma ap inoba wene warogo lakfisikhi logolik he, yi'nogo warogo lakfesikhe, ”Kweang yi re sa nen sebelek logogin? Iluk he haren an noba wene wa'nesumo re an nen it inunggulenu Israel mene mondogat he hat noe hebikhit enek asi wesuageluk lebetheagain o! Iluk yagasi lani,” iluk lakfisasikhe.

1 TAWARIKH 15:29

A'nogo hilingirik waga lagaukwasik he Peti a'nogo waluk o silimo kota a'nogo elonggoma kwi wagunem he, at Saul a'logo he Mikhal a'nogo o jendela hurik elekwe nen eilenggen yethasikhe re at raja Daud a'nogo agaiyegen he fogoil hilik waga lagaikhe. A'nogo hilingirik wagunem hasikhesik he at he Mikhal a'nogo nen he endawimo hebak afe agaikhe.