2 SAMUEL 23:5 - Allah Wene Fano Wene Hupla Inane5 ”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o. အခန်းကိုကြည့်ပါ။ |
2 SAMUEL 23:5
41 ပူးပေါင်းရင်းမြစ်များ
Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.
A'nogo yagatikhemo at Yoab en he, ”Arat egen. hat nemberek andi faget ninane uanhogo lirik louwok lek,” iluk isikhe. A'nogo isikhesik at Yoab a'nogo nen he arige kabelek ebe henagan mene wanhikhesik he at Absalom a'nogo re ebe elugengge e enggiba a'nogo hobalek logolik eiselogo pore'ma hilingitunem amigenggen tulem tanghogo wat fesikhe.
A'nogo hilingiti logombigen, hobuk hat hebe wa'lasumo, hebe warek hombalak salinafukwaba salhafunem he, hobulu'mo, hat hamlogo mene ekhe menfagain o. A'nogo menfoumo, aren enek he An nawi wusigin o. Nen, aren melalinafi logogin oba kerajaan andoma An nen mondok-mondok abolok leget foumo hambuksek logogin. Nen at ambisangma mene ekhe nen raja mendek logolik melalinafi logogin.
At Daud amlogo Absalom a'nogo ebe arat watukwama nen he, agot ombo'ne mene Andonia a'nogo re ebe arat ap manggusa tago higit agaikhe. At agaisa enu re, Hagit. Nen Andonia andi ebere mondok pugun-pagansek agun welagaikhe. Nen aren weak hilingitunem ogore, eisena nen wenageti'lek alelogo hebisikhi lagaikhe. Andi nen he, at Andonia onggwaregen, ”Raja an logogin,” iluk anggasikhesik, kereta weim yafarek mene hokhorogo tegelogo fakhigik, agoromi tentara kuda oba laluk weim yafi logogun mene tegelogo fisigik, ebe waluk nikhi logogun mene ap ekhe inebe 50 nen tegelogo fisigik, isikhe.
Nen, An namingmingengge Daud en, An nen, yi'nogo hilingi'no, ti'nogo hilingi'no, iluk yagati lagagi mene nane hologo mondok logolik, hilingiti lagaikhe andi hak, An nen hat yagahesigin mene andi, haren hologo nendawimo nagaiyek anggigirek mene andi mondogat neilhanem higithogo hilingiti logogin halok, An nen hat setharek mondok logogin o. Setharek mondok logolik, afuni Israel mene inoe raja logoinogen iluk menhobagagin o. At Daud en tagomangge mene menfisikhi logogin andi hak, haren tagomangge mene nen afuni Israel mene inoe raja aga logouwagaluk menfisikhi logogin aro.
Wene it ap alage nen yagatukwa higithogo yagaisikhi logolik he mel yagaisasikhe: ”An neisena nen yabu enggin mene hinoba fikhi lagaikhe mene andi endebat se hangge meneat he, an nen enek he, enggin mondok hokho mene hinoba fikhi logogin o. Nen, aren yei posiemanggen we meneba lambisogengge misigam oba hinoati lagaikhe meneat he, an nen yei posiemanggen alok werek meneba nenggi ekhe inom hogoat hinoati logogin o,” iluk yagaisasikhe.
An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.
Tom-tom andoma inom punu-punukwe andoma inom leigesigin oba nen he, An nen hit nendawi hundik hilinghinafu aple andi palfagain mondok lego. Hinendawimo serogo hilinghinobagagin o, iluk wene isigi mene andi re An nen obokhigi'lek fago mondok logogin o,” iluk Tuhan hat hebe endawi hundik hilinghabi'lago mene a'nogo nen ikhe.
Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.
Tuhan nen he, mel ikhe: ”An he, afuni inobabut weak logolik, yi enggin ti enggin hilinginafarek andi re mondok nabit logolik, higithogo hilingiti logogun andiat namolo welagirego. An he, nebe hit hinoba lomborogo logolik, onggo fano mene wokhisigik, wene mondok logogin mene warogo wokhinafik, ninom hundik welagik, igin o.
Andi hakhogo re An nen namingmingengge Daud ninom wene wati logolik he at ambisangma mene nen he hundik-hundik raja menfisikhi logogun isigi. An nen imam Lewi inap ninom wene wati logolik he, iren An nobaget hundik-handik hilingiti logogun isigi. Arigini'mo re wene watigi mene andoma lek hilingisogo fou re elo'lek.
Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.
Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.
It a'nogo wa'lasumo nen enek he, ap hunogoat mene ebe An eisewerek logolik, obabut hombunhogo An noba lomboksek logolik, An nen, yi'nogo hilingi'no, iluk yagatunem nane hologo hilingiti logogin mene ekhe wenagaisogo menfagain o. A'nogo menfembik, aren tagomangge mene inebe An eisewerek logolik, ap kaindek inenupogot An nen wenagaisogo menfisagain mene ineilhanem An faget hilingiti logouwageluk eisewerek fisagain o.
Eige neisena, an hamingmingengge nen furogo hilingiti'lek mene andi faget ebeti'lek sagalogo legetfeino. Neisena haren At Tuhan faget weim yafi lagen ma re At Tuhan nen he neisena hat inom, haren tagomangge mene inom he, it afuni Israel mene inobaget inoe raja mendek logouwageluk hinobagakhi logogin, nen neisena hebe heluk logogin huli andoma kwanirek mene ekhe hat helokhoma ekhe hilinglasigin lego.
ကြော်ငြာတွေ