2 SAMUEL 24:16 - Allah Wene Fano Wene Hupla Inane

¹⁶ At pogoroba yonggo mene nen wa'lagu mene waluk wagaikhe mene a'nogo hun Arauna o Yebus agun a'nogo nen gandum enggen lolhuba aremnogo asi lagaikhesik were'ma, At Tuhan eilenggen hasikhe re malaikat pogoroba yonggo nikherek mene a'nogo nen he o Yerusalem a'nogo mondogat wolelenggenhogo feigiluk ugunem hasikhesik, At Tuhan nen, a'nogo inoasi lan, iluk wene katokhogo isikhe mene a'nogo hebekhogo re it afuni inunggulenu a'nogo mene unggum inoba feigiluk isikhe mene a'nogo herakfisasikhe. A'nogo herakfisasikhesik, Aren malaikat oba ikhi logolik he, ”Arat hilingiten! Palfein o!” iluk yagatikhe.

2 SAMUEL 24:16 ပူးပေါင်းရင်းမြစ်များ

KEJADIAN 10:16

Hun Kanaan andi ogore it Yebusi inap, Amori Girgasi inap, Hewi Arkisini inap.

KEJADIAN 6:6

A'nogo isasikhesik, mel isikhe: ”Afuni andi nambigen elalogo kweangma fisigi e,” iluk endawimo mondok weak agaikhe.

2 SAMUEL 24:18

Linggene a'nogo sambulat, at Gad a'nogo Daud oba wagaikhesik yagati logolik he, ”Neisena hat hebe re at Arauna nen gandum enggen lolherek oba aremnogo lagai lambik he, Tuhan obaget helep amboloba noletuba enu mezbah a'nogo mene ekhe wusi lan o,” iluk yagatikhe.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

1 TAWARIKH 1:14

At Kanaan andi re it Yebusi inap inom Amori inap inom, Girgasi inap inom,

2 TAWARIKH 3:1

O Tuhan Awi a'nogo ebe wusugun oba faget he, at Daud en, ”O Yerusalem Tom Moriaba hun Arauna awi Yebus agun a'nogo nen gandum enggen lolhi lagaikheba andem wusugun,” iluk tukhumet fesikhe. O Tuhan Awi andi ebe wusigin mene re,

2 TAWARIKH 32:21

A'nogo samban isukwama re linggene misik sambul he, Tuhan nen it afuni Asyur mene inogogwi perwira omanogo inoasuageluk malaikat misik ekhe lakfei wagaikhemo re, mondagat inoasi wagaikhe. It a'nogo inoarik lagunem he hun raja a'nogo enggali mondok hokho mene agaikhesik he, aiba o Asyur omanogo ambotkwe lagaikhe. Oba nen he linggene misik sambul ekhe re at alegenek anggembu aiba omanogo kwisikhesik were'ma nen he, at onggwarek againafuri inebe fenakwe ekhe wagaukwasik he at ebe karok oba pinggi watukwa.

MAZMUR 35:6

Malaikat Tuhan nen mugusogo re kwe elabin mondok hikhak sekwe andoma loago!

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

MAZMUR 90:13

Tuhan neisena. Ha'mage het-pet ili'lago mene andi re ki huliba nen legasigin nogo? Ha'mage siok imbik he, hambotkwe nit hamingmingengge mene yi hendawit ninafi logoin o, neisena.

KELUARAN 12:13

A'nogo weaget fisambik waga logolik, hit hinailokwe wam mep warek logogin andi nen enegat hilinglasigin o. A'nogo enegat were'ma, An nen afuni Mesir mene legetfisilik waga logolik, hit ogalhinobagaluk lagain o.

KELUARAN 12:23

A'nogo watfuluk were'ma, nineisena Tuhan afuni Mesir mene inoasigiluk eilenggen kogolik waga logolik, domba amep hit hinaiba kwe ambe fana-fena e liabek meneba inom, e kwe ambe ambolkwe meneba inom, warek were'ma eilenggen haluk he, hit hinaiba ogalhisaluk pikhit laga logolik, malaikat afuni inoaterek mene hit hinaiba hinoasi kwigi'lek pikhit loageluk yagasigin o.

KELUARAN 32:14

A'nogo yagatikhemo At Tuhan nen afuni andi unggum inoba fembik mondok-mondok inoasigiluk isikhe mene andi kamo isikhesik he, inoati'lek herakfisasikhe.

KELUARAN 9:28

Hit hobuk o yoma logogun lek. Lakhinobagaigen he, nit o meiso sogenggen unggunggu ane pakhogo mondok weakhogo ninoate andi faget Tuhan kino yaga'no o,” iluk yagaisasikhe.

YESAYA 27:8

Tuhan nen againafuri unggum wogisagain he yi'nogo, ”Aren he sogoi timur fikhiren omamerogo funhogo woginarek he ap pok mene inaiba andoma huginabi lagain.

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

YEREMIA 26:19

Oba nen he raja Hizkia inom afuni Yehuda mene inomen he Mikha ebe watukwa lek. Athe Hizkia ailo agasik he Tuhan nen endawit nabuageluk kinotikhe. Andiba re Tuhan nen inoasigin iluk wenggelogo welaga mene a'nogo lisogo wanhe. Nen, yogondak he niren ninonggwarek ninoba weak hokho mene fakhouwogeluk hilingiti lago andire higira?” iluk aga.

YEREMIA 42:10

”Hiren ambi o kweang yiba femhogo logogun halok he wene hit hinoba hilinglari'lago mene andoma faget An nen nendawinggen warikhi lagi hilingi'mo re, An nen hit sebelogo hinobagakhi logogin lego oba nen legeisogo hinobagakhi logogin. Nen An nen hit pelakhinobagakhi logogin lek oba nen he menegaisogo hinobagakhi logogin o.

AMOS 7:3

A'nogo ayonggo figimo, Tuhan nen hilingisigin iluk endawimo anggasikhe mene a'nogo agam etesik he mel yaganete: ”Hat heilenggen hegen mene andi re ebe asigin lego,” iluk yaganete.

AMOS 7:6

A'nogo igimo, Tuhan endawimo ebete mene a'nogo agam etesik he mel yaganete: ”Hat heilenggen yethegen mene andi ogore, ebe asigin legaro,” iluk yaganete.

HABAKUK 3:2

”Tuhan neisena, Hat hobabut hilingiti lagen mene andoma nesanggo holhiresik he, nendawimo nen Hat hobaget hilingisu hagenek hilingnabi'lago o. Attak hilingiti lagagin andi hak, yogondak ekhe hilingitik, weinamet figik, ino. Ha'mage lagakhi logoligat he, hendawit ninabin o.

ZAKHARIA 9:7

Iren wam amep werek mene inom, na fuk iluk ili werek mene inom ninggi logogun lek. Afuni longgo imbik logogun menere An nagainafuri mene asumo it he Yehuda mene inom seberogo fisamo logogun. It Ekron mene re it Yebus inap o attak hilingik welagaukwa hakhogo re, An nagainafuri mene asugun.

MARKUS 14:41

Kamo isukwama re, at enggi pireba eilenggen isa wagaikhesigen, hobuk lagaikhesik isa wagaikhesik he, mel yagaisasikhe: ”Hit set walogo nogo mondok ugu logogun a? Nogo arat egebo. An hilingnabugun a'nogo yogondak yi aro. Ap ekhe nen it ap weak hilingiri'lagwi mene nen, an abat ta'lasi wagagi a'nogo noasuageluk inenggiba arat nobagagun yi yethani!

1 KORINTUS 10:10

Nen, afuni it mene ekhe nen pou iluk lagaukwama re, malaikat pogoroba mene inoaterek mene Allah nen lakfei wagaikhemo, afuni inebe hokhorogoat inoatikhe andi hak, nit ninoasinogo iluk, pou-pou enek ugun lego.

YOSUA 15:63

Kota Yerusalem andi ogo re it Yehuda nen meneba nen he. it Yehuda inap en he ap Yebus inap o andoma welagaukwa mene mugusogo wulak fisasukwa lek. Yogondak huli nen he it Yebus inap andoma re it Yehuda mene inom seberogo o kota andiba werek.

HAKIM–HAKIM 1:21

Unggulenu Benyamin mene nen ap unggulenu Yebus mene o kota Yerusalem en mugusogo wulak fisa elo'lekhogo hilinglagaikhe. Andiba re ap Yebus mene re ap Benyamin mene inom seberogo welagaikharek andi.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.