2 SAMUEL 3:1 - Allah Wene Fano Wene Hupla Inane

¹ It a'nogo asi lagaukwama nen he afuni it Saul ebikhit aga lagaukwa mene inom, Daud ebikhit aga lagaukwa mene inom, omanogo nen he weim a'nogo palfigi'legengge yafu mondok welagaukwa. At Daud fikhit mene a'nogo re inomame ekhe inomat hokho agunem he at aselei mene fikhit he maben aga lagaikhe.

2 SAMUEL 3:1 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

2 SAMUEL 2:17

Wene andi hilinglagaikhemo ombo'ne re, weim mondok elo'lekhogo yafukwasik he it Abner agoromi inom, Israel mene inagoromi tentara inom omanogo re at Daud agoromi tentara omanogo nen inomame leget fisasukwa.

2 SAMUEL 2:28

A'nogo isikhesik he, at Yoab en he afuni Israel mene muginarek lagu lek iluk enegengge trompet ane a'nogo futhasikhemo re, iren muginarek laga lagaukwa mene a'nogo pal fesukwa.

2 SAMUEL 22:44

Haren an afuni Hat hane sagalogo fuluk hilingiri'lagwi mene inoba nen fikhalogo wulak nobagagik, afuni inunggulenu hokhorogo inoe kain lego logouwageluk nobagagik ikhi lagen. Afuni inunggulenu amu mene an inonggot meneba nen ogore, an na'ma namingmingengge asi weri'lagwi.

2 SAMUEL 3:6

Weim it Daud ebikhit mene inom, Saul ebikhit mene inom omanogo re yafu mondok were'ma, at Abner en weim yafi lagaikhekwe a'nogo it Saul ebikhit mene a'nogoba inomame asuageluk hilingiti lagaikhe.

2 SAMUEL 5:10

Nen at Daud eisena Tuhan Allah Omame Mondok Hokho mene a'nogo nen elok lebethikhi lagaikhe andiba re, omame ekhe inomat hokho arik laga lagaikhe.

1RAJA-RAJA 14:30

At Rehabeam en melalinafu welagaikheba andoma re Rehabeam inom Yerobeam inom andem he inom weim yafu mondok welagaukwa.

1RAJA-RAJA 15:16

At raja Asa Yehudaba andoma melalinafu welagaikhe, nen raja Baesa re it Israel meneba melalinafu welagaikhe, it emberek pire andem raja were'ma re weim enek yafi lagaukwa.

1RAJA-RAJA 15:32

Raja Baesa o Israel meneba welagaikhe mene andi nen melalinafu welagaikhe oba re, hundik-hundik at Baesa inom raja Asa it Yehuda mene inobaget welagaikhe mene a'nogo inom weim yafu mondok welagaukwa.

1 TAWARIKH 11:9

At Tuhan Omame Hokho mene a'nogo nen lebet hugunem a'luk he Daud a'nogo ekhe inomat omame aga lagaikhe.

1 TAWARIKH 3:1

At Daud amlogomi o Hebron nen ta'lagaukwa mene inebe ta'lagaukwa higit-higit he yi: Amnon – Agaisa enure he Ahinoam awi Yizreel mene a'nogo Daniel – Agaisa enure Abigail o Karmel mene a'nogo Absalom – Agaisa enure Maakha hun Talmai awi Gesur agun a'nogo a'logo. Adonia – Agaisa enu re Hagit. Sefaca – Agaisa enu re he Abital, nen Yitream – Agaisa enu re he Egla, andoma nen taginafukwa.

ESTER 6:13

Lagaikhesik he aren agwe inom agaila'lak inom inoba re wene agaikhe mene omanogo mondogat tindelisasikhe. A'nogo tindelisasikhemo it at agwe inom nen agaila'lak inafe hebelek inap omanogo inomen ikhi logolik he, ”Hun Mordekhai andi re, Yahudi agun hilingik enggere haren at sebelogo fou lek hak, aren hat halong legaphogo hobagau hak. Nen eberogo nen he aren hat homame leget hobagau hak andi,” iluk yagatukwa.

ESTER 9:4

Afuni yi kwe ti kwe werek mene omanogo nen he hun Mordekhai andi re hun raja aiba andoma aren hilingiti lagaikhe mene faget enu laga lagaikhe agun. A'nogo hilingi'mo re at ebe ekhe inom amane arik mandok laga lagaikhe.

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

AYUB 8:7

Hat hangge yi mene ti mene mondogat lek agangge andoma re, hobuk helagain oba nen he inom higitsek lek we maben hak hilingik.

MAZMUR 18:43

Wul age palogo lagarek andi hak an nen mondogat alperelogo fisikhi lagi, nen fesi ebekhe kwe werek andi hak an nen sibil sebelhogo fisikhi lagi.

MAZMUR 46:9

At Tuhan nen elalin mene o kweangma yoma hilingiterek mene andi kwelakha we'ni!

MAZMUR 84:7

O Baka tonggwe iringik weakwe andoma laga logolik, iren i elesi wulifukwe yenggelhigik fouwogeluk hilingitunem, attak meiso oba heilarogo pelagisa wagunem inendawimo fanorinafi lagagin andi.

EFESUS 6:12

Nit weim hak yafi lago andi re, afuni mene ninom yafi lago fuk. Lego. Athe, kain mene, inane werek mene, o mum oba kweangma yoma ferinarek welagaikharek mene, munggwarengge inobabut weak mene pogoroba honggolek kweangma honggolek were'ma ninom yafi lago.

WAHYU 6:2

A'nogo ugunem, neilenggen yethigi hak he, ap ekhe sikhe waluk kware-kware ap inenupogot ikfisagarek mene unggul oba ikfagama, wam kuda esi mola kut mene amboroba hurek logolik, o sebeligeluk sebelik nugunem yethigi o.