2 SAMUEL 24:14 - Allah Wene Fano Wene Hupla Inane

¹⁴ A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.

2 SAMUEL 24:14 ပူးပေါင်းရင်းမြစ်များ

2 SAMUEL 9:8

A'nogo yagatikhemo, at Mefiboset en eindep awi yagaisogo hobuk agaugweratikhesik mel yagatikhe: ”Noe. An hamingmingengge nebe kembu meneat he, haren a'nogo fano hilingnabigin andi nenahalok,” iluk yagatikhe.

2 RAJA-RAJA 6:15

A'nogo latukwama, at Elisa amingmingengge a'nogo eluk a'luk o huberat siakhogo wulifikhesik kwelakhasikhe re, ap tentara Siria mene wam kuda inom, kereta weim yafarek mene inom, waluk o latukwasik weregen he, ambotkwe Elisa oba kwisikhesik he, mel yagatikhe: ”Eige noe, nit weaget ninabi'lagwi andi! ninggi'nogo hilingisugun anggegen?” iluk yagatikhe.

1 TAWARIKH 21:13

A'nogo yagatikhemo re at Daud en onggo ikhi logolik he, ”Eige, an mondok alomat lasigin higi! Oba nen he Aren endawi hundik hilinginaferek mene andi re hokho hilingi'mo re, afuni nen unggum wo'nesu hak andi re, we At Tuhan nen enek unggum wo'nesigin fano o,” iluk yagatikhe.

MAZMUR 119:156

Tuhan neisena, Haren hendawi hundik hilingninafi lagen mene andi re mondok hokho mene hilingninafi lagen, Haren mondok katokhogo nek hilingiti lagen mene a'nogoba an nagap telnabin.

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 130:7

Hit afuni Israel mene hineisena Tuhan nen endawi hundik mondok logolik, telninafu mondok welagarek andi nen he, ”Nit hobuk telninabigin,” iluk, serogo mondok logouwok.

MAZMUR 145:9

Hat he, afuni inebe lombok endawi hundik logolik, yi mene ti mene elalogo fesikhe mene mondogat endawinggen hundik welagaregat.

MAZMUR 51:1

It ekhe nen wuni wati logouwagaluk, at Daud en he Batsyeba pailak hilingitikhemo, at Natan Allah ane yagaisikhi lagaikhe mene a'nogo nen he, ”Hat weak hilingiten,” iluk yagatikhesik oba nen Daud en wuni felalogo watikhe mene.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

AMSAL 12:10

Ap fano mene nen at anggo takhikherek mene furogo halhi logogin, oba nen ap weak mene nen he weagerogo fikhi logogin.

YESAYA 47:6

Attak he An nen nagainafuri wenagisikhi lagagi, it faget An nagainafuri wenaginafi mene werek anggikhi lagagi lek. A'nogo anggikhi logolik it a'nogo An nen hat henggiba horogo fesigiba nen, haren it faget inelagaik anggikhi lagagin lek, nen we it inaluendek meneba nen ogore haren haniniba enggin-fenggin inoba fikhi lagagin.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YEREMIA 39:17

Oba nen he hat hebe re An heisena Tuhan nen nawe a'ma fetharek logogin. Hat hebere ap haren hailorinafi lagen mene andoma inoba wogisogoin lego.

RATAPAN 3:22

Tuhan nen endawi hundik nafe mene andi re mondok-mondok logogin mene, At endawimo fanoba hilingnaferek mene andi re lek asigin mondok lek,

DANIEL 9:9

Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MIKHA 7:19

Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

ZAKHARIA 1:15

Oba nen andi ero re it nagainafuri inoba na'mage fugu mene hambuget haluk welagiba nen it inunggulenu inap andi nen he, An nagainafuri inoba enggin-fenggin hugu mene a'nogo ekhe inom engginet fisugu weregen he, it inunggulenu inailo legengge fanorogo welago, iluk anggili'lagwi mene andi re, An na'mage inoba fugu welagi o.

YOHANES 12:27

At Yesus nen wene a'nogo yagaisasikhesik he, samban ekhe mel isikhe: ”Neisena, an yi enggin ti enggin hagain andi nen, yogondak nendawinggen mondok heiseli'logo andi re, haren nebe telnabin o, iluk yagahesu meneat he, a'nogo hilingnabuagelugat wagagisi'mo andi nen he, a'nogo igin lego, Neisena,

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

1 SAMUEL 13:6

A'nogo wusi wagaukwasik, afuni Israel mene inoasuogoluk mondok hilingisu elo'lek inailo mene kwi wagaukwa. A'nogo kwi wagaukwama, afuni Israel mene mondok ninggi'nogo hilingisu heat hilinglagaikhe. A'nogo hilinglagaikhemo, it ap Israel mene inebe logalegat oumoukwe inom, tom oba kiling elekwe inom, helep honggolekwe inom, i mogo habulikwe inom, kweang anggwe folelekwe inom, hina'larik lagaukwa.