2 SAMUEL 24:17 - Allah Wene Fano Wene Hupla Inane

¹⁷ At Daud en he malaikat afuni inoasigiluk wagaikhe mene a'nogo eilenggen hasikhesik Tuhan oba yagati logolik he, ”Weak andi re an nenat kwanirogo hilingitimo re anat weak hilingiti o. Oba nen he afuni inunggulenu yi inap, inonggwaregen yi'nogo ti'nogo mel hilingisu mondok elo'lek mene yi nen he ninggi'nogo mene weak hilingitama? An inom, an neisok erokwe mene inom enek unggum ninoba fein o!” iluk yagatikhe.

2 SAMUEL 24:17 ပူးပေါင်းရင်းမြစ်များ

KEJADIAN 18:23

A'nogo inom logolik, at Abraham ebe nineisena Tuhan oba higilogo era'lu wagaikhesik he, mel yagatikhe: ”Haren he, afuni weak hilingitarek mene mondok legetfisikhi logolik, it ekhe weak hilingiti'lek mene inomat wene inoba fuluk weaget fisagain nogo a?

KEJADIAN 44:33

Arigini'mo re noe, nit ninagot Benyamin ari re ogogwi inom inaiba lagu kwelek, at obali'mo re, an noe hamingmingengge asimbik yoma logogin yaganesinogen iluk kino yagaheti lagi.

2 SAMUEL 12:13

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

2 SAMUEL 24:10

Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.

2 SAMUEL 7:8

Andi nen he, An Tuhan yi mene ti mene hilingisu hagenek mene a'nogo nen he, namingmingengge Daud yaga'nogen iluk yagahesigin mene yi, mel ikhe iluk yaga'no: Hat hanggo domba konhi logolik o leimo were'ma wokhafigisik, nagainafuri Israel mene inoe raja logoinogeluk menhobagasigi andi.

1RAJA-RAJA 22:17

A'nogo yagatikhemo, at Mikha nen hobuk onggo ikhi logolik, ”Ap tentara Israel mene inebe wam domba afuni konharek mene inebe le'ma welagaikharek andi hak, tom oba andoma inebe inamu-inamu pugulhunem yerisigi o. A'nogo were'ma, it faget At nineisena Tuhan nen he, it ap inogogwi kaindek mene inebe le'ma werek andi re, inebe inagap telek inaiba fanorogo loago, iluk yaganete,” iluk yagatikhe.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

AYUB 7:20

Afuni ineaga mene yi re! An naweak hilingiti mene andi re Hat he nongagen a? An nen he Hat Hoba enggin hokho mene figimo a? Nenahalok Hat handok a'nogo an noasuageluk ambisang nebikhit hal fikhi lagen?

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

MAZMUR 44:11

It ninaselei mene inoba ninailo a'luk heise pugulik-pagalik uageluk hilingninobagegen, Nen iren he nit ninangge yi mene ti mene omanogo mondogat telaga.

MAZMUR 74:1

At Asaf en yanggulinafi lagaikhe awuni. Neisena Allah, Haren he mondok mondogat oboget nisegen a? Nenahalok Hat honggwarek hagainafuri mene inoba ha'mage fugu mondok logogin nogo?

MAZMUR 78:71

At Tuhan againafuri Israel mene omanogo halinafi logouwageluk at ebe wam domba isa omanogo halhunemen wanhikhe.

KELUARAN 10:16

A'nogo hilinglagaikhemo, at Firaun nen he, weak-weagat Musa Harun emberek wolisasikhemo lagaukwama re, mel yagaisasikhe: ”An nen hit inom, hineisena Tuhan Allah inom, hineilhanem weak hilingiti o.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

YUNUS 1:12

at Yunus nen he, ”Ero an weak hilingitiba i ha'labu nen hinoasu hak mondok elo'lekhogo hilingiri'lago andi re, an arat futfigi o. Andi nen he, an nebe hambokhogo i laut oba pelaknobagaumo nek he sogoi abolok ili'lago mene ari hambuk igin o,”

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.