2 SAMUEL 24:21 - Allah Wene Fano Wene Hupla Inane

²¹ ”Neisena hat he ninggi'nogoluk wagen?” iluk heinok wokhasikhe. A'nogo heinok wokhasikhemo re at Daud en ikhi logolik, ”Ou amben weak mene nen ap warogo fit ikhe mene ari legasuageluk he, an nen Tuhan obaget mezbah helep wurogo warogo noligin nen iluk he, kweang gandum enggen lolhi lagen oba ari onggo palisouwogen iluk wagi o, ”iluk yagatikhe.

2 SAMUEL 24:21 ပူးပေါင်းရင်းမြစ်များ

KEJADIAN 50:10

It omanogo waga lagaukwasik he, o i Yordan abel mo yegelogo lagai wagarek higit afuni gandum enggen sagalharek oba o Goren-Haatad andoma asi lagaukwasik he, inendawimo weak agaikhesik, le inane hokhorogo agaukwa. A'nogo agaukwama, at Yusuf en fong andoma wasuageluk isikhemo re, fong watu inenggi 7 nen o andoma welagaukwa.

2 SAMUEL 24:18

Linggene a'nogo sambulat, at Gad a'nogo Daud oba wagaikhesik yagati logolik he, ”Neisena hat hebe re at Arauna nen gandum enggen lolherek oba aremnogo lagai lambik he, Tuhan obaget helep amboloba noletuba enu mezbah a'nogo mene ekhe wusi lan o,” iluk yagatikhe.

2 SAMUEL 24:20

At a'nogo lagagunem a'nogo re, at Arauna a'nogo eil filik-filik pelakhasikhe re at raja a'nogo agoromi eiso'marogo lagagunem pelagisasikhesik, at Arauna a'nogo eindep awi yagaisogo at Daud heinok wokhikhi logolik,

2 SAMUEL 24:3

A'nogo yagatikheba nen he at Yoab en raja a'nogoba ikhi logolik he, ”Hat heisena Tuhan Allah andi nenat it afuni Israel mene inebe yogondak lambulogo werek mene andem he we endep hak werek kwelek, ekhe seratus nen hakhogo oba loukhogoat hilinghobagakhi logouwak, nen noe hebe heluk ekhe inomat logolik heilenggen isagainat logou hak. Oba nen he hun hokho haren inenu lisu pali lani iluk yaganisikhi lagen yi re ninggi'nogo mene faget nogo?” iluk yagatikhe.

1 TAWARIKH 21:22

A'nogo hilingitikhemo at Daud en yagati logolik he, ”Ou enggin mene yi legasuakhogo re an obalik yaba Tuhan obaget warogo nolhuba wusigin nendawimo anggigi. Enggere kweang yi an wanigin nen he, onggo yiba iluk yaganom,” iluk yagatikhe.

MAZMUR 106:30

Oba nen he at Pinehas wulifi logolik he, it mondogat weak hilingitukwa mene omanogo unggum wogisasikhemo re, ou amben mondok weak mene a'nogo palagaikhe.

BILANGAN 25:8

ap inom he inom aremnogo muginarek he o sabumo a'nogo kwi lagaikhe. Kwikhi logolik ap inom he inom aremnogo inebe pirenerat sige kabelek a'nogoba talogo inoatikhemo re, it Israel mene inanggele'ma enggin inoba asigiluk enek-enek aple aga lagaikhe mene a'nogo palagaikhe.