2 SAMUEL 24:6 - Allah Wene Fano Wene Hupla Inane

⁶ andoma nen o Gilead kwi lagaukwasik he, o Kades it afuni Het mene inawi wilayah fikhit andoma lagaukwa. Andi nen it a'nogo o Dan fikhit lagaukwasik he andoma nen haningisogo re o Sidon mo ubuk ikherek fikhit andoma asi lagaukwa.

2 SAMUEL 24:6 ပူးပေါင်းရင်းမြစ်များ

KEJADIAN 10:15

Nen, at Kanaan nen taginafikhe mene re Sidon amlogo manggusa mene inom, Het inom taginafikhe.

KEJADIAN 31:21

Waga logolik, angge yi mene ti mene omanogo mondogat helasikhesik, we hili'lek-hale'lek age fagerogo wagaikhesik, i Efrat palogo o Gilead Tom ero fikhit andoma wagaikhe.

BILANGAN 32:1

It inunggulenu Ruben mene inom Gad mene inom he inanggo hokho-pokhorogo welagaikhe. Iren ineilenggen hasukwa re kweang o Yaezer inom Gilead inom omanogo re it inanggo konikhi logou oba obalik mondok fano hilingi'mo hasukwasik,

BILANGAN 32:39

It inunggulenu Makhir mene hun Manasye againafuri nen he, o Gilead kweangma andoma pin kwi lagaukwasik he sebelogo fuluk afuni Amori mene andoma werek mene mugusogo wulak fisasukwa.

YOSUA 11:8

Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.

YOSUA 19:28

o Ebron, Rehob, Hamon, Kana inomen he o Sidon soganhogo andoma huli.

YOSUA 19:47

Ap inunggulenu Dan mene andoma re wilayah it inoba nen fenakwe lek agaikhe. Andiba re it inebe o Lesem lagaukwasik o kota andi pin kwisukwa. Iren o andi telogo helikhi logolik he afuni o andi mene pinggi wathigik fisasukwa. A'nogo hilingitukwasik it inebe o kota andiba welagaukwa. A'nogo hilingitukwasik he it inebe andoma logolik o kota andi enu re Lesem oba nen he iren agaukhogo re kota Dan inambu enu bene salhukwa.

HAKIM–HAKIM 1:31

It inunggulenu Asyer mene nen he o kota Ako, Sidon, Ahlab, Akhzib, Helba, Afek inom, Rehob inom, ogore mugusogo wulak fisasukwa legat.