2 SAMUEL 24:3 - Allah Wene Fano Wene Hupla Inane

³ A'nogo yagatikheba nen he at Yoab en raja a'nogoba ikhi logolik he, ”Hat heisena Tuhan Allah andi nenat it afuni Israel mene inebe yogondak lambulogo werek mene andem he we endep hak werek kwelek, ekhe seratus nen hakhogo oba loukhogoat hilinghobagakhi logouwak, nen noe hebe heluk ekhe inomat logolik heilenggen isagainat logou hak. Oba nen he hun hokho haren inenu lisu pali lani iluk yaganisikhi lagen yi re ninggi'nogo mene faget nogo?” iluk yagatikhe.

2 SAMUEL 24:3 ပူးပေါင်းရင်းမြစ်များ

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

2 SAMUEL 24:4

Oba nen he at raja a'nogo re aren hilingisigiluk wene lenggalogo wulafikhe mene a'nogo faget enek hilingiti lagaikhe mo re, at Yoab inom, it perwira fena omanogo inom he, it afuni Israel mene wenaginabugun iluk lagaukwa.

MAZMUR 115:14

Hit hinebe inom tagomangge mene inom, Nineisena Allah nen he, hinagainafuri mondok hokhorogo wokhisikhi logouwago.

AMSAL 14:28

Raja lego welagarek andi re afuni inebe hokhorogo werek halok, nen afuni inebe hokhorogo werek lek halok he omame logou lek hak.

YESAYA 60:5

A'nogo wesumo haren heilenggen isambik he fogerinabimbik helokhe heanerogo woginabigin, nen hendawimo hagaiyegen habunuk eti logolik le asu hak hilinghabigin o. Yi afuni ti afuni inunggulenu lombok inangge omanogo re hat were'ma waluk wesugun, i laut fena fikhiren hokhorogo werek engge omanogo re hat haiba puleli wesugun.

ULANGAN 1:11

Hinobagasikhemo re Aren wene abok yagaisasikhe hakhogo hit hinebe sik-pikhogo mangot hinobagagik, hit hinunggulenu mene re hinangge yi mene ti mene mondogat hinenggim werek enek hilinghinafik ikhi logouwak.