2 SAMUEL 24:10 - Allah Wene Fano Wene Hupla Inane

¹⁰ Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

2 SAMUEL 24:17

At Daud en he malaikat afuni inoasigiluk wagaikhe mene a'nogo eilenggen hasikhesik Tuhan oba yagati logolik he, ”Weak andi re an nenat kwanirogo hilingitimo re anat weak hilingiti o. Oba nen he afuni inunggulenu yi inap, inonggwaregen yi'nogo ti'nogo mel hilingisu mondok elo'lek mene yi nen he ninggi'nogo mene weak hilingitama? An inom, an neisok erokwe mene inom enek unggum ninoba fein o!” iluk yagatikhe.

1RAJA-RAJA 8:35

Nen, Hat hagainafuri nen hane sagalogo hilingitunem, Haren wene inoba fuluk, meiso pelabi wagi'lek kamo ugunem, iren he, Nit weak hilingitoma, iluk inobabut hebela'luk, Nineisena Tuhan he, Hat aro, iluk fogethapluk, o Hat faget hilingiti logogun oba yi we'luk, samban hoba kino yagahetu halok,

1 TAWARIKH 21:7

Allah nen ogore ap inenu lisu palogo wenaginafukwa mene andi faget abit anggasikhesik Aren it afuni Israel mene inoba wene fesikhe.

1 TAWARIKH 21:8

A'nogo wogisasikhemo re at Daud en Allahba samban ikhi logolik he, ”Allah neisena o, an mondok weak hilingitimo, naweak sebelogo leget fisan o, an nen hilingiti mene andi re mondok kemburogo hilingiti o, neisena!” iluk samban isikhe.

2 TAWARIKH 16:9

It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

2 TAWARIKH 32:26

Oba nen he it afuni Yerusalem mene a'nogo inom, at Hizkia inom, Tuhan a'ma sebeluk sebel fakhasukwama re, at Hizkia ebe eluk logolik oba re unggum wene a'nogo it inoba fikhi lagaikhe lek.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

KELUARAN 10:16

A'nogo hilinglagaikhemo, at Firaun nen he, weak-weagat Musa Harun emberek wolisasikhemo lagaukwama re, mel yagaisasikhe: ”An nen hit inom, hineisena Tuhan Allah inom, hineilhanem weak hilingiti o.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

BILANGAN 12:11

Arigini'mo hasikhesik aren Musa yagati logolik, ”Ninoe nit lebetnisano, nit ninendawi kembu nen hilingito mene andi, weak hilingitoma re, nit hilingito mene andiba ninoba ou-pou mene andoma hilingfisoageluk herakfisagun o.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 8:9

A'nogo palhu kwelek it omanogo wene yagaisasikhe mene a'nogo inesanggo holhukwasik he, it inaluendek tak wulifukwama, hobuk inebe mondogat misik lit pire lit pugulhukwama, at Yesus he a'nogo inom inalegat logolik he,

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

1 SAMUEL 13:13

A'nogo yagatikhemo, at Samuel en Saul mel yagatikhe: ”Noe. Hat kemburogo hilingiten. Hat nineisena Tuhan Allah nen, yi'nogo hilingi'no, iluk yagahete mene ane hologo hilingi'lenma re, Aren hat hebe raja logouwagaluk hilinghafesik, haren tagomangge mene afuni Israel mene inogogwi kaindek raja mondok logouwageluk hilinginafik ilebaro.

1 SAMUEL 24:5

A'nogo kwi lagaikhemo at Daud agoromi omanogo nen inoeba yagati logolik he, ”Tuhan nen hat yagaheti logolik, Hat haselei mene re ninoe henggiba wokhesumo hat hendaimo at oba hilingisigin anggagain higithogo hilingi'no iluk, yagahete lek nogo? iluk yagahetikhe hilingi'mo yogondak yi re i aple at andiba hilingisuageluk werek enggere, nineisena haren hilingisino!” iluk yagatukwa. A'nogo yagatukwama re at Daud a'nogo linglong Saul were'ma aremnogo asi lagaikhesik he, ane legengge at Saul asu jubah a'nogo wurepma endebat ekhe tiliphogo wanhikhe.

1 SAMUEL 24:6

A'nogo tiliphogo wanhikheba nen, hobugen at Daud endawimo nen he eige an nen a'nogo hilingiti andi re weagat hilingiti o, iluk anggasikhe.

1 SAMUEL 26:21

A'nogo isikhemo at Saul en onggo ikhi logolik, ”An weak mondok hilingiti lagi o, andi nen he Daud namlogo e hebe sugulogo eme o! Haren yogondak hup yiba an neluk ekhe inom logouwageluk nobagegenma re, an nen weak mene hat hoba ekhe hilinghobagagin lego. An nobabut he mondok morue. An he we ibi-eberogo nen nonghonghogo hilingiti o,” iluk yagatikhe.