2 SAMUEL 24:2 - Allah Wene Fano Wene Hupla Inane

² A'nogo yagatikhemo at Daud en Yoab tentara inoe lego mene panglima a'nogoba yagati logolik, ”It afuni Israel mene inebe miren hakhogo werek iluk nelu asuak hogore, it hagoromi tentara inogogwi lego mene perwira omanogo hinom he, o it afuni Israel mene werekwe omanogo mondogat lambik ap inenu lisu pali lani o,” iluk yagatikhe.

2 SAMUEL 24:2 ပူးပေါင်းရင်းမြစ်များ

KEJADIAN 21:14

A'nogo yagatikhemo, hubet ohealegat siakhogo at Abraham en he, sumburu inom, iwak wam agap mene hilingik meneba elema hinago mene inom, ebekhalem noageluk Hagar wogetikhesik, eak a'nogo yaruk fesikhesik, ”Lani o,” iluk lakfisasikhe. A'nogo lakfisasikhemo, o andoma herakfisaluk he, o leimo enu Bersyeba andoma ya nogolik ta nogolik nikhi lagaukwa.

2 SAMUEL 17:11

Andi nen he, an nendawimo anggigi mene yagahesik: Haren ap Israel mene inawi o yi awi ti awi welagaikharek mene mondogat andogorinabimbik he, inebe mondok hokhorogo ial laut yenggelek esanggokwe welagarek andi hak agu halok, noe hat hebe nenat woginarek weim yabi lano o.

2 SAMUEL 2:13

Nen, at Yoab (agaisa enu Zeruya) a'nogore at Daud agoromi inom o kota andi lagaukwaat. Ap esa pire logalek fena nen fena nen lagaukwa mene omanogo arogo Abner ebikhit mene re, i mogo esanggo yi fikhit werek kwelek, Yoab ebikhit mene re i mogo esanggo eli fikhit logolik he, inelokhe yet-yet aga lagaukwa.

2 SAMUEL 20:23

At Daud en yabu at a'ma hilingiti logogun mene menfisasikhe mene a'nogo inebe re yi: It afuni Israel mene mondogat faget inoe kain panglima re hun Yoab menfesikhe. Nen at Daud onggwarek ebe kagalek nikhi logogun mene inoe re Benaya hun Yoyada amlogo a'nogo menfesikhe.

2 SAMUEL 24:15

A'nogo isikhemo at Tuhan nen ou amben weak mene afuni Israel mene inoba lakfei wagaikhemo re, linggene a'nogo sambul hubet eroratikhesik werek kwelek enek he linggene enfesikhe mene a'nogoba huli higit asi lagaikhe. It afuni Israel mene were'ma andoma afuni inebe re 70.000 nen mene wa'lagaukwa.

2 SAMUEL 8:16

Nen at Daud agoromi ineabu lego mene at Daud en menfisasikhe mene inebe re yi: Panglima it sikhe fisogo mene inoe mondok lego mene re Yoab hun Seruya amlogo a'nogo. At Daud aiba at ebe werek oba andoma lisu palhi lagaikhe mene re Yosafat hun Yehilud amlogo a'nogo. Imam he Zadok hun Ahitub amlogo a'nogo inom, Ahimelekh hun Abyatar amlogo a'nogo inom welagaukwa. Nen Negara faget lisu palhu mene re hun Seraya nen palhi lagaikhe.

1 TAWARIKH 21:2

Andiba re at Daud en Yoab inom, at agoromi sikhe fisogo mene inogogwi perwira omanogoba yagaisikhi logolik he, ”Afuni Israel mene inebe seberogo miren werek andi an nelu asuakhogo re, hiren ap wenagaisogo inenu lisu palik he o unggut-unggut andoma huli mondogat pali lano o,” iluk yagaisasikhe.

2 TAWARIKH 32:31

Nen at oba ou were'ma, ap o Babylonia mene nen oba heinok wanuogeluk wagaukwama re, At Tuhan nen he at endawinggen hilingik aple obabut paligin iluk he, Hizkia onggwaregen onggo uageluk eil fesikhe.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

YEREMIA 17:5

Tuhan nen yagaisikhi logolik, ”Ap ekhe An eisena Tuhan a'nogo oboget nealuk, endawinggen afuni mene inoba himbirik welagik, onggwarek omameba tipsek welagik, hilingitu werek halok he ap andi re homan ugu logouwak.

2 KORINTUS 12:7

An nen, ”Nabikanggo elalin mene neilenggen higi andi nailo e,” iluk nonggwaregen fogerakhanogo iluk he, afuni inebene alok kugunem heinet watarek hak, ou noba agunem heinet wati logouwageluk, nobagasikhemo, Iblis nen ayonggo fesikhe mene hangge noba were'ma, ninoe Enupogoren henegeisogo wulakfisoageluk nenggi henagan oba ayonggo figi meneat he,

HAKIM–HAKIM 20:1

Andiba re afuni Israel mondogat mene o Dan abel utara fikhiren he o Bersyeba selatan fikhit oba nen, o Gilead mo liabi wagarek fikhit andoma nen he it inebe misik seberogo yonggo fesukwa mene a'nogo hologo o Mizpa Tuhan elokhoma andogotukwa.