2 SAMUEL 24:1 - Allah Wene Fano Wene Hupla Inane

¹ Tuhan nen it afuni Israel mene inoba a'mage lagakhi lagaikhesik, it inunggulenu andi mene inoba enggin mene lakfei wesigiluk at Daud a'nogo konogo hakhogo hilingitikhesik, At Tuhan nen wene at Daud oba yagati logolik he, ”It afuni Israel mene were'ma inom, Yehuda mene were'ma inom, inenu lisu palogo wenaginabin o,” iluk yagatikhe.

2 SAMUEL 24:1 ပူးပေါင်းရင်းမြစ်များ

KEJADIAN 45:5

Afuni hokhorogo inagap telinabuageluk at Allah nen hit wagi'le'ma attak wo'narek o yoma wagaikhemo re, hiren an onggo palnafigip mene andi faget hinailo agik, ninambigen hilingito ago igik, hilingisu fugo.

KEJADIAN 50:20

Hit hinebe mondogaren an weaget nabuogeluk mondok isigipsik weaget nafigip meneat he, at Allah nen afuni yogondak werek mene hokhorogat telinabigiluk, hiren an weak hilingnafigip mene andiba fano mene hilinglasuageluk hilingitemo o.

2 SAMUEL 12:11

Ero hat honggwarek hagainafuri weak enat, yi enggin ti enggin hinoba fakhikhi logogun o. Nen, An nen he hat hagagwi honggwarek heil kumurinarek kwelek waganogo re ap amu mene ekhe wogisugunem, aben lingge tulem werek kwelek omanogo inom nogokhi logogun o.

2 SAMUEL 16:10

A'nogo yagatikhe meneat he, at Daud en Abisai oe Yoab emberek mel yagaisasikhe: ”Nineisena Tuhan nen lakfei wagama, homan nobagali'lago meneat logou hak. Ma re, niren he, hat sa nen a'nogo ino iluk yagahetemo eise agendik ikhi lagen, iluk yagasugun elo'lego. Halok he, aren homan nobagauwagen he, at ebe wati'lek herakfeni o,” iluk yagaisasikhe.

2 RAJA-RAJA 3:6

Andiba re raja Yoram a'nogo o Samaria herakfuluk he lagaikhesik at agoromi sikhe fisogo inap weim yafarek mene fik-foukhogo hilingfisa lagaikhe.

1 TAWARIKH 21:1

At Iblis nen he it afuni Israel mene alomarogo fisagain iluk endawimo anggasikhesik, andi nen he aren Daud endawimo kagalhi logolik he, ap inenu lisu palogo wenasuageluk hilingitikhe.

1 TAWARIKH 7:2

At Tola re amlogomi inebe falfaligen welagaukwa, inenu re: Uzi, Refaya, Yeriel, Yahmai, Yibsam, Samuel inom andem. It ap andem he it Tola inap andiba nen inogogwi kepala higit logolik ap mondok sikhe inenggi puk inap welagaukwa. At hun raja Daud a'nogo welagaikheba andem it inebe seberogo re 22.600 nen welagaukwa.

1 TAWARIKH 7:40

Hun Asyer ambisangma mene nen tagomangge menere andoma. It inebe mondogat he, ap it ineisok erokwe mene faget inogogwi kaindek logolik it mene nen it inagoromi inom, inaiba inom faget hilingitik, melalinafu mene faget welagik, hilingiti lagaukwa. Hun Asyer ambisangmangge andiba menere ap sikhe fisogo mene nen hilingitarek mene omanogo elok hilingisu hak mene nek inenu lisu palogo re ap inebe 26.000 nen welagaukwa.

2 TAWARIKH 32:25

At oba ou a'nogo Tuhan nen fano hilingfesikheba nen he at wonoget fakhikhi logolik he, Tuhan oba hai wati'lek hilingitikhe. Andiba re At Tuhan nen it afuni Yehuda mene inom, Yerusalem mene inom, inoba a'mage fesikhe.

KELUARAN 7:3

A'nogo meneat he, An nen at raja endawinggen mondok haro mene hilingisogo fagain o. Hilingisogo fembik, An nen yi enggin ti enggin inailo mene hokhorogo afuni Mesir mene inoba fagain meneat he, at kain nen wene haren yagasigin mene andi esanggo hologo hilingiti'lek herakfisikhi logogin o.

YEHEZKIEL 14:9

Ap nabi mene ekhe ineranhogo wene yagasumo aren onggo higithogo yagaisagain lek mene andi re An nenat neranhogo yagatimo. An Tuhan Lego Mondok welagirek mene a'nogo nen ap andi it Israel mene inanggele'ma nen litmirogo wulakfisagain o.

YEHEZKIEL 20:25

Andi hilingitu nen he An nen wene melalek weak mene inom, yi'nogo ti'nogo hilingi'no iluk melalek mene omanogo ineluget inaferek lek mene inom, wogisasigi.

IMAMAT 10:6

A'nogo hilingitukwasik at Musa nen Harun inom amlogomi inebe pire inenu Eleazar inom Itamar inom inoba yagaisikhi logolik, ”Hit hinendawi ou en hinesi salogo hinasu pelagi su igisogo fong wasu fuk. Hit a'nogo hilingisugun halok he hit hinomat wa'lasugun, nen it afuni Israel mene mondogat ogo Tuhan nen a'mage inoba fagainat. Oba nen he, it afuni Israel mene fenakwe nek he it andi Tuhan agandou en inoate mene andi faget fong wasuak.

BILANGAN 1:19

Mondogat andire At Tuhan nen Musa yagatikhe higithogo o Sinai leimo nen hilingitikhe.

KISAH PARA RASUL 4:28

Mene re, wene andi hat henggi omame werek mene nen, hendawimo nen he, A'nogo hilingisuak, iluk anggasigin obaat, a'nogo hilingita andi.

2 TESALONIKA 2:11

It afuni andi nen ebe wene eberogoat iluk wanhi'lek logolik: ”Weak mene andiat ninamolo,” iluk hilingiti logogun mene andi, inebe mondogat Allah nen wene inoba fuluk weagerinabigeluk he, nongerinaferek mene omame werek mene ekhe lakfei wesigin. Lakfei wesumo, eranen igin meneat he, eberogoat iluk wanugun andi.

HAKIM–HAKIM 2:20

A'nogo welagaukwa andi nen he, at Tuhan a'ma kwe het-perisikhesik he, mel isikhe: ”An nen it yi inombalak yagaisikhi logolik, wene An nen warogo woginafigi wene andi kofologo herakfanhi'lek ninom hundigat logouwok, iluk yagaisasigi. A'nogo yagaisasigimo ninom hundigat welagagu meneat he, it hobuk mene yi, wene warogo woginafigi mene andi kofologo herakfanhasik, An nen, yi'nogo hilingiti logoino, ti'nogo hilingiti logoino, iluk yagaisasigi wene andi sagalogo hilingiri'lagwi andi.

1 SAMUEL 26:19

Neisena an hamingmingengge nen halong anggikhi logolik nane ikhi lagi mene yi holnabin o. Tuhan nen neisena miming hafi logolik, an hamingmingengge yi wasi lan iluk yagahetemo halok he, wam misik warogo nolumo nen he andiba Tuhan anini noba werek mene andi lek hilingisogo fou hak. Oba nen he neisena miming hafe mene andi, aben miming hafemo halok he, it andoma inebe Tuhan nenat homan fisikhi logouwak! Iren a'nogo nek hilingiri'lagwi andiba re, an hamingmingengge kweang Tuhan onggwarek anggweang oba nen wulibi lambik he anggolorogo ningginigin nen iluk o amumu afuni amu mene nen kembu dewa mondok nonggot mene andomaba apne wani laga logogun andi.